• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ଆରଏସଏସର ଆଶା, ହିନ୍ଦୁଙ୍କ ସପକ୍ଷରେ ଆସିବ ଅଯୋଧ୍ୟା ମାମଲା

ଆରଏସଏସ ଆଶା ବ୍ୟକ୍ତ କରିଛି ଯେ ରାମଜନ୍ମ ଭୂମି -ବାବ୍ରୀ ମସଜିଦ ଭୂମି ବିବାଦ ମାମଲାରେ ସର୍ବୋଚ୍ଚ କୋର୍ଟରୁ ହିନ୍ଦୁଙ୍କ ସପକ୍ଷରେ ରାୟ ଆସିବ । 

ଆରଏସଏସର ଆଶା, ହିନ୍ଦୁଙ୍କ ସପକ୍ଷରେ ଆସିବ ଅଯୋଧ୍ୟା ମାମଲା
ଭୈୟାଜୀ ଯୋଶୀ

ନୂଆଦିଲ୍ଲୀ: ବହୁ ଚର୍ଚ୍ଚିତ ଅଯୋଧ୍ୟା ରାମ ଜନ୍ମ ଭୂମି-ବାବ୍ରୀ ମସଜିଦ ମାମଲାରେ ସୁପ୍ରମିକୋର୍ଟରେ ହୋଇଯାଇଛି ଶୁଣାଣି । ବର୍ତ୍ତମାନ କୋର୍ଟରୁ କଣ ରାୟ ପ୍ରକାଶ ପାଉଛି, ତାହା ଉପରେ ସମସ୍ତଙ୍କ ନଜର ରହିଛି । ଏହାପୂର୍ବରୁ ବିଭିନ୍ନ ପକ୍ଷକାର ନିଜ ନିଜର ମତ ରଖୁଛି । ଏହି କ୍ରମରେ ରାଷ୍ଟ୍ରୀୟ ସ୍ୱଂୟ ସେବକ ସଂଘ(ଆରଏସଏସ) ଶୁକ୍ରବାର ଏହି ମାମଲା ଉପରେ ମନ୍ତବ୍ୟ ଦେଇଛି । 

ଆରଏସଏସ ଆଶା ବ୍ୟକ୍ତ କରିଛି ଯେ ରାମଜନ୍ମ ଭୂମି -ବାବ୍ରୀ ମସଜିଦ ଭୂମି ବିବାଦ ମାମଲାରେ ସର୍ବୋଚ୍ଚ କୋର୍ଟରୁ ହିନ୍ଦୁଙ୍କ ସପକ୍ଷରେ ରାୟ ଆସିବ । ଭୁବନେଶ୍ୱରରେ ଚାଲୁଥିବା ସଂଘର ଅଖିଲ ଭାରତୀୟ କାର୍ଯ୍ୟକାରୀ ମଣ୍ଡଳର ତିନି ଦିବସୀୟ ବୈଠକର ସମାପନ ହୋଇଯାଇଛି । ଏଠାରେ ସଂଘର ସରକାର୍ଯ୍ୟବାହ ଭୈୟାଜୀ ଯୋଶୀ ରାଷ୍ଟ୍ରୀୟ ନାଗରିକ ପଞ୍ଜୀକରଣ(ଏନଆରସି)କୁ ସମର୍ଥନ କରି ଓ ସମସ୍ତ ରାଜ୍ୟର କଲ୍ୟାଣ ପାଇଁ ଏହାକୁ ଆପଣାଇବା ପାଇଁ ଉପଦେଶ ଦେଇଛନ୍ତି । 

ଏହି ବୈଠକରେ ଆରଏସଏସର ସରସଂଘଚାଳକ ମୋହନ ଭାଗବତ  ଉପସ୍ଥିତ ଥିଲେ । ଏହାସହ ଏହି ବୈଠକ ପ୍ରଥମଥର ଓଡ଼ିଶାରେ ଅନୁଷ୍ଠିତ ହୋଇଛି ।  ଯୋଶୀ କହିଛନ୍ତି ଯେ, ଆମେ ଆଶାବାନ ଅଛୁ, ଉଚ୍ଚତମ ନ୍ୟାୟାଳୟର ରାୟ ହିନ୍ଦୁଙ୍କ ସପକ୍ଷରେ ଆସିବ । ରାଜନୈତକ ଦୃଷ୍ଟିରୁ ସମ୍ବେଦନଶୀଳ ଅଯୋଧ୍ୟା ମାମଲାର ଶୁଣାଣି ଅକ୍ଟୋବର ୧୬(ବୁଧବାର)ରେ ଶେଷ ହୋଇଯାଇଥିଲା । କୋର୍ଟ ଏହି ମାମଲା ଉପରେ ରାୟ ସଂରକ୍ଷିତ ରଖିଛନ୍ତି । 

ଏହା ବ୍ୟତୀତ ଏହି ମାମଲାରେ ମଧ୍ୟସ୍ଥତାକୁ ନେଇ ପଚାରାଯାଇଥିବା ପ୍ରଶ୍ନର ଉତ୍ତରରେ ଯୋଶୀ କହିଛନ୍ତି ଯେ, ଦୀର୍ଘ ସମୟରୁ ମଧ୍ୟସ୍ଥତା ମାଧ୍ୟମରେ ଏହି ବିଷୟଟିକୁ ସମାଧାନ କରିବାକୁ ପ୍ରୟାସ କରାଯାଉଥିଲା କିନ୍ତୁ କୌଣସି ସମାଧାନର ବାଟ ବାହାରି ନଥିଲା । ଯଦି ଏପରି ହୋଇଥାନ୍ତା ତେବେ ମାମଲାଟି କୋର୍ଟକୁ ଯାଇ ନଥାନ୍ତା । ଆରଏସଏସ ପ୍ରଥମରୁ ଅଯୋଧ୍ୟାରେ ପ୍ରସ୍ତାବିତ ରାମ ମନ୍ଦିର ନିର୍ମାଣ ପାଇଁ ବିଭିନ୍ନ ବାଧାକୁ ହଟାଇବା ପାଇଁ ପ୍ରୟାସ କରିଛି ।  କିନ୍ତୁ ଏପରି କିଛି ହୋଇ ନଥିଲା, କୋର୍ଟରେ ମାମଲାର ଶୁଣାଣି ଚାଲୁଥିଲା ।