୨୨ ହଜାରରୁ ଉର୍ଦ୍ଧ୍ୱ ସ୍ୱାସ୍ଥ୍ୟକର୍ମୀଙ୍କୁ କୋରୋନା

ନୂଆଦିଲ୍ଲୀ: କିଲର କୋରୋନା କବଳରେ କବଳିତ ସାରା ବିଶ୍ୱ । କୋରୋନା ନିର୍ଯ୍ୟାତନାରେ ଜର୍ଜରିତ ବିଶ୍ୱବାସୀ । ସାଧାରଣ ଲୋକଙ୍କ ଠାରୁ ସ୍ୱାସ୍ଥ୍ୟକର୍ମୀ କିଲର କୋରୋନା ଆଗରେ ଅସହାୟ ହୋଇପଡିଛନ୍ତି । ଗୋଟିଏ ପଟେ ସ୍ୱାସ୍ଥ୍ୟକର୍ମୀଙ୍କୁ ସମ୍ବର୍ଦ୍ଧନା ଜଣାଇ ତାଙ୍କର ମନୋବଳକୁ ଦୃଢ କରାଯାଉଛି । ଅନ୍ୟପଟେ ୫୨ଟି ଦେଶର ୨୨ ହାଜର ସ୍ୱାସ୍ଥ୍ୟକର୍ମୀ ସଂକ୍ରମିତ ଅଛନ୍ତି ବୋଲି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ପକ୍ଷରୁ କୁହାଯାଇଛି ।

ରିପୋର୍ଟ ମୁତାବକ, ଏପ୍ରିଲ ୮ ସୁଦ୍ଧା ୨୨୦୭୩ ସ୍ୱାସ୍ଥ୍ୟକର୍ମୀ କୋରୋନା ପଜିଟିଭ ଚିହ୍ନଟ ହୋଇଛନ୍ତି । ଶନିବାର ଏନେଇ WHOକୁ ତଥ୍ୟ ଦିଆଯାଇଛି । ପ୍ରାଥମିକ ତଦନ୍ତରୁ ଜଣାପଡିଛି ଯେ ସ୍ୱାସ୍ଥ୍ୟକର୍ମୀମାନେ ଉଭୟ କର୍ମକ୍ଷେତ୍ରରେ ଓ ଗୋଷ୍ଠୀ ସଂକ୍ରମିତ ହେଉଛନ୍ତି, ଏପରିକି ଅଧିକାଂଶ ସମୟରେ ସଂକ୍ରମିତ ପରିବାର ସଦସ୍ୟଙ୍କ ମାଧ୍ୟମରେ ।  
 
ଫ୍ରଣ୍ଟଲାଇନର ସ୍ୱାସ୍ଥ୍ୟକର୍ମୀଙ୍କୁ ସୁରକ୍ଷା ଦେବା ପାଇଁ  WHO ମାସ୍କ, ଗଗଲ୍ସ, ଗ୍ଲୋଭସ୍ ଏବଂ ଗାଉନ୍ ପରି ବ୍ୟକ୍ତିଗତ ପ୍ରତିରକ୍ଷା ଉପକରଣର ସଠିକ୍ ବ୍ୟବହାର ଉପରେ ଗୁରୁତ୍ୱାରୋପ କରିଥିଲା ।

ସ୍ୱାସ୍ଥ୍ୟସେବା ପ୍ରଦାନକାରୀଙ୍କ ଜୀବନ ପ୍ରତି ବିପଦ ଥିବାର ଦେଖି WHO ଉପଯୁକ୍ତ କାର୍ଯ୍ୟ ଅବସ୍ଥା ଉପରେ ସେମାନଙ୍କର ଅଧିକାରକୁ ସମ୍ମାନ ଦେବାକୁ ଆହ୍ୱାନ କରିଛି ।