ଭାରତର ଏହି ସ୍ଥାନରେ ମୁସଲମାନ କରନ୍ତି ଗୋସେବା

ଭୋପାଳ ନିକଟରେ ଥିବା ମଦ୍ରାସାରେ ମୁସଲିମ୍ ଛାତ୍ର କରନ୍ତି ଗୋସେବା

ପ୍ରଦ୍ୟୁମ୍ନ କୁମାର ମାଝୀ, ନୂଆଦିଲ୍ଲୀ: ଦେଶରେ ଗାଈ ନାଁରେ ରାଜନୀତି ତୀବ୍ର ହେଉଥିବାବେଳେ ମଧ୍ୟପ୍ରଦେଶର ରାଜଧାନୀ ଭୋପାଳରୁ ଏକ ଭଲ ଖବର ସାମ୍ନାକୁ ଆସିଛି ।  ଭୋପାଳ ନିକଟରେ ଥିବା ଏକ ମଦ୍ରାସାରେ ମୁସଲିମ୍ ଛାତ୍ର ଇସଲାମିକ୍ ତାଲିମ୍ ନେଉଛନ୍ତି । ଏହା ସହ ମଦ୍ରାସାରେ ରହିଥିବା ଏକ ଗୋଶାଳାରେ ମୁସଲିମ୍ ସମାଜର ଲୋକେ ଗାଈମାନଙ୍କ ସେବା କରୁଥିବା ଦେଖିବାକୁ ମିଳିଛି ।

ଭୋପାଳର ସଟେ ତୁମଡ଼ା ଗାଁରେ ରହିଥିବା ଦାରୁଲ୍ ଉଲୁମ୍ ହୁସେନିଆ ମଦ୍ରାସାରେ ଏକ ଗୋଶାଳା ନିର୍ମାଣ ହୋଇଛି । ଯାହା ଦ୍ୱରା ଏହି ମଦ୍ରାସା ଅନ୍ୟ ମଦ୍ରାସା ଠାରୁ ଅନ୍ୟତମ । ମଧ୍ୟପ୍ରଦେଶର ଭୋପାଳର ତୁମଡ଼ାଗାଁରେ ରହିଥିବା ଦାରୁଲ୍ ଉଲୁମ୍ ହୁସେନିଆ ମଦ୍ରାସା ଦେଖିବାକୁ ଗଲେ ଅନ୍ୟ ମଦ୍ରାସା ଭଳି ଦେଖାଯାଇଥିଏ ।ଏଠାରେ ପିଲାମାନେ ଇସଲାମିକ୍ ତାମିଲ୍ ହାସଲ କରୁଛନ୍ତି । ହେଲେ ଏଠାରେ ରହିଥିବା ଗୋଶାଳା ଅନ୍ୟଠାରୁ ଠିକେ ଖାସ୍ କରି ଗଢ଼ି ତୋଳିଛି ।

ମଦ୍ରାସାରେ ପଢ଼ୁଥିବା ପିଲାମାନେ ଶିକ୍ଷା ସହ ଗୋମାତାଙ୍କ ସେବା କରିବା ଶିଖୁଛନ୍ତି । ଭୋପାଳ ନିକଟରେ ଥିବା ମଦ୍ରାସାରେ ପ୍ରାୟ ୨୦୦ ଛାତ୍ର ଅଧୟନ କରୁଛନ୍ତି । ପ୍ରତ୍ୟେକ ଦିନ ସକାଳ ଠାରୁ ଅପରାହ୍ଣ ପର୍ଯ୍ୟନ୍ତ ଇସଲାମିକ୍ ଶିକ୍ଷା ସହ ଅତ୍ୟାଧୁନିକ  ହିନ୍ଦୀ ଓ ଇଂରାଜୀ ମଧ୍ୟ ଶିକ୍ଷ୍ୟା ଦିଆଯାଇଥାଏ । ଏହା ସହ ଏହି ଛାତ୍ରମାନଙ୍କୁ ମଦ୍ରାସାରେ ଦେଶଭକ୍ତିର ପାଠ ପଢ଼ା ଯାଇଥାଏ ।

ମଦ୍ରାସାରେ ସକାଳ ପାଠ ପଢ଼ାରୁ ଆରମ୍ଭ ହୋଇଥାଏ । ଏହା ପରେ ଛାତ୍ରମାନେ ଜଣକ ପରେ ଜଣେ ଗୋଶାଳା ଯାଇ ଗାଈମାନଙ୍କ ସେବା କରିଥାନ୍ତି । ଗାଈଙ୍କୁ ଛାତ୍ରମାନେ ରୁଟି ଖୁଆଇଥାନ୍ତି । ଏହା ସହ ଗାଈମାନଙ୍କଠାରୁ ମିଳୁଥିବା କ୍ଷୀର ମଦ୍ରାସା ଛାତ୍ରଙ୍କୁ ପିଇବାକୁ ଦିଆଯାଇଥାଏ ।  ଗାଈମାନଙ୍କୁ ପ୍ରତ୍ୟେକ ଦିନ ଗାଧୋଇ ଦେବା ସହ ପାଖ ଜଙ୍ଗଲକୁ ଚରାଇବାକୁ ନେଇଥାନ୍ତି ମଦ୍ରାସା ଛାତ୍ର ।

ଦାରୁଲ୍ ଉଲୁମ୍ ହୁସେନିଆ ମଦ୍ରାସାର ସଚିବ ସୁଫୀ ମୁସାହିଦ୍ ଓରଫ ଜମାନ୍ ଖାନ୍ ଚିସ୍ତି କୁହନ୍ତି ମଦ୍ରାସାର ସଂସ୍ଥାପକ ଅନେକ ବର୍ଷ ପୂର୍ବରୁ ଏଠାରେ ପାଳିବା ପାଇଁ ଗୋଟିଏ ଗାଈ ଆଣିଥିଲେ ।  ତାଙ୍କୁ କୁଯାଇଥିଲା ଗାଈର ଘିଅ ଏବଂ କ୍ଷୀରରେ ରୋଗରୁ ଲଢ଼ିବା ପାଇଁ ଶକ୍ତି ମିଳିଥାଏ ।  ସେବେଠାରୁ ସେଇ ଗାଈର ବଂଶଜ ଏହି ଗୋଶାଳାରେ ରହିଆସୁଛନ୍ତି । ଏହି ଗୋଶାଳାରେ ପ୍ରାୟ ୨୫ ଗାଈ ଏବଂ ଷଣ୍ଢ ରହିଛନ୍ତି  । ମୁସାହିଦ୍ କୁହନ୍ତି ଏହି ମଦ୍ରାସାରେ ପଢ଼ା ସହ ମୁସଲିମ୍ ପିଲାମାନଙ୍କୁ ଗୋସେବା ଶିକ୍ଷାଯାଇଥାଏ ।