ବ୍ୟାଙ୍କରେ ଟଙ୍କା ରଖିବାକୁ ମନା କଲେ ଅର୍ଥ ବିଭାଗର ମୁଖ୍ୟ ସଚିବ, ଆରବିଆଇ ଖପା

ନୂଆଦିଲ୍ଲୀ: ଓଡ଼ିଶାର ଅର୍ଥ ବିଭାଗର ମୁଖ୍ୟ ସଚିବ ବ୍ୟାଙ୍କରେ ଟଙ୍କା ରଖିବାକୁ କରିଥିଲେ ମନା । ଯାହାକୁ ନେଇ ଖପା ହେଲା ଭାରତୀୟ ରିଜର୍ଭ ବ୍ୟାଙ୍କ । ଅର୍ଥ ବିଭାଗର ମୁଖ୍ୟ ସଚିବ ଏକେକେ ମିନା ସରକାରୀ ବିଭାଗକୁ ବ୍ୟାଙ୍କରେ ଟଙ୍କା ଜମା ରଖିବାକୁ ବାରଣ କରିଥିଲେ । ଯାହାକୁ ନେଇ ବିବାଦ ଦେଖା ଦେଇଛି  ।  ଏହା ଉପରେ ଆରବିଆଇ ଆପତ୍ତି କରିଛି ।  

ଆରବିଆଇ କହିଛି ଯେ ଏପରି ସନ୍ଦେଶର ପ୍ରସାର ହେବା ଯୋଗୁଁ ସାଧାରଣ ଜନତାରେ ଭୟର ବାତାବରଣ ଦେଖା ଦେବ । ବ୍ୟାଙ୍କ ଏହି ପ୍ରତିକ୍ରିୟା ପରେ ଅର୍ଥ ବିଭାଗର ମୁଖ୍ୟ ସଚିବ ଏକେକେ ମିଣା ନିଜ ସ୍ପଷ୍ଟୋକ୍ତିରେ କହିଛନ୍ତି ଯେ ରାଜ୍ୟ ସରକାର ବ୍ୟାଙ୍କର କୌଣସି ଲାଭ କ୍ଷତି ତଥା ଅନ୍ୟାନ୍ୟ ଦିଗ ଉପରେ ନିଜ ମତ ରଖୁନାହିଁ ।  

ଏହି ଘଟଣାକ୍ରମ ସୋମବାର ବିଭାଗଗୁଡିକୁ ମିଣାଙ୍କ ଦ୍ୱାରା ଲିଖିତ ଚିଠିରେ ପଠାଇବା ପରେ ଆରମ୍ଭ ହୋଇଥିଲା । ଏହି ଚିଠିରେ କିଛି ଖବରକାଗଜର ସେହି ଖବରକୁ ଆଡକୁ ଧ୍ୟାନ ଆକର୍ଷିତ କରାଯାଇଥିଲ, ଯେଉଁଥିରେ ବ୍ୟାଙ୍କର ବର୍ତ୍ତମାନର ପରିସ୍ଥିତି ବିଷୟରେ ବର୍ଣ୍ଣନା କରାଯାଇଥିଲା । ସେ କହିଥିଲେ ଯେ, ବିଭାଗଗୁଡିକ ବ୍ୟାଙ୍କରେ ଟଙ୍କା ଜମା କରୁଥିବା ବେଳେ ସତର୍କତା ଅବଲମ୍ୱନ କରୁ । ମୁମ୍ୱାଇରେ ପିଏମସି ବ୍ୟାଙ୍କ ଦୁର୍ନୀତି ଓ ଅନ୍ୟ କିଛି ଆର୍ଥିକ ସଂସ୍ଥାଗୁଡିକର ଆର୍ଥିକ ପରିସ୍ଥିତି ଦେଖି ମିଣା ଏହି ଚିଠି ବିଭାଗକୁ ଲେଖିଥିଲେ ।