ଅଯୋଧ୍ୟା ରାୟକୁ ପାକିସ୍ତାନର ବିରୋଧ, ଜାଣନ୍ତୁ କଣ କହିଲା ପାକିସ୍ତାନ

ପ୍ରଦ୍ୟୁମ୍ନ ମାଝୀ, ନୂଆଦିଲ୍ଲୀ: ଭାରତର ଐତିହାସିକ ଅଯୋଧ୍ୟା ମାମଲାର ରାୟ ପ୍ରକାଶ ପରେ ପାକିସ୍ତାନ ମୁହଁ ଆମ୍ୱିଳା ହୋଇଯାଇଛି । ଶନିବାର ଆସିଥିବା ଆଯୋଧ୍ୟା ମାମଲାର ରାୟ ନେଇ ପାକିସ୍ତାନର ବୈଦେଶିକ ମନ୍ତ୍ରୀ ଶାହ ମହମ୍ମଦ କ୍ୟୁରେଶୀ ମତ ରଖିଛନ୍ତି । ଦ୍ୱିତୀୟଥର ରାୟ ଶୁଣାଣି ଉପରେ ଆପତ୍ତି ଉଠାଇଛି ପାକିସ୍ତାନ । ପାକିସ୍ତାନ ଆପତ୍ତି ଉଠାଇ କହିଛି କରତାରପୁର କରିଡର ଉଦଘାଟନ ଖୁସି ଅବସରରେ ଏହି ନିଷ୍ପତ୍ତି ଅସମ୍ୱେଦନଶୀଳ ବାର୍ତ୍ତା ବହନ କରୁଛି ।  ଏହା ଦ୍ୱାରା ଆମେ ଦୁଃଖୀ ହୋଇଛୁ । ସର୍ବସମ୍ମତିକ୍ରମେ ସୁପ୍ରିମକୋର୍ଟ ରାୟ ଅଯୋଧ୍ୟାରେ ରାମ ମନ୍ଦିର ନିର୍ମାଣ ରାସ୍ତା ଖୋଲିଦେଇଛି । ମୁସଲିମଙ୍କ ମସଜିଦ ନିର୍ମାଣ ପାଇଁ ୫ ଏକର ଜାଗା ଦେବାକୁ କେନ୍ଦ୍ର ସରକାରଙ୍କୁ ସୁପ୍ରିମକୋର୍ଟ ମଧ୍ୟ ନିର୍ଦ୍ଦେଶ ଦେଇଛନ୍ତି ।

ପାକିସ୍ତାନ ବୈଦେଶିକ ମନ୍ତ୍ରୀ ଶାହ ମହମ୍ମଦ କ୍ୟୁରେଶୀ କହିଛନ୍ତି ରାୟ ଶୁଣାଇବା ପାଇଁ ଆଉକିଛି ଦିନ ଅପେକ୍ଷା କରାଯାଇ ପାରିଥାନ୍ତା ।  ଏହି ଖୁସୀ ଅବସରରେ ଅସମ୍ୱେଦନଶୀଳତା ଯୋଗୁଁ ଅନେକ ଦୁଃଖ ଲାଗିଛି । ସେ କହିଛନ୍ତି ଭାରତ କରତାରପୁର କରିଡର ଖୋଲିବା ଖୁସୀରେ ସାମିଲ ହେବାର  ଅବଶ୍ୟକ ଥିଲା । ଭାରତକୁ ସାରା ବିଶ୍ୱର ଧ୍ୟାନ ହଟାଇବାକୁ ଚେଷ୍ଠା କରିବାର ନଥିଲା । ଅଯୋଧ୍ୟା ବିବାଦ ଏକ ସମ୍ୱେଦନଶୀଳ ପ୍ରସଙ୍ଗ ଏବଂ କରତାରପୁର କରିଡର ଖୋଲିବା ଖୁସୀର ଦିନରେ ଏହାକୁ ଭାଗ ଭାଗ କରିବାର ନଥିଲା ।  

ପାକିସ୍ତାନ ବୈଦେଶିକ ମନ୍ତ୍ରୀ ଶାହ ମହମ୍ମଦ କ୍ୟୁରେଶୀ ଆହୁରି କହିଛନ୍ତି ମୁସଲିମ୍ ସମାଜ ଆଗରୁ ହିଁ ଭାରତରେ ଚାପରେ ରହିଛି । ଭାରତୀୟ ସୁପ୍ରିମକୋର୍ଟଙ୍କ ରାୟ ପ୍ରକାଶ ସେମାନଙ୍କ ଉପରେ ଆହୁରି ଚାପ ବଢ଼ାଇଦେବ । ଆଉ ପାକିସ୍ତାନ ଏହି ନିଷ୍ପତ୍ତି ବିସ୍ତୃତଭାବେ ପଢ଼ିବା ପରେ ପ୍ରତିକ୍ରିୟା ପ୍ରକାଶ ପାଇବ ।  

ଅଯୋଧ୍ୟା ମାମଲାରେ ଆସିଥିବା ଐତିହାସିକ ରାୟ ଯୋଗୁଁ ପାକିସ୍ତାନ ପୁଣି ବିଚଳିତ ହୋଇପଡ଼ିଛି । ଆଉ କାଶ୍ମୀରରେ ପୁଣି ହିଂସା ସୃଷ୍ଟି କଲାଭଲି କଥା କହିଛି । ଏହି ନିଷ୍ପତ୍ତି ଯୋଗୁଁ ଭାରତୀୟ ନ୍ୟାୟାଳୟ ଏକ ନୂଆ ଯୁକ୍ତି  ସହିତ ଗାନ୍ଧୀ ଏବଂ ନେହେରୁଙ୍କ ଭାରତକୁ ସମାଧି ଦେଇଛି  । ଏହି ନିଷ୍ପତ୍ତି ପରେ କାଶ୍ମୀରରେ  ନିଆଁ ପୁଣି ବ୍ୟାପିବ ବୋଲି ପାକିସ୍ତାନ କହିଛି । ଏହି ମଞ୍ଜିବୁଣା ବହୁତ ଭୟଙ୍କର ହୋଇପଡ଼ିବ ବୋଲି ପରୋକ୍ଷରେ ଧମକ ଦେଇଛି ପାକିସ୍ତାନ  ।  ପାକିସ୍ତାନର  ବିଜ୍ଞାନ ଏବଂ ଜ୍ଞାନକୌଶଳ ମନ୍ତ୍ରୀ ଏହି ରାୟକୁ  ଲଜ୍ୟାଜନକ କହିଛନ୍ତି ।