ପୋଲ ନାହିଁ; ହଇରାଣ ହେଉଛନ୍ତି ଗାଁ ଲୋକେ

ରାସ୍ତାରେ ରହିଛି ଘାଗରା ନାଳ । ଚଳିତ ବର୍ଷ ଲଗାଣ ବର୍ଷାରେ ନାଳ ଉପରେ ନିର୍ମାଣ ହୋଇଥିବା ପୋଲଟି ଭାଙ୍ଗି ଯାଇଛି ।  ଫଳରେ ଏହି ରାସ୍ତା ଉପରେ ନିର୍ଭର କରୁଥିବା ୨ଟି ଗାଁର ଶତାଧିକ ଲୋକେ ବର୍ଷା ଦିନେ ନାହିଁନଥିବା ଅସୁବିଧା ଭୋଗୁଛନ୍ତି । 

ପୋଲ ନାହିଁ; ହଇରାଣ ହେଉଛନ୍ତି ଗାଁ ଲୋକେ

ଆନନ୍ଦପୁର: ଗାଁ ବିକାଶକୁ ପ୍ରାଥମିକତା ଦେଇଥିବା ଏବଂ ତୁରନ୍ତ ସମସ୍ୟା ସମାଧାନ ଲାଗି ମୁଖ୍ୟମନ୍ତ୍ରୀ ପ୍ରଶାସନକୁ ନିର୍ଦ୍ଦେଶ ଦେଉଥିବାବେଳ କେନ୍ଦୁଝର ଜିଲ୍ଲା ଆନନ୍ଦପୁର ବ୍ଲକ ମଠ ସାହି ଗାଁରେ ଏହା ଫେଲ ମାରିଛି । ଲଗାଣ ବର୍ଷାରେ  ପୋଲ ଭାଙ୍ଗିଯାଇଛି । ବହୁ ଅସୁବିଧାରେ ଲୋକମାନେ ଯାତାୟତ କରୁଛନ୍ତି । ଏହି ରାସ୍ତାରେ ଚାରିଚକିଆ ଯାନ ତଥା ନିଆଁ ଲାଗିଲେ ଦମକଳ ଓ ରୋଗୀଙ୍କୁ ଡାକ୍ତରଖାନା ନେବାକୁ ଆମ୍ବୁଲାନସ ଆସିପାରୁନାହିଁ । 

ରାସ୍ତାରେ ରହିଛି ଘାଗରା ନାଳ । ଚଳିତ ବର୍ଷ ଲଗାଣ ବର୍ଷାରେ ନାଳ ଉପରେ ନିର୍ମାଣ ହୋଇଥିବା ପୋଲଟି ଭାଙ୍ଗି ଯାଇଛି ।  ଫଳରେ ଏହି ରାସ୍ତା ଉପରେ ନିର୍ଭର କରୁଥିବା ୨ଟି ଗାଁର ଶତାଧିକ ଲୋକେ ବର୍ଷା ଦିନେ ନାହିଁନଥିବା ଅସୁବିଧା ଭୋଗୁଛନ୍ତି । ଗ୍ରାମବାସୀଙ୍କ ଦୀର୍ଘଦିନର ଦାବି ପରେ ନାଳ ଉପରେ ପୋଲ ନିର୍ମାଣ କରାଯାଇଥିଲା । ହେଲେ  ନିମ୍ନମାନର କାମ ଯୋଗୁ ପୋଲଟି ଭାଙ୍ଗି ଯାଇଛି । ପୋଲ କାମ ଚାଲିଥିବା ବେଳେ ଯନ୍ତ୍ରୀ ସଠିକ ତଦାରଖ କରିନଥିବା ଅଭିଯୋଗ ହୋଇଛି । ଏପରିକି ଠିକାଦାରଙ୍କ ଲାଭଖୋର ମନୋଭାବ ପୋଲ ଭାଙ୍ଗିବାର ମୁଖ୍ୟ କାରଣ ବୋଲି ଗ୍ରାମବାସୀ ଅଭିଯୋଗ କରିଛନ୍ତି । 

Tags: