close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ମୋଦିଙ୍କ ଫଟୋ ଭାଇରାଲ ପରେ ପ୍ରତିବନ୍ଧକ

ମହଙ୍ଗା ପଡିଛି ମୋଦିଙ୍କ ବିକୃତ ଫଟୋ ଭାଇରାଲ କରିବା । ଜାମିନ ମିଳିଛି ସତ, ହେଲେ ସୋସିଆଲ ମିଡିଆ ବ୍ୟବହାର ଉପରେ କଟକଣା ଲଗାଇଛନ୍ତି ହାଇକୋର୍ଟ । ବର୍ଷେ ପର୍ଯ୍ୟନ୍ତ ସୋସିଆଲ ମିଡିଆଠୁ ଦୂରେଇ ରହିବା ସର୍ତ୍ତରେ କୋର୍ଟ ଏହି ଜାମିନ ଦେଇଛନ୍ତି । ଆମେ କହୁଛୁ, ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକୃତ ଫଟୋକୁ ଭାଇରାଲ କରି ବିବାଦରେ ଛନ୍ଦି ହୋଇଥିବା ଜବିନ ଚାର୍ଲସଙ୍କ କଥା । 

ମୋଦିଙ୍କ ଫଟୋ ଭାଇରାଲ ପରେ ପ୍ରତିବନ୍ଧକ
ଫାଇଲ ଫଟୋ

ନୂଆଦିଲ୍ଲୀ: ମହଙ୍ଗା ପଡିଛି ମୋଦିଙ୍କ ବିକୃତ ଫଟୋ ଭାଇରାଲ କରିବା । ଜାମିନ ମିଳିଛି ସତ, ହେଲେ ସୋସିଆଲ ମିଡିଆ ବ୍ୟବହାର ଉପରେ କଟକଣା ଲଗାଇଛନ୍ତି ହାଇକୋର୍ଟ । ବର୍ଷେ ପର୍ଯ୍ୟନ୍ତ ସୋସିଆଲ ମିଡିଆଠୁ ଦୂରେଇ ରହିବା ସର୍ତ୍ତରେ କୋର୍ଟ ଏହି ଜାମିନ ଦେଇଛନ୍ତି । ଆମେ କହୁଛୁ, ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିକୃତ ଫଟୋକୁ ଭାଇରାଲ କରି ବିବାଦରେ ଛନ୍ଦି ହୋଇଥିବା ଜବିନ ଚାର୍ଲସଙ୍କ କଥା । 

ତାମିଲନାଡୁ କନ୍ୟାକୁମାରୀ ଜିଲ୍ଲାର ଜବିନ ଚାର୍ଲସ । କିଛି ଦିନ ପୂର୍ବରୁ ମୋଦିଙ୍କ ଏକ ବିକୃତ ଫଟୋକୁ ସୋସିଆଲ ମିଡିଆରେ ପୋଷ୍ଟ କରିଥିଲେ । ଯଦିଓ ବିବାଦ ପରେ ତୁରନ୍ତ ସେ ନିଜ ପୋଷ୍ଟଟିକୁ ହଟାଇ ଦେଇଥିଲେ, କିନ୍ତୁ ବିବାଦ ତାଙ୍କ ପିଛା ଛାଡିନଥିଲା । ବିଜେପି ନେତା ନନଜିଲ ରାଜା ତାଙ୍କ ବିରୋଧରେ ଏତଲା ଦେଇଥିଲେ । ଶେଷରେ ହାଇକୋର୍ଟଙ୍କ ଦ୍ୱାରସ୍ଥ ହୋଇଥିଲେ ଜବିନ । 

ପ୍ରଧାନମନ୍ତ୍ରୀଙ୍କ ବିକୃତ ଫଟୋ କରିବା ଠିକ୍ ନୁହେଁ ବୋଲି ସ୍ୱୀକାର କରିଥିଲେ ଜବିନ । ଆଉ ଏଥିପାଇଁ କୋର୍ଟଙ୍କ ଆଗରେ କ୍ଷମା ପ୍ରାର୍ଥନା କରିଥିଲେ । ଏକ ଆଞ୍ଚଳିକ ଗଣମାଧ୍ୟମ ଆଗରେ ମଧ୍ୟ ସେ କ୍ଷମା ପ୍ରାର୍ଥନା କରିବେ ବୋଲି କହିଛନ୍ତି ।