close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ମହାରାଷ୍ଟ୍ର କମବ୍ୟାକ କରିବେ କି ଗଡକରୀ ? ପଢନ୍ତୁ, କ'ଣ କହୁଛନ୍ତି...

ମହାରାଷ୍ଟ୍ରରେ ଗସ୍ତରେ ଅଛନ୍ତି ନୀତିନ ଗଡକରୀ । ନାଗପୁରରେ ଏକ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ସାମିଲ ହେବାକୁ ଯାଇଛନ୍ତି କେନ୍ଦ୍ର ପରିବହନ ମନ୍ତ୍ରୀ । 

 ମହାରାଷ୍ଟ୍ର କମବ୍ୟାକ କରିବେ କି ଗଡକରୀ ? ପଢନ୍ତୁ, କ'ଣ କହୁଛନ୍ତି...
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ଆଜି ମହାରାଷ୍ଟ୍ରରେ ଗସ୍ତରେ ଅଛନ୍ତି ନୀତିନ ଗଡକରୀ । ନାଗପୁରରେ ଏକ ପୁସ୍ତକ ଉନ୍ମୋଚନ କାର୍ଯ୍ୟକ୍ରମରେ ସାମିଲ ହେବାକୁ ଯାଇଛନ୍ତି କେନ୍ଦ୍ର ପରିବହନ ମନ୍ତ୍ରୀ । ଏହି କାର୍ଯ୍ୟକ୍ରମରେ ଆରଏସଏସ ମୁଖ୍ୟ ମୋହନ ଭାଗବତ ମଧ୍ୟ ସାମିଲ ହୋଇଛନ୍ତି । ରାଜ୍ୟରେ ପରବର୍ତ୍ତୀ ସରକାର ନେଇ ଗଣମାଧ୍ୟମ ଆଗରେ ପ୍ରତିକ୍ରିୟା ମଧ୍ୟ ରଖିଛନ୍ତି । 

ମହାରାଷ୍ଟ୍ରରେ ପହଞ୍ଚିବା ପରେ ଗଣମାଧ୍ୟମର ବିଭିନ୍ନ ପ୍ରଶ୍ନକୁ ସାମ୍ନା କରିଥିଲେ କେନ୍ଦ୍ରମନ୍ତ୍ରୀ ନୀତିନ ଗଡକରୀ ।  ପରବର୍ତ୍ତୀ ମୁଖ୍ୟମନ୍ତ୍ରୀ ପାଇଁ ଗଡକରୀ ରେସରେ ଅଛନ୍ତି କି ? ଏହାର ଉତ୍ତରରେ ସେ କହିଥିଲେ, ମହାରାଷ୍ଟ୍ର ପ୍ରତ୍ୟାବର୍ତ୍ତନ କରିବାର ପ୍ରଶ୍ନ ଉଠୁନାହିଁ । ମୁଁ ଦିଲ୍ଲୀରେ ହିଁ ମୋ କାମ ଜାରି ରଖିବି । 

ତେବେ ରାଜ୍ୟରେ ଖୁବଶୀଘ୍ର ସରକାର ଗଠନ ନେଇ ଆଶାବ୍ୟକ୍ତ କରିଛନ୍ତି ନୀତିନ । ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସଙ୍କ ନେତୃତ୍ୱରେ ହିଁ ସରକାର ଗଠନ ହେବ । ଖୁବଶୀଘ୍ର ବିଜେପିକୁ ଶିବସେନାର ସମର୍ଥନ ମିଳିବ ବୋଲି କହିଛନ୍ତି କେନ୍ଦ୍ରମନ୍ତ୍ରୀ । ସେହିପରି ଆରଏସଏସ କିମ୍ବା ଆରଏସଏସ ମୁଖ୍ୟ ମୋହନ ଭାଗବତଙ୍କ ଏହି ପ୍ରସଙ୍ଗରେ କୌଣସି ସମ୍ପର୍କ ନାହିଁ ବୋଲି ସେ ସ୍ପଷ୍ଟ କରିଛନ୍ତି ।  

ଆଜି ମହାରାଷ୍ଟ୍ର ବିଧାନସଭାର କାର୍ଯ୍ୟକାଳ ସରୁଛି । ହେଲେ ବିଜେପି-ଶିବସେନା ମଧ୍ୟରେ ଲାଗି ରହିଥିବା ଛକାପଞ୍ଝା ଯୋଗୁଁ ପରବର୍ତ୍ତୀ ସରକାର ଗଠନ ହୋଇପାରୁନାହିଁ । କାହିଁକିନା ୫୦/୫୦ ଫର୍ମୁଲାରେ ଅଡି ବସିଛି ଶିବସେନା । ତେବେ ଯଦି ନୂଆ ସରକାର ଗଠନ ହୋଇନପାରେ, ତେବେ ଯେକୌଣସି ମୁହୂର୍ତ୍ତରେ ରାଷ୍ଟ୍ରପତି ଶାସନ ପାଇଁ ସୁପାରିଶ କରିପାରନ୍ତି ରାଜ୍ୟପାଳ । ଏପଟେ ବିଜେପି-ଶିବସେନା ମଧ୍ୟରେ ବିବାଦ ଛିଣ୍ଡିନି । ରାଜ୍ୟପାଳଙ୍କ ପାଖରେ କେଉଁ ପ୍ରକାର ବିଶ୍ୱାସ ଜନ୍ମାଇ ବିଜେପି ସରକାର ଗଢିବାକୁ ଦାବି କରିବ, ତା ଉପରେ ସମସ୍ତଙ୍କ ନଜର । କାହିଁକିନା ଆଜି ମହାରାଷ୍ଟ୍ର ବିଜେପି ସଭାପତି ଚନ୍ଦ୍ରକାନ୍ତ ପାଟିଲଙ୍କ ନେତୃତ୍ୱରେ ଏକ ଟିମ ରାଜ୍ୟପାଳଙ୍କୁ ଭେଟିବେ । 

ଏହା ପୂର୍ବରୁ ବିଜେପିରୁ ଆସିଛି ବଡ ବୟାନ । ଦଳ କହିଛି, ରାଜ୍ୟରେ ବିଜେପି ହିଁ ସରକାର ଗଢିବ । ଖୁବଶୀଘ୍ର ଏନେଇ ଖୁସି ଖବର ଆସିବ । ଅର୍ଥାତ ଶିବସେନା ସହ ବିବାଦ ତୁଟି ସାରିଥିବା ପରୋକ୍ଷରେ କହିବାକୁ ଚାହିଁଛି ବିଜେପି । ଆହୁରି ମଧ୍ୟ ମୁଖ୍ୟମନ୍ତ୍ରୀ ବିଜେପିରୁ ହିଁ ହେବେ ବୋଲି ଦଳ ସ୍ପଷ୍ଟ କରିଛି । ସେପଟେ ଆଜି ସକାଳୁ ପୁଣି ବାହାସ୍ଫୋଟ ମାରିଛନ୍ତି ବରିଷ୍ଠ ଶିବସେନା ନେତା ସଞ୍ଜୟ ରାଉତ । ମୁଖ୍ୟମନ୍ତ୍ରୀ ଶିବସେନାରୁ ହିଁ ହେବ ବୋଲି ସେ ସ୍ପଷ୍ଟ କରିଛନ୍ତି । ତେବେ ଆଜି ମହାରାଷ୍ଟ୍ର ପରବର୍ତ୍ତୀ ସରକାର ନେଇ ସ୍ପଷ୍ଟ ଚିତ୍ର ଆସିବା ଏକ ପ୍ରକାର ସ୍ପଷ୍ଟ ।