close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ମାତୋଶ୍ରୀ ବାହାରେ ଲାଗିଛି ପୋଷ୍ଟର, କ'ଣ ଉଦ୍ଧବ ହେବେ ଆଗାମୀ ସିଏମ?

ମହାରାଷ୍ଟ୍ରରେ ଆଗାମୀ ସରକାର କିଏ ଗଢିବେ, ତାହାକୁ ନେଇ ସବୁଠାରୁ ବଡ଼ ପ୍ରଶ୍ନ । ଶନିବାର ରାଜ୍ୟପାଳ ସରକାର ଗଢିବା ପାଇଁ ବିଜେପିକୁ ଆମନ୍ତ୍ରଣ ଦେଇଛନ୍ତି ସତ କିନ୍ତୁ ଦଳ ପାଖରେ ଆବଶ୍ୟକ ସଂଖ୍ୟା ବଳ ନାହିଁ । ତେଣୁ ବର୍ତ୍ତମାନ ଦେଖିବାକୁ ରହିଲା ଶିବସେନା କଣ କଂଗ୍ରେସ ଓ ଏନସିପି ସହାୟତାରେ ସରକାର ଗଠନ କରିବାକୁ ପ୍ରୟାସ କରିବ ? ଏହି କ୍ରମରେ ଆଜି ଅର୍ଥାତ ରବିବାର ମାତାଶ୍ରୀ ବାହାରେ ଶିବସେନା କାର୍ଯ୍ୟକର୍ତ୍ତା ପୋଷ୍ଟର ଲଗାଇଛନ୍ତି । ଯେଉଁଥିରେ ଉଦ୍ଧବ ଠାକରେଙ୍କୁ ମୁଖ୍ୟମନ୍ତ୍ରୀ ଭାବେ ଦେଖା ଯାଇଛି । 

ମାତୋଶ୍ରୀ ବାହାରେ ଲାଗିଛି ପୋଷ୍ଟର, କ'ଣ ଉଦ୍ଧବ ହେବେ ଆଗାମୀ ସିଏମ?

ମୁମ୍ୱାଇ: ମହାରାଷ୍ଟ୍ରରେ ଆଗାମୀ ସରକାର କିଏ ଗଢିବେ, ତାହାକୁ ନେଇ ସବୁଠାରୁ ବଡ଼ ପ୍ରଶ୍ନ । ଶନିବାର ରାଜ୍ୟପାଳ ସରକାର ଗଢିବା ପାଇଁ ବିଜେପିକୁ ଆମନ୍ତ୍ରଣ ଦେଇଛନ୍ତି ସତ କିନ୍ତୁ ଦଳ ପାଖରେ ଆବଶ୍ୟକ ସଂଖ୍ୟା ବଳ ନାହିଁ । ତେଣୁ ବର୍ତ୍ତମାନ ଦେଖିବାକୁ ରହିଲା ଶିବସେନା କଣ କଂଗ୍ରେସ ଓ ଏନସିପି ସହାୟତାରେ ସରକାର ଗଠନ କରିବାକୁ ପ୍ରୟାସ କରିବ ? ଏହି କ୍ରମରେ ଆଜି ଅର୍ଥାତ ରବିବାର ମାତାଶ୍ରୀ ବାହାରେ ଶିବସେନା କାର୍ଯ୍ୟକର୍ତ୍ତା ପୋଷ୍ଟର ଲଗାଇଛନ୍ତି । ଯେଉଁଥିରେ ଉଦ୍ଧବ ଠାକରେଙ୍କୁ ମୁଖ୍ୟମନ୍ତ୍ରୀ ଭାବେ ଦେଖା ଯାଇଛି । 

ଅନ୍ୟପଟେ ଶିବସେନା ନେତା ସଞ୍ଜୟ ରାଉତ କହିଛନ୍ତି ଯେ ଯଦି କେହି ମହାରାଷ୍ଟ୍ରରେ ସରକାର ଗଠନ କରି ପାରୁ ନାହିଁ, ତେବେ ତାଙ୍କ ଦଳ ସରକାର ଗଠନ କରିବା ପାଇଁ ପ୍ରସ୍ତୁତ ଅଛି । ଏହି ଘଟଣା କ୍ରମ ମଧ୍ୟରେ ଶିବସେନା ଓ ଏନସିପି ମଧ୍ୟରେ କୋଳାକୋଳି ହେବାର ସମ୍ଭାବନା  ଦେଖାଦେଇଛି । ଏପରିକି ବିଚାରଗତ ଦୃଷ୍ଟିରୁ ସମ୍ପୁର୍ଣ୍ଣ ଭାବରେ ଭିନ୍ନ ଥିବା କଂଗ୍ରେସ ମଧ୍ୟ ଆଜି  ଶିବସେନାକୁ ବାସୁଛି । ଏନେଇ ଦଳର ମୁଖପତ୍ର 'ସାମନା'ରେ ମଧ୍ୟ କଂଗ୍ରେସର ଭୁରିଭୁରି ପ୍ରଶଂସା  କରାଯାଇଛି । ଏପରିକି ମହାରାଷ୍ଟ୍ର ପାଇଁ କଂଗ୍ରେସ କେବେବି ଶତ୍ରୁ ନୁହେଁ ବୋଲି କହିବାକୁ  ପଛାଇନାହିଁ ଶିବସେନା । 

ଚଳିତ ବିଧାନସଭା ନିର୍ବାଚନରେ ବିଜେପିକୁ ୧୦୫ ଓ ଶିବସେନାକୁ ୫୬ଟି ଆସନ ମିଳିଛି । ଦୁଇ ଦଳ ଏକାଠି ମିଶି ନିର୍ବାଚନ ଲଢିଥିଲା । କିନ୍ତୁ ଫଳାଫଳ ଆସିବା ପରେ ବିଜେପି ଓ ଶିବସେନା ମଧ୍ୟରେ ବିବାଦ ଲାଗି ରହିଛି । ଏହି ସମସ୍ତ ବିବାଦ ମଧ୍ୟରେ ଶୁକ୍ରବାର ଅର୍ଥାତ ନଭେମ୍ୱର ୮ରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ ଦେବେନ୍ଦ୍ର ଫଡନାବିସ । ରାଜ୍ୟର ବିଧାନସଭା ନିର୍ବାଚନର ପରିଣାମ ଅକ୍ଟୋବର ୨୪ରେ ଆସିଥିଲା । କିନ୍ତୁ ୧୩ ପରେ ମଧ୍ୟ ସରକାର ଗଠନ ହୋଇ ପାରିନାହିଁ । କାରଣ କୌଣସି ଦଳ ଆବଶ୍ୟକ ୧୪୫ଟି ଆସନ ଯୋଗାଡ଼ କରି ପାରି ନାହିଁ ।