close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଦୁଷ୍ୟନ୍ତଙ୍କ ବିରୋଧରେ ହାଇକୋର୍ଟରେ ଯାଚିକା ଦାଖଲ

ଜନନାୟକ ଜନତା ଦଳ(ଜେଜେପି)ର ଅଧ୍ୟକ୍ଷ ତଥା ହରିୟାଣାର ଉପମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୌଟାଲାଙ୍କ ବିରୋଧ ରେ ଯାଚିକା ଦାଖଲ ହୋଇଛି । ପଞ୍ଜାବ-ହରିୟାଣା ହାଇକୋର୍ଟରେ ଏହି ୟାଚିକା ଦାଖଲ କରାଯାଇଛି  । ଦୁଷ୍ୟନ୍ତଙ୍କୁ ଉପମୁଖ୍ୟମନ୍ତ୍ରୀ କରିବାକୁ ନେଇ ଏହି ଯାଚିକା ଦାଖଲ କରାଯାଇଛି । 

ଦୁଷ୍ୟନ୍ତଙ୍କ ବିରୋଧରେ ହାଇକୋର୍ଟରେ ଯାଚିକା ଦାଖଲ
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ଜନନାୟକ ଜନତା ଦଳ(ଜେଜେପି)ର ଅଧ୍ୟକ୍ଷ ତଥା ହରିୟାଣାର ଉପମୁଖ୍ୟମନ୍ତ୍ରୀ ଦୁଷ୍ୟନ୍ତ ଚୌଟାଲାଙ୍କ ବିରୋଧ ରେ ଯାଚିକା ଦାଖଲ ହୋଇଛି । ପଞ୍ଜାବ-ହରିୟାଣା ହାଇକୋର୍ଟରେ ଏହି ୟାଚିକା ଦାଖଲ କରାଯାଇଛି  । ଦୁଷ୍ୟନ୍ତଙ୍କୁ ଉପମୁଖ୍ୟମନ୍ତ୍ରୀ କରିବାକୁ ନେଇ ଏହି ଯାଚିକା ଦାଖଲ କରାଯାଇଛି । 

ଆଇନଜୀବୀ ଜଗମୋହନ ସିଂହ ଭଟ୍ଟି ଏକ ଜନହିତ ଯାଚିକା ଦାଖଲ କରି ଦୁଷ୍ୟନ୍ତଙ୍କୁ ଉପମୁଖ୍ୟମନ୍ତ୍ରୀ କରିବାକୁ ନେଇ କୋର୍ଟରେ ଚ୍ୟାଲେଞ୍ଜ କରିଛନ୍ତି  । ଏହି ଯାଚିକାରେ କୁହାଯଇଛି ଯେ ଦୁଷ୍ୟନ୍ତଙ୍କୁ ଉପମୁଖ୍ୟମନ୍ତ୍ରୀର ମାନ୍ୟତା ଦେବା ଫଳରେ ରାଜ୍ୟର ରାଜକୋଷ ଉପରେ ଆର୍ଥିକ ବୋଝ ବଢିବ । ଏହା ମଧ୍ୟ ନିୟମର ବିରୋଧରେ ଯାଇ କରାଯାଇଛି । ସମ୍ୱିଧାନରେ କେଉଁଠି ମଧ୍ୟ ଉପମୁଖ୍ୟମନ୍ତ୍ରୀ ପଦର ବ୍ୟାଖା କରାଯାଇ ନାହିଁ ।  

ଦୀପାବଳି ଦିନ ଅର୍ଥାତ ଅକ୍ଟୋବର ୨୭ରେ ମନୋହର ଲାଲ ଖଟ୍ଟର ମୁଖ୍ୟମନ୍ତ୍ରୀ ପଦ ଓ ଦୁଷ୍ୟନ୍ତ ଚୌଟାଲା ଉପମୁଖ୍ୟମନ୍ତ୍ରୀ ପଦର ଶପଥ ନେଇଥିଲେ ।  ହରିୟାଣା ବିଧାନସଭା ନିର୍ବାଚନରେ କୌଣସି ଦଳକୁ ସଂଖ୍ୟା ଗରିଷ୍ଠତା ମିଳି  ନଥିଲା ।  ଯାହା ପରେ ବିଜେପି ଓ ଜେଜେପି ମିଶି ରାଜ୍ୟରେ ସରକାର ଗଢିଛି ।  

ବର୍ତ୍ତମାନ ଯାଏ ଖଟ୍ଟର ସରକାରରେ କ୍ୟାବିନେଟ ଗଠନ ହୋଇ ପାରିନାହିଁ ।  ନିୟମାନୁସାରେ ରାଜ୍ୟ କ୍ୟାବିନେଟରେ ମୁଖ୍ୟମନ୍ତ୍ରୀଙ୍କ ବ୍ୟତୀତ ୧୩ ଜଣ ମନ୍ତ୍ରୀ ସାମିଲ ହୋଇ ପାରିବେ । ଚଳିତ ନିର୍ବାଚନରେ ହରିୟାଣାର ୯୦ ବିଧାନସଭା ଆସନରୁ ବିଜେପିକୁ ୪୦, କଂଗ୍ରେସକୁ ୩୧, ଜେଜେପିକୁ ୧୦ ଓ ଅନ୍ୟାନ୍ୟକୁ ୯ଟି ଆସନ ମିଳିଛି ।