ନୀତି ଆୟୋଗକୁ ପଶିଲା କୋରୋନା

ନୂଆଦିଲ୍ଲୀ: ଦେଶରେ କାୟାବିସ୍ତାର କରୁଥିବା କୋରୋନା ବିଭିନ୍ନ ଅଫିସକୁ ମଧ୍ୟ ପଶିବାରେ ଲାଗିଛି । ଏବେ ଯାହା ଖବର ଆସୁଛି, ନୀତି ଆୟୋଗର ଜଣେ ଅଧିକାରୀ କୋରୋନା ଆକ୍ରାନ୍ତ ବୋଲି ଜଣାପଡ଼ିଛି । ଆଉ ଏହାପରେ ସମ୍ପୃକ୍ତ କୋଠାକୁ ୨ ଦିନ ପାଇଁ ସିଲ କରାଯାଇଛି । ସାନିଟାଇଜ୍ କରିବା ପ୍ରକ୍ରିୟା ମଧ୍ୟ ଆରମ୍ଭ ହୋଇଛି । ସରକାରଙ୍କ ପକ୍ଷରୁ ଜାରି ହୋଇଥିବା ସମସ୍ତ ପ୍ରୋଟୋକଲକୁ ଅନୁସରଣ କରାଯାଉଛି । ନୀତି ଆୟୋଗ(Administration)ର ସହ ସମ୍ପାଦକ ଅଜିତ କୁମାର ଏନେଇ ସୂଚନା ଦେଇଛନ୍ତି । 

One officer in NITI Aayog has tested positive for #COVID19.
The necessary protocol is being followed, including sealing of the building for two days for thorough disinfection and sanitisation: Ajit Kumar, Deputy Secretary (Administration), NITI Aayog. #Delhi pic.twitter.com/zgj7Da5Rss

— ANI (@ANI) April 28, 2020

ସୂଚନାଯୋଗ୍ୟ, ଗତକାଲି ଦେଶର ସର୍ବୋଚ୍ଚ ଅଦାଲତର ଜଣେ କର୍ମଚାରୀ କୋରୋନା ଆକ୍ରାନ୍ତ ବୋଲି ଜଣାପଡ଼ିଥିଲା । ସେ ଗତ ସପ୍ତାହରେ ୨ଥର ସୁପ୍ରିମକୋର୍ଟ କାର୍ଯ୍ୟାଳୟକୁ ଯାଇଥିଲେ । ଆଉ ତାଙ୍କ ଶରୀରରେ କୋରୋନା ଭାଇରସ ଠାବ ହେବା ପରେ ତାଙ୍କ ସଂସ୍ପର୍ଶରେ ଆସିଥିବା ବ୍ୟକ୍ତିବିଶେଷଙ୍କୁ କ୍ୱାରେଣ୍ଟାଇନରେ ସରହିବା ପାଇଁ ନିର୍ଦ୍ଦେଶ ଦିଆଯାଇଛି । ସେହିପରି ସୁପ୍ରିମକୋର୍ଟ ଅଫିସକୁ ମଧ୍ୟ ସାନିଟାଇଜ୍ କରାଯାଉଛି ।

ଅନ୍ୟପଟେ କୋରୋନାର ଏଭଳି ଚିତ୍ର ମଧ୍ୟରେ ଆଶ୍ୱସ୍ତିକର ଖବରଟିଏ ଦେଇଛନ୍ତି କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରୀ ହର୍ଷବର୍ଦ୍ଧନ । ଗତ ୭ ଦିନ ମଧ୍ୟରେ ଦେଶର ୮୦ ଜିଲ୍ଲାରେ ଜଣେ ମଧ୍ୟ କୋରୋନା ଆକ୍ରାନ୍ତ ଚିହ୍ନଟ ହୋଇନଥିବା ସ୍ୱାସ୍ଥ୍ୟ ମନ୍ତ୍ରୀ କହିଛନ୍ତି । 

ଦେଶରେ କୋରୋନା ଆକ୍ରାନ୍ତଙ୍କ ସଂଖ୍ୟା ୨୯୪୩୫ ଛୁଇଁଛି । ଅର୍ଥାତ ୩୦ ହଜାର ପାର୍ କରିବାକୁ ବସିଲାଣି କୋରୋନା । ସେହିପରି ମୃତକଙ୍କ ସଂଖ୍ୟା ୯୩୪ରେ ପହଞ୍ଚିଛି । ତେବେ ଗୁରୁତ୍ୱପୂର୍ଣ୍ଣ କଥା ହେଉଛି, ଏପର୍ଯ୍ୟନ୍ତ ୬୮୬୯ ଜଣ କୋରୋନା ଆକ୍ରାନ୍ତ ସୁସ୍ଥ ହେଲେଣି ।