୨୦ ଲକ୍ଷ କୋଟି ପ୍ୟାକେଜରେ ୫ କ୍ଷେତ୍ରକୁ ଗୁରୁତ୍ୱ, ବିସ୍ତୃତ ସୂଚନା ଦେବେ ଅର୍ଥମନ୍ତ୍ରୀ

ତପସ୍ୱିନୀ ମହାଳିକ, ନୂଆଦିଲ୍ଲୀ: ଆଜି ଅପରାହ୍ନ ୪ରେ ସ୍ୱତନ୍ତ୍ର ଆର୍ଥିକ ପ୍ୟାକେଜ ବିଷୟରେ ବିସ୍ତୃତ ଭାବରେ ସୂଚନା ଦେବେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରାଷ୍ଟ୍ରର ସମୃଦ୍ଧି ବା 'ଆତ୍ମନିର୍ଭର ଭାରତ' ଗଠନ ପାଇଁ ୫ଟି ସ୍ତମ୍ବକୁ ଗୁରୁତ୍ୱ ଦେଇଛନ୍ତି । ଦେଶର ୫ଟି ସ୍ତମ୍ବର ଦକ୍ଷତା ଏବଂ ଗୁଣବତ୍ତା ବୃଦ୍ଧି କରିବା ପାଇଁ ୨୦ଲକ୍ଷ କୋଟିର ପ୍ୟାକେଜ ଘୋଷଣା କରିଛନ୍ତି ପ୍ରଧାନମନ୍ତ୍ରୀ । ଏହି ଆର୍ଥିକ ପ୍ୟାକେଜ ହେଉଛି ଭାରତର ଜିଡିପିର ୧୦% । ଏହି ସ୍ୱତନ୍ତ୍ର ପ୍ୟାକେଜ ଶ୍ରମିକ, କୃଷକ, କୁଟିର ଶିଳ୍ପ, ଅଣୁକ୍ଷୁଦ୍ର ଏବଂ ମଧ୍ୟବିତ୍ତ ବର୍ଗର ଲୋକଙ୍କର ଆର୍ଥିକ ସମୃଦ୍ଧି ଓ ବିକାଶକୁ ଦୃଷ୍ଟିରେ ରଖି ପ୍ରସ୍ତୁତ କରାଯାଇଛି ।

 'ଆତ୍ମନିର୍ଭର ଭାରତ'ର ୫ଟି ସ୍ତମ୍ବ:

ଜାଣିରଖନ୍ତୁ ଆତ୍ମନିର୍ଭରଶୀଳ ଭାରତ ପାଇଁ କେଉଁ କେଉଁ ୫ଟି ସ୍ତମ୍ବ ବିଷୟରେ ଆଲୋକପାତ କରିଥିଲେ ପ୍ରଧାନମନ୍ତ୍ରୀ । 

• ପ୍ରଥମ : ଅର୍ଥନୀତି-  ଯିଏ ଆଶାନୁଯାଇ ଉନ୍ନତି ଆଣିବ ।
• ଦ୍ୱିତୀୟ :  ଭିତ୍ତିଭୂମି – ଯାହା ଆଧୁନିକ ଭାରତର ଲକ୍ଷଣ ପରିଚୟ ।
• ତୃତୀୟ : ସିଷ୍ଟମ୍ – ଯାହା ଏକବିଂଶ ଶତାବ୍ଦୀର ସ୍ୱପ୍ନ ପୂରଣ କରିଥିବା ପ୍ରଯୁକ୍ତିବିଦ୍ୟା ଉପରେ ଆଧାରିତ ।
• ଚତୁର୍ଥ : ଜନସଂଖ୍ୟା - ଯାହା ଆମର ଶକ୍ତି ଏବଂ ଶକ୍ତିର ଉତ୍ସ |
• ପଞ୍ଚମ : ଚାହିଦା - ଚାହିଦା ଏବଂ ଯୋଗାଣର ଚକ୍ର ହେଉଛି ଆମର ଶକ୍ତି, ଏହାକୁ ଏହାର ପୂର୍ଣ୍ଣ ସାମର୍ଥ୍ୟରେ ବ୍ୟବହାର କରିବା ଆବଶ୍ୟକ ।