ଦିଲ୍ଲୀରେ ନିରଞ୍ଜନ ବିରୋଧୀ ଟିମ

ରାଜ୍ୟ କଂଗ୍ରେସର ସ୍ଥିତି ସୁଧାରିବା ନେଇ ଦିଲ୍ଲୀରେ ନିରଞ୍ଜନ ବିରୋଧୀ ଟିମ।  ପିସିସି ସଭାପତି ପରିବର୍ତ୍ତନ ନେଇ ସକ୍ରିୟ ହୋଇଥିବା ଗୋଷ୍ଠୀର ୧୫ ଜଣିଆ ସଦସ୍ୟ ଏଆଇସିସିରେ କଂଗ୍ରେସର ବିଭିନ୍ୟ ସମ୍ପାଦକମାନଙ୍କୁ ଭେଟିଛନ୍ତି । ଆଜି ପ୍ରଭାରୀ ଜିତେନ୍ଦ୍ର ସିଂ ନ ଥିବାରୁ ସେମାନେ ତାଙ୍କୁ ଅପେକ୍ଷା କରିଛନ୍ତି । 

ଦିଲ୍ଲୀରେ ନିରଞ୍ଜନ ବିରୋଧୀ ଟିମ
ଫାଇଲ ଫଟୋ

ନୂଆଦିଲ୍ଲୀ: ରାଜ୍ୟ କଂଗ୍ରେସର ସ୍ଥିତି ସୁଧାରିବା ନେଇ ଦିଲ୍ଲୀରେ ନିରଞ୍ଜନ ବିରୋଧୀ ଟିମ।  ପିସିସି ସଭାପତି ପରିବର୍ତ୍ତନ ନେଇ ସକ୍ରିୟ ହୋଇଥିବା ଗୋଷ୍ଠୀର ୧୫ ଜଣିଆ ସଦସ୍ୟ ଏଆଇସିସିରେ କଂଗ୍ରେସର ବିଭିନ୍ୟ ସମ୍ପାଦକମାନଙ୍କୁ ଭେଟିଛନ୍ତି । ଆଜି ପ୍ରଭାରୀ ଜିତେନ୍ଦ୍ର ସିଂ ନ ଥିବାରୁ ସେମାନେ ତାଙ୍କୁ ଅପେକ୍ଷା କରିଛନ୍ତି । 

ଟିମ୍ ସଦସ୍ୟ ସପ୍ତାହେ ଧରି ଦିଲ୍ଲୀରେ ରହିବେ । ଏଆଇସିସିର ବରିଷ୍ଠ ନେତାଙ୍କ ସହ ଆଲୋଚନା କରିବେ ।  ଏହାସହ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଓ ଅନ୍ତ୍ରରୀଣ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଭେଟିବାକୁ ସମୟ ମାଗିଛନ୍ତି ଏହି ଟିମ । ଆଗକୁ ପୌର ନିର୍ବାଚନ ଥିବାରୁ ରାଜ୍ୟରେ ଯୁବ ନେତୃତ୍ୱର ଆବଶ୍ୟକତା ରହିଛି ବୋଲି ଏମାନେ କହିଛନ୍ତି । ରାଜ୍ୟରେ କଂଗ୍ରେସ ସଂଗଠନକୁ ମଜବୁତ କରିବା ପାଇଁ ପ୍ରସ୍ତୁତ କରାଯାଇଥିବା କାର୍ଯ୍ୟ ଖସଡ଼ା ଉପରେ ଏଆଇସିସି ସଭାନେତ୍ରୀ ଓ ଅନ୍ୟନେତାଙ୍କ ସହ ଆଲୋଚନା କରାଯିବ ବୋଲି ଟିମ ପକ୍ଷରୁ କୁହାଯାଇଛି । 

ଏହି ଟିମରେ ପିସିସି ସାଧାରଣ ସମ୍ପାଦକ ତ୍ରିଲୋଚନ ମହାନ୍ତି, ସନତ ଦାସ , ବିଶ୍ୱଜିତ ଦାସ,  ତାପସ ମିଶ୍ର, ସନ୍ତୋଷ ବଳ, ସତ୍ୟନଦ ରାଉତ ପ୍ରମୁଖ ରହିଛନ୍ତି । ତେବେ କଂଗ୍ରେସ ହାଇକମାଣ୍ଡକୁ ମନାଇବାରେ ଏମାନେ କେତେ ସଫଳ ହେଉଛନ୍ତି, ତା ଉପରେ ସମସ୍ତଙ୍କ ନଜର ରହିଛି ।