• ଆସନ୍ତାକାଲିଠୁ ଦେଶବ୍ୟାପୀ କୋରୋନା ଟିକାକରଣ
  • ଶେଷ ପର୍ଯ୍ୟାୟରେ ରାଜ୍ୟରେ ଟିକାକରଣ ପ୍ରସ୍ତୁତି
  • ଶନିବାର ସାଢେ ୧୦ଟାରେ କରୋନା ଟିକାକରଣର ଶୁଭାରମ୍ଭ କରିବେ ପ୍ରଧାନମନ୍ତ୍ରୀ
  • ପ୍ରଥମ ଦିନରେ ୩ ଲକ୍ଷ ସ୍ୱାସ୍ଥ୍ୟକର୍ମୀଙ୍କୁ ଦିଆଯିବ ଟିକା
  • କଳାହାଣ୍ଡିରେ ୧୦୬୪ କୋଟିରୁ ଅଧିକ ଟଙ୍କାର ୫୪ଟି ପ୍ରକଳ୍ପର ଲୋକାର୍ପଣ
  • ୧୦୬ଟି ପ୍ରକଳ୍ପର ଲୋକାର୍ପଣ ଓ ଶିଳାନ୍ୟାସ କଲେ ମୁଖ୍ୟମନ୍ତ୍ରୀ
  • ଏଥର ବର୍ଷ ଗଣତନ୍ତ୍ର ଦିବସରେ ରହିବେନି ବିଦେଶୀ ଅତିଥି
  • କୋଭିଡ କଟକଣା ଯୋଗୁୁଁ ରାଷ୍ଟ୍ର ମୁଖ୍ୟକୁ ନଡାକିବାକୁ ବିଦେଶ ମନ୍ତ୍ରାଳୟର ନିଷ୍ପତ୍ତି ।
  • କୃଷକ ଆନ୍ଦୋଳନ: ସୁପ୍ରିମକୋର୍ଟଙ୍କ ଗଠିତ ୪ ଜଣିଆ କମିଟିରୁ ଓହରିଗଲେ ଭୂପିନ୍ଦର ସିଂ ମାନ
  • ଲେଉଟିବ ଶୀତ! ଆସନ୍ତା ଦୁଇ ଦିନ ୭ ଜିଲ୍ଲାକୁ ଘନ କୁହୁଡି ସମ୍ଭାବନା

କର୍ଣ୍ଣାଟକ ଉପନିର୍ବାଚନ ଲଢିପାରିବେ ୧୭ ଅଯୋଗ୍ୟ ଘୋଷିତ ବିଧାୟକ

ଆସନ୍ତା ଡିସେମ୍ବର ୫ରେ ହେବାକୁ ଥିବା କର୍ଣ୍ଣାଟକ ଉପନିର୍ବାଚନ ଲଢିପାରିବେ ୧୭ ଅଯୋଗ୍ୟ ଘୋଷିତ ହୋଇଥିବା ବିଧାୟକ । ଆଜି ଦେଶର ସର୍ବୋଚ୍ଚ ଅଦାଲତ ଏନେଇ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ।

କର୍ଣ୍ଣାଟକ ଉପନିର୍ବାଚନ ଲଢିପାରିବେ ୧୭ ଅଯୋଗ୍ୟ ଘୋଷିତ ବିଧାୟକ
ଫାଇଲ ଫଟୋ

ନୂଆଦିଲ୍ଲୀ: ଆସନ୍ତା ଡିସେମ୍ବର ୫ରେ ହେବାକୁ ଥିବା କର୍ଣ୍ଣାଟକ ଉପନିର୍ବାଚନ ଲଢିପାରିବେ ୧୭ ଅଯୋଗ୍ୟ ଘୋଷିତ ହୋଇଥିବା ବିଧାୟକ । ଆଜି ଦେଶର ସର୍ବୋଚ୍ଚ ଅଦାଲତ ଏନେଇ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି । ଦୀର୍ଘ ବର୍ଷ ପର୍ଯ୍ୟନ୍ତ କାହାକୁ ଅଯୋଗ୍ୟ ଘୋଷଣା କରିବା ଠିକ ନୁହେଁ ବୋଲି କହିଛନ୍ତି ଅଦାଲତ । ଆଉ ଏହି ରାୟ ଅଯୋଗ୍ୟ ଘୋଷିତ ବିଧାୟକଙ୍କ ଭିତରେ ପୁଣି ଥରେ ନିର୍ବାଚିତ ହୋଇ ବିଧାନସଭା ଫେରିବାର ଆଶାକୁ ଉଜ୍ଜୀବିତ କରିଛି । 

ଗୁରୁତ୍ୱପୂର୍ଣ୍ଣ କଥା ହେଉଛି, କର୍ଣ୍ଣାଟକର ପୂର୍ବତନ ବାଚସ୍ପତି କେ।ଆର ରମେଶ କୁମାର ବିଧାୟକଙ୍କୁ ଅଯୋଗ୍ୟ ଘୋଷଣା କରିବାର ନିଷ୍ପତ୍ତିକୁ ଠିକ୍ ବୋଲି କହିଛନ୍ତି ସୁପ୍ରିମକୋର୍ଟ । ଜଷ୍ଚିସ୍ ଏନ।ବି ରମନ୍ନାଙ୍କ ନେତୃତ୍ୱରେ ଗଠିତ ୩ ଜଣିଆ ଖଣ୍ଡପୀଠ ଆଜି ଏହି ରାୟ ଶୁଣାଇଛନ୍ତି । ଅକ୍ଚୋବର ୨୫ରେ ଏହି ମାମଲାର ଶୁଣାଣି କରି ରାୟ ସଂରକ୍ଷିତ ରଖିଥିଲେ କୋର୍ଟ। ଆଉ ଆଜିର ରାୟ ଅଯୋଗ୍ୟ ଘୋଷିତ ବିଧାୟକଙ୍କୁ ବେଶ ଆଶ୍ୱସ୍ତି ଦେଇଛି । 

ସେପଟେ ୧୭ ବିଧାୟକ ଅଯୋଗ୍ୟ ଘୋଷିତ ହେବା ପରେ ସେହି ଆସନ ଗୁଡିକ ଖାଲି ରହିଥିଲା । ଆସନ୍ତା ଡିସେମ୍ବର ୫ରେ ସେଠି ଉପନିର୍ବାଚନ ହେବ । ଗତ ଜୁଲାଇରେ କଂଗ୍ରେସର ୧୪ ଏବଂ ଜେଡିଏସର ୩ ବିଧାୟକ ଇସ୍ତଫା ଦେଇଥିଲେ । ଯାହାକୁ କୁମାରସ୍ୱାମୀ ସରକାର ଭାଙ୍ଗିବାର ମୁଖ୍ୟ କାରଣ ଥିଲା । କଂଗ୍ରେସ ଏବଂ ଜେଡିଏସ ହୁଇପ ଜାରି କରିଥିଲେ ମଧ୍ୟ ଏହି ବିଧାୟକମାନେ ଆସ୍ଥା ଭୋଟ ବେଳେ ଅନୁପସ୍ଥିତ ରହିଥିଲେ । ଫଳରେ କଂଗ୍ରେସ-ଜେଡିଏସ ସରକାର ଭାଙ୍ଗିଥିଲା ଏବଂ ବିଜେପି ସରକାର ଗଢିବାରେ ସକ୍ଷମ ହୋଇଥିଲା ।