ପ୍ରିୟଙ୍କାଙ୍କୁ ସମାଲୋଚନା କଲା ବିଜେପି

ଲକ୍ଷ୍ନୌ: ନାଗରିକତା ସଂଶୋଧନ ଆଇନକୁ ନେଇ ଉଭୟ ବିଜେପି ଏବଂ କଂଗ୍ରେସ ମଧ୍ୟରେ ଯୁକ୍ତିତର୍କ ଜାରି ରହିଛି । ତେବେ ଆଜି ଉତ୍ତରପ୍ରଦେଶ ସରକାର ଏବଂ ପୋଲିସକୁ କଡ଼ା ସମାଲୋଚନା କରିଥିଲେ । ଜବାବରେ ଉତ୍ତରପ୍ରଦେଶର ଉପ-ମୁଖ୍ୟମନ୍ତ୍ରୀ ଡଃ ଦିନେଶ ଶର୍ମା କଂଗ୍ରେସ ଏବଂ ତାର ସହଯୋଗୀ ଦଳଙ୍କୁ କଡ଼ା ସମାଲୋଚନା କରିଥିଲେ । ଡଃ ଶର୍ମା କହିଥିଲେ କି, ରାଜ୍ୟରେ ହିଂସା ତଥା ଏଭଳି ଦୁର୍ଭାଗ୍ୟଜନକ ଘଟଣା ପାଇଁ କଂଗ୍ରେସ ପ୍ରଚାର କରୁଛି । ହୋଡ଼ିଂ ମାଧ୍ୟମରେ ଲୋକମାନଙ୍କୁ ଉସୁକାଉଛି । କଂଗ୍ରେସ କେବଳ ଭୋଟ ବ୍ୟାଙ୍କ ପାଇଁ ଏଭଳି କାର୍ଯ୍ୟ କରୁଛି ବୋଲି ସେ କହିଛନ୍ତି ।

ସେ ଆହୁରି କହିଛନ୍ତି କି, କଂଗ୍ରେସର ମହାସଚିବ ପ୍ରିୟଙ୍କା ଦେଶରେ ହିନ୍ଦୁତ୍ୱକୁ ବଦନାମ କରିବା ପାଇଁ ପ୍ରୟାସ କରୁଛନ୍ତି । ଏହା ସହିତ ସେ ସମାଜବାଦୀ ପାର୍ଟିକୁ ଟାର୍ଗେଟ କରିଥିଲେ ସେ । ଦଳକୁ ସମାଲୋଚନା କରି କହିଥିଲେ କି, ଲୋକସଭା ନିର୍ବାଚନରେ ଉଭୟ କଂଗ୍ରେସ ଏବଂ ସମାଜବାଦୀ ପାର୍ଟିର ଭୋଟ ଖସୁଥିବାରୁ ସେମାନେ ଭୟ କରିଯାଇଛନ୍ତି । ତେବେ ଏହି ଦଳମାନେ ଭୁଲିଯାଉଛନ୍ତି ଯେ, ସେମାନେ ହିଂସାକୁ ପରୋକ୍ଷ ଭାବେ ସମର୍ଥନ ଜଣାଉଛନ୍ତି । ଯେଉଁମାନେ ପୋଲିସ ଉପରକୁ ପଥର ଫିଙ୍ଗିଛନ୍ତି, ସରକାରୀ ସମ୍ପତ୍ତି ନଷ୍ଟ କରିଛନ୍ତି ବା ଗୁଳି ମାରିଛନ୍ତି ପ୍ରିୟଙ୍କା ସେମାନଙ୍କୁ ହିଁ ସମର୍ଥନ କରୁଛନ୍ତି ବୋଲି ଡଃ ଶର୍ମା କହିଛନ୍ତି ।

ସମାଜବାଦୀ ପାର୍ଟୀ ଓ କଂଗ୍ରେସ ଲୋକମାନଙ୍କୁ ଭ୍ରମରେ ପକାଉଥିବା ଡଃ ଶର୍ମା ଅଭିଯୋଗ କରିଛନ୍ତି । ଡଃ ଶର୍ମା କହିଛନ୍ତି ଭଗଓ୍ୱାଙ୍କୁ କଳଙ୍କିତ କରିବାକୁ ପ୍ରୟାସ ଆରମ୍ଭ କରିଛନ୍ତି ଏହି ଦୁଇ ଦଳ । ଏମାନଙ୍କୁ ଲାଗୁଛି ଯେ ମୁଖ୍ୟମନ୍ତ୍ରୀ ଅନ୍ୟମାନଙ୍କର କ୍ଷତି ପହଞ୍ଚାଇବେ । ରାଜ୍ୟରେ ହିଂସାକାଣ୍ଡ ଘଟାଇବା ପାଇଁ ଏମାନେ ହୋଡି଼ଂ ଲଗାଉଛନ୍ତି । ଲୋକମାନଙ୍କ ମଧ୍ୟର ମିଥ୍ୟ ପ୍ରଚାର କରୁଛନ୍ତି । ଏସବୁ କେବଳ ଭୋଟ ବ୍ୟାଙ୍କ ହାତେଇବା ପାଇଁ ଏମାନେ ପ୍ରୟାସ କରୁଛନ୍ତି ବୋଲି ଡଃ ଶର୍ମା କହିଛନ୍ତି । 

ତେବେ ଏହା ପୂର୍ବରୁ ପ୍ରିୟଙ୍କା ଗାନ୍ଧୀ ଲକ୍ଷ୍ନୌରେ ଏକ ସାମ୍ବାଦିକ ସମ୍ମିଳନୀରେ କହିଥିଲେ କି, ସିଏଏକୁ ବିରୋଧ କରୁଥିବା ଲୋକମାନଙ୍କୁ ଧମକ ଦିଆଯାଉଛି । ଏପରିକି ପୂର୍ବତନ ଆଇପିଏସ ଅଧିକାରୀଙ୍କୁ ତାଙ୍କ ଘରୁ ଗିରଫ କରାଯାଇଥିଲା । ଉକ୍ତ ଅଫିସରଙ୍କ ନାମ 48 ଜଣିଆ ତାଲିକାରେ ସାମିଲ କରାଯାଇଥିଲା । ରାଜ୍ୟରେ ଘଟି ଯାଇଥିବା ହିଂସାକାଣ୍ଡକୁ ବିରୋଧ କରି ଉତ୍ତରପ୍ରଦେଶ ସରକାର, ପ୍ରଶାସନ ଏଭଂ ପୋଲିସ ଏଭଳି ପଦକ୍ଷେପ ସବୁ ନେଉଛି ।  ଏ ସବୁକୁ ନିନ୍ଦା କରି କଂଗ୍ରେସ ପକ୍ଷରୁ ରାଜ୍ୟପାଳଙ୍କୁ ଏକ ଚିଠି ଦିଆଯାଇଛି ବୋଲି ସେ ସୂଚନା ଦେଇଛନ୍ତି ।

ପ୍ରିୟଙ୍କା ଆହୁରି ମଧ୍ୟ କହିଥିଲେ କି, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଜି ଦୌଡ଼ିବା ଆରମ୍ଭ କରିଦେଲେଣି । ଏହା ସହିତ ପ୍ରିୟଙ୍କା ରାଜ୍ୟ ସରକାରଙ୍କ ନିକଟରେ 4ଟି ସର୍ତ୍ତ ରଖିଥିଲେ । ସେ କହିଥିଲେ କି ହିଂସାକୁ ନେଇ ପୋଲିସ କରୁଥିବା କାର୍ଯ୍ୟାନୁଷ୍ଠାନ ବନ୍ଦ କରୁ । ଏହା ବ୍ୟତୀତ ହାଇକୋର୍ଟ ବିଚାରପତିଙ୍କ ଦ୍ୱାରା ଘଟଣାର ଯାଞ୍ଚ କରିବାକୁ ସେ ଦାବି କରିଛନ୍ତି ।