close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଜିଦକୁ ଆହୁରି ଶାଣିତ କଲା ଶିବସେନା, ମୁଖ୍ୟମନ୍ତ୍ରୀ ପଦ ଉପରେ ହିଁ ହେବ ଆଲୋଚନା

ସମୟ ଗଡିବା ସହିତ ହୁଏତ ଶିବସେନା ଉପମୁଖ୍ୟମନ୍ତ୍ରୀ ପଦରେ ସନ୍ତୁଷ୍ଟ ହୋଇଯିବ । ବୋଧେ ଭାରତୀୟ ଜନତା ପାର୍ଟି ଏଭଳି କିଛି ଆଶା ରଖିଛି । ହେଲେ ଏହାକୁ ବାରମ୍ବାର ଭୁଲ ସାବ୍ୟସ୍ତ କଲାଣି ଶିବସେନା ।

ଜିଦକୁ ଆହୁରି ଶାଣିତ କଲା ଶିବସେନା, ମୁଖ୍ୟମନ୍ତ୍ରୀ ପଦ ଉପରେ ହିଁ ହେବ ଆଲୋଚନା
ଫଟୋ ସୌଜନ୍ୟ: ଏଏନଆଇ

ନୂଆଦିଲ୍ଲୀ: ଶିବସେନାକୁ କଥାବାର୍ତ୍ତା ପାଇଁ ବିଜେପି ଆହ୍ୱାନ ଦେବା ପରେ ଆହୁରି ନାଟକୀୟ ମୋଡି ନେଉଛି ମହାରାଷ୍ଟ୍ର ରାଜନୀତି । ନିଜ ଜିଦକୁ ଆହୁରି ଶାଣିତ କରୁଛି ଶିବସେନା । ଦଳର ବରିଷ୍ଠ ନେତା ସଞ୍ଜୟ ରାଉତ ବାରମ୍ବାର ମୁଖ୍ୟମନ୍ତ୍ରୀ ପଦ କଥା ହିଁ ଦୋହରାଉଛନ୍ତି । ଯାହା ବିଜେପିକୁ ଅଡୁଆରେ ପକାଇଛି । 

ସମୟ ଗଡିବା ସହିତ ହୁଏତ ଶିବସେନା ଉପମୁଖ୍ୟମନ୍ତ୍ରୀ ପଦରେ ସନ୍ତୁଷ୍ଟ ହୋଇଯିବ । ବୋଧେ ଭାରତୀୟ ଜନତା ପାର୍ଟି ଏଭଳି କିଛି ଆଶା ରଖିଛି । ହେଲେ ଏହାକୁ ବାରମ୍ବାର ଭୁଲ ସାବ୍ୟସ୍ତ କଲାଣି ଶିବସେନା । ୫୦/୫୦ ଫର୍ମୁଲା ନାହିଁ ତ ସରକାର ନାହିଁ, ଏହି ଜିଦରେ ଅଟଳ ଦଳ । ଶିବସେନା ସହ ଆଲୋଚନା ପାଇଁ ଆମ ଦ୍ୱାର ସବୁବେଳେ ଖୋଲା କହିଛି ବିଜେପି । ହେଲେ ଆଜି ଏହାର କଡା ଜବାବ ଦେଇଛନ୍ତି ବରିଷ୍ଠ ଶିବସେନା ନେତା ସଞ୍ଜୟ ରାଉତ । 

ସଞ୍ଜୟ କହିଛନ୍ତି, କିଛି ନୂଆ ଜିନିଷ ଆଲୋଚନା କରିବାର ନାହିଁ । ନିର୍ବାଚନ ପୂର୍ବରୁ ବିଜେପି ସହ ଯାହା ବୁଝାମୁଣା ହୋଇଥିଲା, ସେ ଉପରେ ହିଁ ଆଲୋଚନା ହେବ । ଅର୍ଥାତ ଶିବସେନା ସ୍ପଷ୍ଟ କରିବାକୁ ଚାହୁଁଛି ଯେ ୫୦/୫୦ ଫର୍ମୁଲାରେ ହିଁ ସରକାର ହେଉ । ଏହା ବ୍ୟତୀତ କୌଣସି ବୁଝାମଣା କରିବାକୁ ଏବେ ଦଳ ପ୍ରସ୍ତୁତ ନାହିଁ । 

ସଞ୍ଜୟଙ୍କ କହିବା କଥା ହେଲା, ମୁଖ୍ୟମନ୍ତ୍ରୀ ପଦ ନେଇ ନିର୍ବାଚନ ପୂର୍ବରୁ ବୁଝାମଣା ହୋଇଥିଲା । ସେହି ଆଧାରରେ ହିଁ ବିଜେପି ସହ ମେଣ୍ଟ କରିଥିଲା ଶିବସେନା । ଆଉ ଏବେ ଆମେ ସେହି ବୁଝାମଣା କଥା ହିଁ କହୁଛୁ । ଯଦି ମହାରାଷ୍ଟ୍ରରେ ରାଷ୍ଟ୍ରପତି ଶାସନ ଲାଗୁ ହୁଏ, ତେବେ ଏହା ଲୋକଙ୍କ ପାଇଁ ଅନ୍ୟାୟ ବୋଲି କହିଛନ୍ତି ସଞ୍ଜୟ । ଏଥିପାଇଁ ଶିବସେନା ଦାୟୀ ନୁହେଁ ବୋଲି ସେ ସ୍ପଷ୍ଟ କରିଛନ୍ତି । 

ସେପଟେ ବିକଳ୍ପ ସରକାର ଗଠନ ପାଇଁ ଏନସିପି ମୁଖପାତ୍ର ନୱାବ ମଲିକ ପୁରୁଣା କଥା ଦୋହରାଇଛନ୍ତି । ଶିବସେନାକୁ ଏନସିପି ସମର୍ଥନ କରିପାରେ । ହେଲେ ଏଥିପାଇଁ କିଛି ସର୍ତ୍ତ ରହିଛି । ଗୁରୁତ୍ୱପୂର୍ଣ୍ଣ ସର୍ତ୍ତ ହେଲା ବିଜେପି ସହ ସମ୍ପର୍କ କାଟିବା । ଏପରିକି ଶିବସେନାକୁ ମିଳିଥିବା ଗୋଟିଏ କେନ୍ଦ୍ରମନ୍ତ୍ରୀ ପଦରୁ ବି ଇସ୍ତଫା ଦେବା । ଏନସିପିର ଏହି ସର୍ତ୍ତ ଏବେ ଶିବସେନାକୁ ଭାବିବାକୁ ବାଧ୍ୟ କରୁଛି । 

ଯଦି ଏନସିପି ସହ ମିଶି ଶିବସେନା ସରକାର ଗଢେ, ସେମିତି ବି ବିଜେପି ସହ ସମ୍ପର୍କ ଗୋଟିଏ ପ୍ରକାର ଛିନ୍ନ ହେବ ନିଶ୍ଚିତ । ମୋଦି କ୍ୟାବିନେଟରୁ ଶିବସେନାର ମନ୍ତ୍ରୀ ବିଦା ବି ହେବେ । ଏହା କିଛି ନୂଆ କଥା ନୁହେଁ । ହେଲେ ଗୁରୁତ୍ୱପୂର୍ଣ୍ଣ କଥା ହେଉଛି, ବିଚାରଗତ ଦୃଷ୍ଟିରୁ ବିଜେପି ବ୍ୟତୀତ ଅନ୍ୟ ଦଳ ସହ ସରକାର ଗଢିବା ଶିବସେନା ପାଇଁ କାଠିକାର ପାଠ । ଏନସିପି, କଂଗ୍ରେସର ଆଦର୍ଶ ଠାରୁ ଶିବସେନାର ଆଦର୍ଶ ଭିତରେ ଆକାଶ ପାତାଳ ତଫାତ ରହିଛି । 

କେବଳ ମୁଖ୍ୟମନ୍ତ୍ରୀ ପଦ ପାଇଁ ଆଦର୍ଶକୁ ବଳି ଦେବ ଶିବସେନା ! ଯଦି ନୁହେଁ, ଏନସିପି ଏବଂ କଂଗ୍ରେସ ସମର୍ଥନରେ ସରକାର ଗଢି ନିଜ ଆଦର୍ଶକୁ ବଜାୟ ରଖିପାରିବ ତ ? ଏବେ ଏମିତି କିଛି ପ୍ରଶ୍ନର ଉତ୍ତର ଖୋଜୁଛି ଶିବସେନା । ବିଜେପି ଠାରୁ ସମ୍ପର୍କ କାଟିବା ପୂର୍ବରୁ ବାରମ୍ବାର ଭାବିବାକୁ ପଡୁଛି ।