ଆସୁଛନ୍ତି ଆମେରିକା ରାଷ୍ଟ୍ରପତି

ନୂଆଦିଲ୍ଲୀ: ଆଉ ଅଳ୍ପ ସମୟ ପରେ ଭାରତରେ ପହଞ୍ଚିବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଦିନ ୧୧।୫୫ ମିନିଟରେ ଅହମ୍ମଦାବାଦ ବିମାନ ବନ୍ଦରରରେ ଟ୍ରମ୍ପଙ୍କ ବିମାନ ଅବତରଣ କରିବ । ଆଉ ଟ୍ରମ୍ପଙ୍କ ଗସ୍ତକୁ ନେଇ ଉଭୟ ଭାରତ ଓ ଆମେରିକା ବେଶ୍ ଉତ୍ସାହିତ । ଆମେରିକା ରାଷ୍ଟ୍ରପତିଙ୍କ ଏହି  ଗସ୍ତ ଉଭୟ ଦେଶର ସମ୍ପର୍କକୁ ଆଉପାଦେ ଆଗକୁ ନେବ ବୋଲି ଆଶା କରାଯାଉଛି । ସେହିପରି ଆଜି ଉଠୁଛି ପଡ଼ୁଛି ଅହମ୍ମଦାବାଦ । 'ନମସ୍ତେ ଟ୍ରମ୍ପ' କାର୍ଯ୍ୟକ୍ରମକୁ ନେଇ ସମସ୍ତେ ବେଶ୍ ଉତ୍ସାହିତ ଅଛନ୍ତି । 

#WATCH Gujarat: A group of Garba dancers perform at the Airport Circle in Ahmedabad. The group is one of the artists who will perform during the road show of US President Donald Trump and First Lady Melania Trump today. pic.twitter.com/jbaKomm8bK

— ANI (@ANI) February 24, 2020

ପରିବାର ସହ ଭାରତ ଗସ୍ତ କରିବାରେ ଟ୍ରମ୍ପ ଆମେରିକାର ପ୍ରଥମ ରାଷ୍ଟ୍ରପତି । ତାଙ୍କୁ ସ୍ୱାଗତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିମାନ ବନ୍ଦରକୁ ଯିବେ ବୋଲି ଜଣାପଡ଼ିଛି । ସେହିପରି ସାବରମତୀ ଆଶ୍ରମ ଏବଂ ମୋଟେରା ଷ୍ଟାଡ଼ିୟମରେ ସମସ୍ତ ପ୍ରକାର ପ୍ରସ୍ତୁତି ରହିଛି ।  ସୁରକ୍ଷା ବଳୟରେ ରହିଛି ଅହମ୍ମଦାବାଦ ।