close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ନିର୍ବାଚନୀ ଉଷ୍ମତାରେ ଆଇସକ୍ରିମର ସ୍ୱାଦ ଚାଖିଲେ ରାହୁଲ

ନିର୍ବାଚନୀ ଉଷ୍ମତାରେ ଆଇସକ୍ରିମର ମଜା ନେଲେ କଂଗ୍ରେସ ସାଂସଦ ରାହୁଲ ଗାନ୍ଧୀ । ସେ ନେହେରୁ ପ୍ଲେସ ଷ୍ଟେସନ ସ୍ଥିତ ଫୁଡ କୋର୍ଟରେ ଆଇସକ୍ରିମ ଖାଉଥିବାର ନଜରକୁ ଆସିଛି । ଏହାସହ ସେ ସାଧାରଣ ଜନତାଙ୍କ ମିଶିଛନ୍ତି । ସେ ପ୍ରାୟ ୧୫ ମିନିଟ ଯାଏ ଫୁଡ କୋର୍ଟରେ ରହିଥିଲେ । 

ନିର୍ବାଚନୀ ଉଷ୍ମତାରେ ଆଇସକ୍ରିମର ସ୍ୱାଦ ଚାଖିଲେ ରାହୁଲ
Rahul Gandhi in pic

ନୂଆଦିଲ୍ଲୀ: ନିର୍ବାଚନୀ ଉଷ୍ମତାରେ ଆଇସକ୍ରିମର ମଜା ନେଲେ କଂଗ୍ରେସ ସାଂସଦ ରାହୁଲ ଗାନ୍ଧୀ । ସେ ନେହେରୁ ପ୍ଲେସ ଷ୍ଟେସନ ସ୍ଥିତ ଫୁଡ କୋର୍ଟରେ ଆଇସକ୍ରିମ ଖାଉଥିବାର ନଜରକୁ ଆସିଛି । ଏହାସହ ସେ ସାଧାରଣ ଜନତାଙ୍କ ମିଶିଛନ୍ତି । ସେ ପ୍ରାୟ ୧୫ ମିନିଟ ଯାଏ ଫୁଡ କୋର୍ଟରେ ରହିଥିଲେ । 
ଏହା ବ୍ୟତୀତ ପୂର୍ବତନ କଂଗ୍ରେସ ଅଧ୍ୟକ୍ଷ ଲୋକଙ୍କ ସହ ସେଲ୍ଫି ମଧ୍ୟ ଉଠାଇଥିଲେ । ଶନିବାର ମଧ୍ୟ ରାହୁଲ ବିନ୍ଦାସ ମୁଡରେ ଦେଖିବାକୁ ମିଳିଥିଲା । ସେ ଦିଲ୍ଲୀରେ ବଙ୍ଗାଳୀ ମାର୍କେଟରେ ଚାଟର ସ୍ୱାଦ ଚାଖିଥିଲେ ।  

ଆପଣଙ୍କୁ ଏଠାରେ କହି ରଖୁଛୁ ଯେ, ମହାରାଷ୍ଟ୍ର ଓ ହରିୟାଣା ବିଧାନସଭା ନିର୍ବାଚନ ପାଇଁ ମତଦାନ ଚାଲିଛି । ହରିୟାଣାରେ କଂଗ୍ରେସ ସିଧା ସଳଖ ବିଜେପିକୁ ଟକ୍କର ଦେଉଥିବା ବେଳେ ମହାରାଷ୍ଟ୍ରରେ କଂଗ୍ରେସ ନେତୃତ୍ୱାଧୀନ ମେଣ୍ଟ ଓ ବିଜେପି ନେତୃତ୍ୱାଧୀନ ମେଣ୍ଟ ମଧ୍ୟରେ କଡା ଟକ୍କର ଚାଲିଛି ।  

ମୁଖ୍ୟତଃ ମହାରାଷ୍ଟ୍ର ବିଧାନସଭା ନିର୍ବାଚନରେ ବିଜେପି ନେତୃତ୍ୱାଧୀନ ଏନଡିଏ ବା ମହାଯତି ମେଣ୍ଟ ଓ କଂଗ୍ରେସ ଓ ଏନସିପି ମେଣ୍ଟ ଅର୍ଥାତ ମହା ଅଘାଡ଼ି(ମୋର୍ଚ୍ଚା) ମଧ୍ୟରେ ଲଢେଇ ହେଉଛି । ଏହି ନିର୍ବାଚନରେ ୪,୨୮,୪୩,୬୩୫ ମହିଳା ମତଦାତା ସହିତ ସର୍ବମୋଟ ୮,୯୮,୩୯,୬୦୦ ମତଦାତା ମତଦାନ କରୁଛନ୍ତି ।

ଅନ୍ୟପଟେ ହରିୟାଣା ବିଧାନସଭା ନିର୍ବାଚନରେ ମୁଖ୍ୟତଃ ବିଜେପି ଓ କଂଗ୍ରେସ ମଧ୍ୟରେ ଲଢେଇ ହେଉଛି । ଏହାଛଡା ଜନନାୟକ ଜନତା ଦଳ, ଇଣ୍ଡିଆନ ନ୍ୟାଶନାଲ ଲୋକଦଳ(ଆଇଏନଏଲଡି) ପରି ଆଞ୍ଚିଳିକ ଦଳ ମଧ୍ୟ କ୍ଷମତା ଫେରି ପାଇବା ପାଇଁ ମୈଦାନରେ ଅଛନ୍ତି । ଦୁଇ ରାଜ୍ୟରେ ଶାନ୍ତିପୂର୍ଣ୍ଣ ଓ ନିରପେକ୍ଷ ନିର୍ବାଚନ କରାଇବା ପାଇଁ ନିର୍ବାଚନ ଆୟୋଗ ମଧ୍ୟ ନିଜ ଦାୟିତ୍ୱରେ ଲାଗିଛି ।