• ଅଭୟକାନ୍ତ ପାଠକଙ୍କ ଘରେ ପୁଣି ଭିଜିଲାନ୍ସର ଚଢ଼ାଉ
  • ସରକାରୀ ବାସଭବନରେ ସ୍ୱତନ୍ତ୍ର ଟିମ୍ ପକ୍ଷରୁ ରେଡ଼
  • ବାରଣାସୀରେ ଦେବ ଦୀପାବଳି ପାଳିଲେ ପ୍ରଧାନମନ୍ତ୍ରୀ
  • ରାଜ୍ୟରେ ଆଉ ୩୭୮ କରୋନା ଆକ୍ରାନ୍ତ ଚିହ୍ନଟ
  • ରାଜ୍ୟରେ ଆଜି କରୋନା ନେଲା ୫ ଜୀବନ
  • ପରୀ ମୃତ୍ୟୁ ମାମଲାର ଏସଆଇଟି ତଦନ୍ତ ଆରମ୍ଭ
  • ଆଜି ବିଶ୍ୱ ଏଡ୍‌ସ ଦିବସ: ଗଞ୍ଜାମରେ ସର୍ବାଧିକ ୧୬,୫୧୫ ରୋଗୀ
  • କୋଭିଡ କଟକଣା ମଧ୍ୟରେ ଆଜିଠାରୁ କୋଣାର୍କ ମହୋତ୍ସବ
  • ଦେଶରେ ଦିନକରେ ୩୧,୧୧୮ ନୂଆ କୋରୋନା ଆକ୍ରାନ୍ତ ଚିହ୍ନଟ, ୪୮୨ ମୃତ
  • ଆଜିଠୁ ଖୋଲିବ ରାଜ୍ୟର ସମସ୍ତ ମେଡିକାଲ କଲେଜ

ଆତଙ୍କୀଙ୍କ ଟାର୍ଗେଟରେ କୋହଲି, ବଢିଲା ଟିମ ଇଣ୍ଡିଆର ସୁରକ୍ଷା

ଆସନ୍ତା ନଭେମ୍ବର ୩ରେ ଭାରତ-ବାଂଲାଦେଶ ମଧ୍ୟରେ ପ୍ରଥମ ଟି-୨୦ ମ୍ୟାଚ ଖେଳାଯିବ । ଦିଲ୍ଲୀରେ ହେବାକୁ ଥିବା ଏହି ମ୍ୟାଚ ସମୟରେ ଭାରତୀୟ ଟିମ ଉପରେ ଆକ୍ରମଣ ନେଇ ଧମକ ମିଳିଛି ।

ଆତଙ୍କୀଙ୍କ ଟାର୍ଗେଟରେ କୋହଲି, ବଢିଲା ଟିମ ଇଣ୍ଡିଆର ସୁରକ୍ଷା
ଫାଇଲ ଫଟୋ

ନୂଆଦିଲ୍ଲୀ: ଆତଙ୍କୀଙ୍କ ଟାର୍ଗେଟରେ ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି ! ପୁରା ଟିମ ଇଣ୍ଡିଆ ଉପରେ ବଡ ଧରଣର ହମଲା କରିବାକୁ ଯୋଜନା କରୁଛନ୍ତି ଆତଙ୍କବାଦୀ ! ଜାତୀୟ ତଦନ୍ତକାରୀ ସଂସ୍ଥା(ଏନ୍‌ଆଇଏ)କୁ ଏନେଇ ଏକ ଧମକ ପୂର୍ଣ୍ଣ ଚିଠି ମିଳିଛି । ଯାହା ପରେ ଟିମ ଇଣ୍ଡିଆର ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଛି । 

ଆସନ୍ତା ନଭେମ୍ବର ୩ରେ ଭାରତ-ବାଂଲାଦେଶ ମଧ୍ୟରେ ପ୍ରଥମ ଟି-୨୦ ମ୍ୟାଚ ଖେଳାଯିବ । ଦିଲ୍ଲୀରେ ହେବାକୁ ଥିବା ଏହି ମ୍ୟାଚ ସମୟରେ ଭାରତୀୟ ଟିମ ଉପରେ ଆକ୍ରମଣ ନେଇ ଧମକ ମିଳିଛି । ଆହୁରି ମଧ୍ୟ ରାଷ୍ଟ୍ରପତି, ପ୍ରଧାନମନ୍ତ୍ରୀ, ଗୃହମନ୍ତ୍ରୀ,  ବିଜେପି କାର୍ଯ୍ୟକାରୀ ସଭାପତି ଏବଂ ଆରଏସଏସ ମୁଖ୍ୟଙ୍କ ଉପରେ ହମଲା କରାଯିବ ବୋଲି ଚିଠିରେ ଉଲ୍ଲେଖ ରହିଛି । ଯେଉଁ ଚିଠିକୁ ବିସିସିଆଇ ପାଖକୁ ପଠାଇ ଦେଇଛି ଏନଆଇଏ । 

କେରଳରେ ଥିବା ଅଲ ଇଣ୍ଡିଆ ଲସ୍କର ନାମକ ଆତଙ୍କୀ ସଙ୍ଗଠନ ଏମାନଙ୍କ ଉପରେ ହମଲା କରିବା ନେଇ ଚିଠିରେ ଉଲ୍ଲେଖ ରହିଛି । ହୋଇପାରେ, ଏହି ଚିଠି ଡରାଇବା ଉଦ୍ଦେଶ୍ୟରେ ପଠାଯାଇଛି । ହେଲେ ଏହାକୁ ହାଲୁକା ଭାବରେ ନେଇନି ପୋଲିସ । ଷ୍ଟାଡିୟମ ଏବଂ ଖେଳାଳୀଙ୍କ ସୁରକ୍ଷା ବଢାଇ ଦିଆଯାଇଛି । ଯେକୌଣସି ପରିସ୍ଥିତିର ମୁକାବିଲା ପାଇଁ ପ୍ରସ୍ତୁତ ରହିଛନ୍ତି ସୁରକ୍ଷାକର୍ମୀ ।