• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ଅଠାୱାଲେଙ୍କ ନୂଆ ଫର୍ମୁଲା, ମହାରାଷ୍ଟ୍ରରେ ସରକାର ଗଢ଼ିବ କି ବିଜେପି-ଶିବସେନା?

ସୋମବାର ମୋଦି ସରକାରଙ୍କ ମନ୍ତ୍ରୀ ରାମଦାସ ଅଠାୱାଲେ ମହାରାଷ୍ଟ୍ରରେ ସରକାର ଗଢିବାର ନୂଆ ଫର୍ମୁଲା ପ୍ରଦାନ କରିଛନ୍ତି । ସେ ଶିବସେନାର ବରିଷ୍ଠ ନେତା ସଞ୍ଜୟ ରାଉତଙ୍କ ଆଗରେ ଏହି ଫର୍ମୁଲା ଉପସ୍ଥାପନ କରିଛନ୍ତି । 

ଅଠାୱାଲେଙ୍କ ନୂଆ ଫର୍ମୁଲା, ମହାରାଷ୍ଟ୍ରରେ ସରକାର ଗଢ଼ିବ କି ବିଜେପି-ଶିବସେନା?

ମୁମ୍ୱାଇ: ମହାରାଷ୍ଟ୍ରରେ ଜାରି ରହିଛି ରାଷ୍ଟ୍ରପତି ଶାସନ । ବର୍ତ୍ତମାନ ଯାଏ ସ୍ପଷ୍ଟ ହୋଇପାରି ନାହିଁ ରାଜ୍ୟରେ ଆଗାମୀ ସରକାର କାହାର ହେବ । ଏନେଇ କ୍ରମାଗତ ରାଜନୈତିକ ଦଳଗୁଡିକ ମଧ୍ୟରେ ଜାରି ବୈଠକ ପରେ ବୈଠକ । ଏନସିପି-କଂଗ୍ରେସ-ଶିବସେନା ମଧ୍ୟରେ ସରକାର ଗଢିବାର ସଂପୂର୍ଣ୍ଣ କାହାଣୀ ଲେଖା ହୋଇ ସାରିଛି କିନ୍ତୁ ବର୍ତ୍ତମାନ ଯାଏ ତାହାକୁ ପରଦାରେ ଆଣିବାକୁ ଅପେକ୍ଷା । 

ଏହି କ୍ରମରେ ସୋମବାର ମୋଦି ସରକାରଙ୍କ ମନ୍ତ୍ରୀ ରାମଦାସ ଅଠାୱାଲେ ମହାରାଷ୍ଟ୍ରରେ ସରକାର ଗଢିବାର ନୂଆ ଫର୍ମୁଲା ପ୍ରଦାନ କରିଛନ୍ତି । ସେ ଶିବସେନାର ବରିଷ୍ଠ ନେତା ସଞ୍ଜୟ ରାଉତଙ୍କ ଆଗରେ ଏହି ଫର୍ମୁଲା ଉପସ୍ଥାପନ କରିଛନ୍ତି । ସେ କହିଛନ୍ତି ଯେ ମୁଁ ସଞ୍ଜୟ ରାଉତଙ୍କ ସହ ଆଲୋଚନା କରିଛି । ତାଙ୍କୁ ୩-୨ ଫର୍ମୁଲା ପ୍ରଦାନ କରିଛି । ଏହା ଅନ୍ତର୍ଗତ ତିନି ବର୍ଷ ବିଜେପିର ମୁଖ୍ୟମନ୍ତ୍ରୀ ହେବ ଓ ୨ ବର୍ଷ ଶିବସେନାରୁ ମୁଖ୍ୟମନ୍ତ୍ରୀ ହେବ ।

ଅଠାୱାଲେ ଆହୁରି କହିଛନ୍ତି ଯେ "ଏହି ଫର୍ମୁଲା ଉପରେ ରାଜି ହୋଇଛନ୍ତି ରାଉତ । ଯଦି ବିଜେପି ଏହି ଫର୍ମୁଲା ଉପରେ ରାଜି ଅଛି, ତେବେ ଶିବସେନା ମଧ୍ୟ ଏହା ଉପରେ ବିଚାର କରିବ ବୋଲି ସଞ୍ଜୟ ରାଉତ କହିଛନ୍ତି । ଏହି ବିଷୟକୁ ନେଇ ବିଜେପି ସହ ମୁଁ ଆଲୋଚନା କରିବୁ" ଅନ୍ୟପକ୍ଷେ ବିଗତ ଦିନରେ ବିଜେପି ମଧ୍ୟ ମହାରାଷ୍ଟ୍ରରେ ସରକାର ଗଢିବାର ଦାବି କରିଥିଲା । ବିଜେପି କହିଥଲା ଯେ ଆମ ସହାୟତା ବିନା ରାଜ୍ୟରେ କେହି ସରକାର ଗଠନ କରି ପାରିବେ ନାହିଁ । ବିଜେପିର ପ୍ରଦେଶାଧ୍ୟକ୍ଷ ଚନ୍ଦ୍ରକାନ୍ତ ପାଟିଲ ଗଣମାଧ୍ୟମ ଆଗରେ ରାଜ୍ୟରେ ସରକାର ଗଠନକୁ ନେଇ ବଡ଼ ବୟାନ ଦେଇ କହିଥିଲେ ଯେ ଆମ ପାଖରେ ସର୍ବାଧିକ ବିଧାୟକ ରହିଛି । ୧୧୯ ବିଧାୟକଙ୍କ ସମର୍ଥନ ରହିଛି । ତେଣୁ ଆମେ ରାଜ୍ୟରେ ସରକାର ଗଢିବୁ । ବିଜେପି ବିନା ମହାରାଷ୍ଟ୍ରରେ କେହି ସରକାର ଗଢି ପାରିବେ ନାହିଁ ।