ଦିନକ ପାଇଁ ନିଜ ନାଁ ବଦଳାଇଲେ ପଞ୍ଜାବ DGP, ଜାଣନ୍ତୁ କାରଣ

ଚଣ୍ଡିଗଡ଼: ପଞ୍ଜାବ ଡିଜିପି ଦିନକର ଗୁପ୍ତା ଦିନକ ପାଇଁ ନିଜ ନାମକୁ ବଦଳାଇଛନ୍ତି । ନିଜ ନାଁ ସ୍ଥାନରେ ହରଜୀତ ସିଂହ (Harjeet Singh) ନାଁରେ ବ୍ୟାଜ୍ ପିନ୍ଧିଛନ୍ତି ଦିନକର ଗୁପ୍ତା । କେବଳ ଡିଜିପି କାହିଁକି, ପଞ୍ଜାବ ପୋଲିସର ସମସ୍ତ ଅଧିକାରୀ ଏପରି କରିଛନ୍ତି । କିଛି ଦିନ ପୂର୍ବରୁ ASI ହରଜୀତ ସିଂହଙ୍କ ଉପରେ ପରିବା ମାର୍କେଟରେ ହୋଇଥିବା ଆକ୍ରମଣକୁ ନେଇ ଏପରି କରିଛନ୍ତି ପଞ୍ଜାବର ପୋଲିସ ଅଧିକାରୀ । କୋରୋନା ଯୋଦ୍ଧାଙ୍କ ପ୍ରତି ସମ୍ମାନ ଦେଖାଇବାକୁ 'ମୁଁ ମଧ୍ୟ ହରଜୀତ' କ୍ୟାମ୍ପେନ କରିଛନ୍ତି । 

 ପଞ୍ଜାବ ଡିଜିପି କହିଛନ୍ତି, ହରଜୀତ ସିଂହଙ୍କୁ ଏଏସଆଇରୁ ସବ୍ ଇନ୍ସପେକ୍ଟର ଭାବେ ପଦୋନ୍ନତି ମଧ୍ୟ କରାଯାଇଛି । କୋରୋନା ଯୋଦ୍ଧାଙ୍କୁ ସମ୍ମାନ ଦେଖାଇବାକୁ ଆମେ ଏପରି କରିଛୁ । ଏହା ପଞ୍ଜାବ ପୋଲିସର ଏକ ଛୋଟ ପ୍ରୟାସ ବୋଲି କହିଛନ୍ତି ଡିଜିପି ଦିନକର ଗୁପ୍ତା । 

Punjab DGP Dinkar Gupta changes his name on his badge to 'Harjeet Singh' for today, in support of ASI Harjeeet Singh whose hand was dismembered in an attack in Patiala on Apr12. He says, "Harjeet Singh has become a symbol against attacks on police & other frontline workers". pic.twitter.com/7CwZeq8RkO

— ANI (@ANI) April 27, 2020

ଏଠାରେ ଆପଣଙ୍କୁ ଆମେ କହିରଖୁଛୁ, ଗତ ୧୨ ଏପ୍ରିଲରେ ପଞ୍ଜାବ ପଟିଆଲାରେ ଆକ୍ରମଣର ଶିକାର ହୋଇଥିଲେ ଏଏସଆଇ ହରଜୀତ ସିଂହ । କିଛି ଲୋକ ଲକଡାଉନ୍ ନିୟମ ଉଲଙ୍ଘନ କରି ମାର୍କେଟ ଯାଉଥିବା ବେଳେ ସେମାନଙ୍କୁ ଅଟକାଇଥିଲେ ହରଜୀତ । ଆଉ ପାସ୍ ମଧ୍ୟ ମାଗିଥିଲେ । ଆଉ ଏକଥାରୁ ବିବାଦ ବଢ଼ିଥିଲା । ହରଜୀତଙ୍କ ଉପରେ ଆକ୍ରମଣ ହୋଇଥିଲା । ଆକ୍ରମଣକାରୀ ହରଜୀତଙ୍କ ହାତ କାଟି ଦେଇଥିଲେ । 

ତେବେ ଡାକ୍ତରଙ୍କ ୭ ଘଣ୍ଟାର ଅପରେଶନ ପରେ ଏଏସଆଇ ହରଜୀତଙ୍କ ହାତ ଯୋଡ଼ିବା ସମ୍ଭବ ହୋଇଥିଲା । ଅପରେଶନ ମଧ୍ୟ ସଫଳ ହୋଇଥିଲା । ଗୁରୁତ୍ୱପୂର୍ଣ୍ଣ କଥା ହେଉଛି, ଏବେ ହରଜୀତଙ୍କ ସ୍ୱାସ୍ଥ୍ୟବସ୍ଥାରେ ବେଶ୍ ସୁଧାର ଆସିଲାଣି ।