ପ୍ଲାଜମା ଥେରେପି ଚିକିତ୍ସାକୁ ମିଳିଲାନି ଅନୁମତି, ସାମ୍ନାକୁ ଆସିଲା ଚମକାଇଦେବା ଭଳି ସୂଚନା

ନୂଆଦିଲ୍ଲୀ: ଧୀରେ ଧୀରେ କୋରୋନା କାୟାବିସ୍ତାର କରୁଥିବା ବେଳେ ଏଥିରୁ ରକ୍ଷାପାଇବା ପାଇଁ ବୈଜ୍ଞାନିକମାନେ ଉଦ୍ୟମ ଜାରିରଖିଛନ୍ତି । ଏହି ଭାଇରସ୍ ପାଇଁ ଟୀକା କିମ୍ବା ଔଷଧ ପ୍ରସ୍ତୁତ କରିବାକୁ ଉଦ୍ୟମ ଜାରିରହିଛି । ତେବେ ଏସବୁ ଭିତରେ ପ୍ଲାଜମା ଥେରାପି ଚିକିତ୍ସା ଉପରେ ମଧ୍ୟ ଗୁରୁତ୍ୱ ଦିଆଯାଉଥିଲା । ଦିଲ୍ଲୀରେ ପ୍ଲାଜମା ଥେରିପା ଦ୍ୱାରା କିଛି କୋରୋନା ଆକ୍ରାନ୍ତ ସୁସ୍ଥ ମଧ୍ୟ ହୋଇଛନ୍ତି । ତେବେ ଏବେ ପ୍ଲାଜମା ଥେରାପିକୁ ନେଇ ଚମକାଇଦେବା ଭଳି ସୂଚନା ସାମ୍ନାକୁ ଆସୁଛି । 

ଯାହା ଜଣାପଡ଼ିଛି, କୋଭିଡ ୧୯ ପାଇଁ ପ୍ଲାଜମା ଥେରାପି ପ୍ରମାଣିକ ଚିକିତ୍ସା ନୁହେଁ । କୋରୋନା ରୋଗୀଙ୍କ ଚିକିତ୍ସା ପାଇଁ ପ୍ଲାଜମା ଥେରାପି ସମେତ ଅନ୍ୟ କୌଣସି ଚିକିତ୍ସା ପଦ୍ଧତିକୁ ମଞ୍ଜୁରୀ ମିଳିନାହିଁ । ପ୍ଲାଜମା ଥେରାପି ସମର୍ଥନରେ କୌଣସି ଆବଶ୍ୟକ ପ୍ରମାଣ ମିଳୁନି । ଏହାକୁ କେବଳ ପ୍ରୟୋଗିକ ଚିକିତ୍ସା ଭାବେ ଦେଖାଯାଉଛି । 

ଏହା ବ୍ୟତୀତ. ପ୍ଲାଜମା ଥେରାପି ଶରୀରରେ ଇଲର୍ଜୀ ବଢ଼ାଇ ଦେବାର ବିପଦ ରହିଛି । ସେହିପରି ଫୁସଫୁସକୁ ମଧ୍ୟ ବିପଦ ପହଞ୍ଚାଇପାରେ । କୋରୋନା ରୋଗୀଙ୍କ ଠାରେ ପ୍ଲାଜମା ଥେରାପିର ପ୍ରଭାବକୁ ମୂଲ୍ୟାଙ୍କନ କରିବା ପାଇଁ ICMR ଦ୍ୱାରା କେବଳ ପରୀକ୍ଷଣ କରାଯାଇଥିଲା । ତେଣୁ ଏହି ଉଦ୍ଦେଶ୍ୟକୁ ଛାଡ଼ି ଉପଯୋଗ କରିବା ଠିକ୍ ନୁହେଁ ବୋଲି କୁହାଯାଉଛି ।