ସରପଞ୍ଚଙ୍କ ହତ୍ୟା ଘଟଣାର ନିଆଗଲା ପ୍ରତିଶୋଧ, ଅପରେସନରେ ଟଳିପଡିଲା ହିଜିବୁଲ ଟପ କମାଣ୍ଡର

କାଶ୍ମୀର ଘାଟିରେ ହୋଇଥିବା ସରପଞ୍ଚଙ୍କ ହତ୍ୟା ଘଟଣାର ପ୍ରତିଶୋଧ ନିଆଯାଇଛି |

ଶ୍ରୀନଗର: ମଙ୍ଗଳବାର ଜମ୍ମୁକାଶ୍ମୀରର ସୋପିଆନରେ ସୁରକ୍ଷା ବାହିନୀକୁ ବଡ ଧରଣର ସଫଳତା ମିଳିଛି | ଏହି ଅଞ୍ଚଳରେ ଲୁଚି ରହିଥିବା 3 ଆତଙ୍କବାଦୀ ସୁରକ୍ଷା ବାହିନୀ ପକ୍ଷରୁ ଗ୍ରହଣ କରାଯାଇଥିବା କାର୍ଯ୍ୟାନୁଷ୍ଠାନରେ ପ୍ରାଣ ହରାଇଛନ୍ତି | ଏହା ସହିତ କାଶ୍ମୀର ଘାଟିରେ ହୋଇଥିବା ସରପଞ୍ଚ ଅଜୟ ପଣ୍ଡିତଙ୍କ ହତ୍ୟାର ବଦଲା ନିଆଯାଇଛି | 

ମୃତକ ଆତଙ୍କବାଦୀଙ୍କ ମଧ୍ୟରେ ଜଣେ ହିଜିବୁଲ ଟପ କମାଣ୍ଡର ରହିଛି | ବିଗତ ୧ ମାସ ମଧ୍ୟରେ ସୁରକ୍ଷାବଳ ପକ୍ଷରୁ ଚାଲିଥିବା ଘନ ଘନ ଅପରେସନରେ ପ୍ରାୟ ୩୦ ଆତଙ୍କବାଦୀ ଟଳିପଡିଲେଣୀ | ଗତ ୧୦ ଦିନରେ ସୋପିଆନରେ ୧୭ ଆତଙ୍କୀ ସେନା ଅପରେସନରେ ପ୍ରାଣ ହରାଇଛନ୍ତି | ଚଳିତ ବର୍ଷ ଆରମ୍ଭରୁ ସୁରକ୍ଷାବାହିନୀ ଦ୍ୱାରା କରାଯାଇଥିବା ଅପରେସନରେ ମୋଟ ୯୫ ଆତଙ୍କବାଦୀଙ୍କ ମୃତ୍ୟୁ ଘଟିଛି |

ଏହି ସାମରିକ କାର୍ଯ୍ୟାନୁଷ୍ଠାନ ବାବଦରେ ପ୍ରତିକ୍ରିୟା ରଖି ଜମ୍ମୁ କାଶ୍ମୀର ପୋଲିସ ଡିଜି ଦିଲବାଗ ସିଂହ କହିଛନ୍ତି,"ମଙ୍ଗଳବାର ସୁରକ୍ଷାବାହିନୀ ପକ୍ଷରୁ ହୋଇଥିବା ଅପରେସନରେ ୩ ଆତଙ୍କବାଦୀଙ୍କ ମୃତ୍ୟୁ ଘଟିଛି | ସେମାନଙ୍କ ମଧ୍ୟରେ ହିଜିବୁଲର ଜଣେ ଟପ କମାଣ୍ଡର ରହିଛି | ସମସ୍ତ ମୃତକ ଆତଙ୍କବାଦୀ କାଶ୍ମୀର ଘାଟିରେ ହୋଇଥିବା ସରପଞ୍ଚ ଅଜୟ ପଣ୍ଡିତଙ୍କ ହତ୍ୟା ଘଟଣାରେ ଜଡିତ ଥିଲେ | "   

Add Zee News as a Preferred Source

କାଶ୍ମୀର ହୋଇଥିବା ସରପଞ୍ଚଙ୍କ ହତ୍ୟା ମାମଲାରେ ନିଜକୁ ଦାୟୀ କରିଛି "ଲସ୍କର ଏ ତୋଇବା"(Lashkar e Taiba-LeT)ସହ ଜଡିତ ସଙ୍ଗଠନ "ଦ ରେଜିଷ୍ଟାନ୍ସ ଫ୍ରଣ୍ଟ" (The Resistance Front-TRF)|  ଆତଙ୍କବାଦୀଙ୍କୁ ଘାଟିରୁ ସଫା କରିବା ପାଇଁ ସୁରକ୍ଷାବଳଙ୍କୁ ସ୍ପଷ୍ଟ ଭାବେ ଜଣାଇ ଦିଆଯାଇଛି |  ଘଟଣାସ୍ଥଳରୁ ଅନେକ ପରିମାଣର ଗୋଳାବାରୁଦ ଜବତ କରାଯାଇଛି  |  

ମଙ୍ଗଳବାର ହୋଇଥିବା ଜଏଣ୍ଟ ମିଲିଟାରୀ ଅପରେସନରେ ସାମିଲ ହୋଇଥିଲେ ୪୪ ରାଷ୍ଟ୍ରୀୟ ରାଇଫଲ(Rashtriya Rifles-RR), ଜମ୍ମୁ କାଶ୍ମୀର ପୋଲିସ, ସିଆରପିଏଫ(CRPF)| ସୋପିଆନ ଯେଉଁ ଅଞ୍ଚଳରେ ଆତଙ୍କବାଦୀ ଛପି ରହିଥିଲେ ଖବର ପାଇ ଘଟଣାସ୍ଥଳରେ ପହଞ୍ଚିଥିଲେ ସୁରକ୍ଷା ବାହିନୀ | ଆତ୍ମସମର୍ପଣ କରିବାକୁ ଆତଙ୍କବାଦୀଙ୍କୁ କୁହାଯିବା ସତ୍ତ୍ୱେ ସେମାନେ ଏହାକୁ  ଖାତିର ନକରି ସୁରକ୍ଷା ବଳ ଉପରେ ଗୁଳିମାଡ କରିଥିଲେ | ଏହାର ଜବାବ ଦେବାକୁ ଯାଇ ପାଲଟା ଆକ୍ରମଣ କରିଥିଲା ସୁରକ୍ଷାବାହିନୀ |