• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

'ଶିବସେନାକୁ ବରବାଦ କରିଦେଲେ ସଞ୍ଜୟ ରାଉତ'

'ମହା' ସିଂହାସନ ହାସଲ କରିବାରେ ସଫଳ ହୋଇଛି ବିଜେପି । ଏନସିପି ସୁପ୍ରିମୋ ଶରଦ ପାଓ୍ୱାରଙ୍କ ପୁତୁରା ଅଜିତ ପାଓ୍ୱାରଙ୍କୁ ନେଇ ସରକାର ଗଢିଛି ଗେରୁଆ ଦଳ । ବିଜେପିରୁ ଦେବେନ୍ଦ୍ର ଫଡ଼ନାଭିସ ମୁଖ୍ୟମନ୍ତ୍ରୀ ଭାବରେ ଶପଥ ନେଇଛନ୍ତି । ଏନସିପିରୁ ଅଜିତ ପାଓ୍ୱାରଙ୍କୁ ମିଳିଛି ଉପମୁଖ୍ୟମନ୍ତ୍ରୀ ପଦ । ତେବେ ଏହି ସମର୍ଥନକୁ ଅଜିତ ପାୱାରଙ୍କ ବ୍ୟକ୍ତିଗତ ନିଷ୍ପତ୍ତି ବୋଲି କହିଛି ଏନସିପି । ଏବେ ଅଜିତଙ୍କ ପାଖରେ ୨୨ଦଳୀୟ ବିଧାୟକକଙ୍କ ସମର୍ଥନ ଥିବା କୁହାଯାଉଛି । 

'ଶିବସେନାକୁ ବରବାଦ କରିଦେଲେ ସଞ୍ଜୟ ରାଉତ'
ଫାଇଲ ଫଟୋ

ନୂଆଦିଲ୍ଲୀ: 'ମହା' ସିଂହାସନ ହାସଲ କରିବାରେ ସଫଳ ହୋଇଛି ବିଜେପି । ଏନସିପି ସୁପ୍ରିମୋ ଶରଦ ପାଓ୍ୱାରଙ୍କ ପୁତୁରା ଅଜିତ ପାଓ୍ୱାରଙ୍କୁ ନେଇ ସରକାର ଗଢିଛି ଗେରୁଆ ଦଳ । ବିଜେପିରୁ ଦେବେନ୍ଦ୍ର ଫଡ଼ନାଭିସ ମୁଖ୍ୟମନ୍ତ୍ରୀ ଭାବରେ ଶପଥ ନେଇଛନ୍ତି । ଏନସିପିରୁ ଅଜିତ ପାଓ୍ୱାରଙ୍କୁ ମିଳିଛି ଉପମୁଖ୍ୟମନ୍ତ୍ରୀ ପଦ । ତେବେ ଏହି ସମର୍ଥନକୁ ଅଜିତ ପାୱାରଙ୍କ ବ୍ୟକ୍ତିଗତ ନିଷ୍ପତ୍ତି ବୋଲି କହିଛି ଏନସିପି । ଏବେ ଅଜିତଙ୍କ ପାଖରେ ୨୨ଦଳୀୟ ବିଧାୟକକଙ୍କ ସମର୍ଥନ ଥିବା କୁହାଯାଉଛି । 

ଗୋଟିଏ ରାତିରେ ଚକମା ଖାଇଗଲେ ଶିବସେନା ଓ କଂଗ୍ରେସ । ସରକାର ଗଢିଲା ବିଜେପି । ଆଉ ଏହାପରେ ପ୍ରତିକ୍ରିୟା ରଖିଛନ୍ତି ମହାରାଷ୍ଟ୍ର ବିଜେପି ସଭାପତି ଚନ୍ଦ୍ରକାନ୍ତ ପାଟିଲ । ଭୋଟର ବିଜେପି-ଶିବସେନା ମେଣ୍ଟକୁ ବହୁମତ ଦେଇଥିଲେ । ଏହି ମେଣ୍ଟକୁ ୧୬୧ ଆସନ ମିଳିଥିଲା । ହେଲେ ଫଳାଫଳ ପରଠୁ ହିଁ ଶିବସେନା ବିକଳ୍ପ ସରକାର କଥା ଉଠାଇଥିଲା  ବୋଲି କହିଛନ୍ତି ଚନ୍ଦ୍ରକାନ୍ତ । 

ସେହିପରି ସବୁବେଳେ ଦଳର ପକ୍ଷ ରଖୁଥିବା ଶିବସେନା ମୁଖପାତ୍ର ସଞ୍ଜୟ ରାଉତଙ୍କୁ ମଧ୍ୟ କଟାକ୍ଷ କରିଛନ୍ତି ବିଜେପି ସଭାପତି ଚନ୍ଦ୍ରକାନ୍ତ ପାଟିଲ । ଏବେ ସଞ୍ଜୟ ଯଥା ସମ୍ଭବ ଚୁପ ରହିବା ଦରକାର । ସେ ହିଁ ଶିବସେନାକୁ ବରବାଦ କରିଦେଇଥିବା କହିଛନ୍ତି ଚନ୍ଦ୍ରକାନ୍ତ । 

ସେପଟେ ମହାରାଷ୍ଟ୍ର କଂଗ୍ରେସ ପକ୍ଷରୁ ଏକ ଜରୁରୀକାଳୀନ ବୈଠକ ଡକାଯାଇଛି । ଦଳର ବରିଷ୍ଠ ନେତା ମଲ୍ଲିକାର୍ଜୁନ ଖଡଗେ ଏବଂ କେସି ବେଣୁଗୋପାଳ ଏହି ବୈଠକରେ ଉପସ୍ଥିତ ରହିବେ । 

ଅନ୍ୟପଟେ ମଧ୍ୟାହ୍ନ ୧୨।୩୦ରେ ଶିବସେନା ମୁଖ୍ୟ ଉଦ୍ଧବ ଠାକରେ ଏବଂ ଏନସିପି ମୁଖ୍ୟ ଶରଦ ପାୱାର ସମ୍ବାଦିକ ସମ୍ମିଳନୀ ଡାକିଛନ୍ତି । 

ଆହୁରି ପଢନ୍ତୁ; ରଙ୍ଗ ଆଣିଲା ଝଡ ପୂର୍ବର ନିରବତା