ପୁଣି ଶସ୍ତା ହେଲା ତୈଳ ଦର

ଦିଲ୍ଲୀ ଏବଂ ଚେନ୍ନାଇରେ ପେଟ୍ରୋଲ ମୂଲ୍ୟ ଲିଟର ପିଛା କ୍ରମଶଃ ୨୭ ପଇସା ଏବଂ ଲିଟର ପିଛା ୧୪ ପଇସା ହ୍ରାସ ହୋଇଛି...

ନୂଆଦିଲ୍ଲୀ: ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦରରେ ହ୍ରାସ ଦେଖା ଦେଉଛି । ଯାହାର ଫଳରେ ଭାରତରେ ତୈଳ ଦରରେ କ୍ରମାଗତ ହ୍ରାସ ଦେଖା ଦେଉଛି । ଅବଶ୍ୟ ଅନ୍ତର୍ଜାତୀୟ ସ୍ତରରେ ତୈଳ ଦରରେ ବଡ଼ ଧରଣର ହ୍ରାସ ରେକର୍ଡ କରାଯାଇଥିଲେ ମଧ୍ୟ ତାହା ଅନୁସାରେ ଆମକୁ ଫାଇଦା ମିଳୁ ନାହିଁ । ଆଜି ଅର୍ଥାତ ଶନିବାର ମଧ୍ୟ ପେଟ୍ରୋଲ-ଡିଜେଲ ମୂଲ୍ୟରେ ହ୍ରାସ ରେକର୍ଡ କରାଯାଇଛି ।

ଦେଶର ରାଜଧାନୀ ଦିଲ୍ଲୀରେ ପେଟ୍ରୋଲ ମୂଲ୍ୟରେ ଆଜି ଅର୍ଥାତ ମାର୍ଚ୍ଚ ୧୪ରେ ୭୦ ଟଙ୍କା ତଳକୁ ଖସି ଆସିଛି । କ୍ରମାଗତ ସପ୍ତାହରୁ ଅଧିକ ହେବ ପେଟ୍ରୋଲ ଏବଂ ଡିଜେଲ ଶସ୍ତା ହୋଇଛି । ତୈଳ ମାର୍କେଟିଂ କମ୍ପାନୀଗୁଡିକ ଶନିବାରରେ ପେଟ୍ରୋଲ ଏବଂ ଡିଜେଲ ଲିଟର ପିଛା କ୍ରମଶଃ ୨୭ ପଇସା ଏବଂ ଲିଟର ପିଛା ୩୧ ପଇସା ହ୍ରାସ କରିଛନ୍ତି ।

ଦିଲ୍ଲୀ ଏବଂ ଚେନ୍ନାଇରେ ପେଟ୍ରୋଲ ମୂଲ୍ୟ ଲିଟର ପିଛା କ୍ରମଶଃ ୨୭ ପଇସା ଏବଂ ଲିଟର ପିଛା ୧୪ ପଇସା ହ୍ରାସ କରାଯାଇଛି । ମୁମ୍ବାଇ ଏବଂ କୋଲକାତାରେ ପେଟ୍ରୋଲ ଲିଟର ପିଛା ୧୩ ପଇସା ଶସ୍ତା ହୋଇଛି । ଅନ୍ୟପକ୍ଷରେ ଦିଲ୍ଲୀ ଏବଂ କୋଲକାତାରେ ଡିଜେଲର ମୂଲ୍ୟ ଲିଟର ପିଛା ଯଥାକ୍ରମେ ୩୧ ପଇସା ଏବଂ ୧୬ ପଇସା ହ୍ରାସ କରାଯାଇଛି । ଅନ୍ୟପକ୍ଷରେ ମୁମ୍ବାଇ ଏବଂ ଚେନ୍ନାଇରେ ଡିଜେଲ ଲିଟର ପିଛା ୧୭ ପଇସା ଶସ୍ତା ହୋଇଛି ।

ଇଣ୍ଡିଆନ୍ ଅଏଲ୍ ୱେବସାଇଟ୍ ଅନୁଯାୟୀ, ଶନିବାରରେ ଦିଲ୍ଲୀ, ମୁମ୍ବାଇ, କୋଲକାତା ଏବଂ ଚେନ୍ନାଇର ଗ୍ରାହକମାନେ ଲିଟର ପିଛା ଯଥାକ୍ରମେ ୬୯୮୭, ୭୫୫୭, ୭୨୫୭ ଟଙ୍କା ଏବଂ ୭୨୫୭ ଟଙ୍କା ଦରରେ ପେଟ୍ରୋଲ ପାଉଛନ୍ତି । ଚାରିଟି ମେଟ୍ରୋରେ ଡିଜେଲ ଲିଟର ପିଛା ଯଥାକ୍ରମେ ୬୨୫୮, ୬୫୫୧, ୬୪୯୧ ଏବଂ ୬୬୦୨ ଟଙ୍କା ବିକ୍ରି ହେଉଛି ।