close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ସାଉଦି ଆରବ ଗସ୍ତରେ ପ୍ରଧାନମନ୍ତ୍ରୀ, ଏୟାରସ୍ପେଶ ଦେବାକୁ ମନା କଲା ପାକ୍

ଦୁଇ ଦିନିଆ ସାଉଦି ଆରବ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଗସ୍ତ ଅବସରରେ ବହୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ରହିଛି । ଉଭୟ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଦୃଢ ଉଦ୍ଦେଶ୍ୟରେ  ପ୍ରଧାନମନ୍ତ୍ରୀ ସାଉଦି ଯାଉଛନ୍ତି । ସୋମବାର ରାତିରେ ମୋଦି ସାଉଦି ଆରବ ରାଜଧାନୀ ରିୟାଦରେ ପହଞ୍ଚିବେ । 

ସାଉଦି ଆରବ ଗସ୍ତରେ ପ୍ରଧାନମନ୍ତ୍ରୀ, ଏୟାରସ୍ପେଶ ଦେବାକୁ ମନା କଲା ପାକ୍
ଫାଇଲ ଫଟୋ

ନୂଆଦିଲ୍ଲୀ: ଦୁଇ ଦିନିଆ ସାଉଦି ଆରବ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଗସ୍ତ ଅବସରରେ ବହୁ ଗୁରୁତ୍ୱପୂର୍ଣ୍ଣ କାର୍ଯ୍ୟକ୍ରମ ରହିଛି । ଉଭୟ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ଦୃଢ ଉଦ୍ଦେଶ୍ୟରେ  ପ୍ରଧାନମନ୍ତ୍ରୀ ସାଉଦି ଯାଉଛନ୍ତି । ସୋମବାର ରାତିରେ ମୋଦି ସାଉଦି ଆରବ ରାଜଧାନୀ ରିୟାଦରେ ପହଞ୍ଚିବେ । 

ପୂର୍ବରୁ ମୋଦିଙ୍କୁ ସାଉଦିକୁ ନିମନ୍ତ୍ରଣ କରିଥିଲେ ସେଠାକାର ରାଜା ସଲମାନ କିଙ୍ଗ୍ ଅବଦୁଲ୍ ଅଜିଜ୍ । ତେବେ ମୋଦି ଏହି ଗସ୍ତରେ ସାଉଦି କିଙ୍ଗଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିବେ । ଉଭୟ ଦେଶ ମଧ୍ୟରେ ଅର୍ଥନୈତିକ ଏବଂ ସାସ୍କୃତିକ ସମ୍ପର୍କ ବୃର୍ଦ୍ଧି ଉପରେ ଗୁରୁତ୍ୱ ଦିଆଯାଇପାରେ । 

ସେହିପରି ସାଉଦି ଆରବର ରାଜଧାନୀ ରିୟାଦର ଫ୍ୟୁଚର୍ ଇନଭେଷ୍ଟମେଣ୍ଟ ଇନିସିଏଟିଭ (ଏଫଇଆଇ) ଫୋରମରେ ମୋଦି ଉଦବୋଧନ ଦେବାର କାର୍ଯ୍ୟକ୍ରମ ରହିଛି । ଉଭୟ ଦେଶ ମଧ୍ୟରେ ଦ୍ୱିପାକ୍ଷିକ ସମ୍ପର୍କ ମଜଭୁଜ ହେଲେ, ଉଭୟ ଦେଶ ମଧ୍ୟରେ ବାଣିଜ୍ୟିକ ସମ୍ପର୍କ ବୃର୍ଦ୍ଧି ପାଇବ । 

ସେପଟେ ଭାରତ ସହ ସମ୍ପର୍କ ସୁଧାରିବାକୁ ଚାହୁଁନି ପାକିସ୍ତାନ । ସବୁବେଳେ ଭାରତ ବିରୋଧୀ କାର୍ଯ୍ୟ କରୁଛି । ପୁଣିଥରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ନିଜ ବାୟୁସୀମା(ଏୟାରସ୍ପେସ)ର ବ୍ୟବହାର କରିବାକୁ ମନା କରିଛି ପାକ୍ । ମୋଦିଙ୍କ ସାଉଦି ଆରବ ଗସ୍ତ ପାଇଁ ପାକିସ୍ତାନର ବାୟୁସୀମା ବ୍ୟବହାର କରିବାର ଅନୁମତି ମାଗିଥିଲା ଭାରତ ।   

ପାକିସ୍ତାନୀ ମିଡିଆ ରିପୋର୍ଟ ଅନୁସାରେ, ପାକିସ୍ତାନର ବୈଦିଶିକ ମନ୍ତ୍ରୀ ଶାହ ମହସୁଦ କୁରୈଶୀ ଏଥର ଭାରତୀୟ ଉଚ୍ଚାୟୁକ୍ତଙ୍କୁ ଲିଖିତ ଆକାରରେ ସୂଚିତ କରିଛନ୍ତି । ପାକିସ୍ତାନର ବୈଦେଶିକ ମନ୍ତ୍ରୀ କହିଛନ୍ତି, ମୋଦିଙ୍କ ସାଉଦି ଆରବ ଗସ୍ତ ପାଇଁ ପାକିସ୍ତାନର ବାୟୁସୀମା ବ୍ୟବହାର କରିବାକୁ ଭାରତ ଅନୁମତି ମାଗିଥିଲା । କିନ୍ତୁ ପାକିସ୍ତାନ ଭାରତର ଏହି ଅନୁରୋଧକୁ ସ୍ୱୀକାର କରିନାହିଁ ।  

ଆପଣଙ୍କୁ ଏଠାରେ କହି ରଖୁଛୁ , ବିଗତ ମାସରେ ପିଏମ ମୋଦିଙ୍କ ଆମେରିକା ଗସ୍ତ ପାଇଁ ମଧ୍ୟ ପାକ୍ ବାୟୁସୀମା ବ୍ୟବହାର କରିବାକୁ ଅନୁମତି ମିଳିନଥିଲା । ଏହାସହ ସେପ୍ଟେମ୍ବରରେ ରାଷ୍ଟ୍ରପତି ରାମନାଥ କୋବିନ୍ଦଙ୍କ ପାଇଁ ମଧ୍ୟ ଏୟାରସ୍ପେସ ଖୋଲିବାକୁ ମନା କରିଥିଲା।