close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ସରକାର ଗଢିବା ନେଇ ବିଧାୟକ ଦଳ ସହ ଉଦ୍ଧବଙ୍କ ମାନସ ମନ୍ଥନ

ବିକଳ୍ପ ସରକାର ଗଠନ ପାଇଁ ଉଦ୍ୟମ ଆରମ୍ଭ କଲା ଶିବସେନା . ଗୋଟିଏ ପଟେ  ବିଜେପିକୁ ସରକାର ଗଠନ ପାଇଁ ଆମନ୍ତ୍ରଣ ମିଳିଥିବା ବେଳେ, ଏପଟେ ବିରୋଧୀ ମଧ୍ୟ ସରକାର  ଗଠନ ପାଇଁ ପ୍ରୟାସ ଜାରି ରଖିଛନ୍ତି . ଆଉ ଏହାରି ଭିତରେ ଦଳୀୟ ବିଧାୟକଙ୍କୁ ଭେଟିଛନ୍ତି  ଶିବସେନା ମୁଖ୍ୟ ଉଦ୍ଧବ ଠାକରେ . 

ସରକାର ଗଢିବା ନେଇ ବିଧାୟକ ଦଳ ସହ ଉଦ୍ଧବଙ୍କ ମାନସ ମନ୍ଥନ

ନୂଆଦିଲ୍ଲୀ: ବିକଳ୍ପ ସରକାର ଗଠନ ପାଇଁ ଉଦ୍ୟମ ଆରମ୍ଭ କଲା ଶିବସେନା । ଗୋଟିଏ ପଟେ  ବିଜେପିକୁ ସରକାର ଗଠନ ପାଇଁ ଆମନ୍ତ୍ରଣ ମିଳିଥିବା ବେଳେ, ଏପଟେ ବିରୋଧୀ ମଧ୍ୟ ସରକାର  ଗଠନ ପାଇଁ ପ୍ରୟାସ ଜାରି ରଖିଛନ୍ତି । ଆଉ ଏହାରି ଭିତରେ ଦଳୀୟ ବିଧାୟକଙ୍କୁ ଭେଟିଛନ୍ତି  ଶିବସେନା ମୁଖ୍ୟ ଉଦ୍ଧବ ଠାକରେ । 

ଘୋଡା ବେପାର ଭୟରେ ଉଭୟ ଶିବସେନା ଓ କଂଗ୍ରେସ ନିଜ ନିଜ ବିଧାୟକଙ୍କୁ ନିର୍ଦ୍ଦିଷ୍ଟ ସ୍ଥାନରେ  ରଖିଛନ୍ତି । ତେବେ ମୁମ୍ବାଇର ଦ ରିଟ୍ରିଟ୍ ହୋଟେଲରେ ଅଛନ୍ତି ଶିବସେନାର ନବ ନିର୍ବାଚିତ  ବିଧାୟକ । ଆଜି ସେଠାରେ ଦଳୀୟ ବିଧାୟକଙ୍କ ସହ ଆଲୋଚନା କରିଛନ୍ତି ଉଦ୍ଧବ । ଦଳର  ପରବର୍ତ୍ତୀ କ'ଣ ରହିବ, ଏହା ଉପରେ ବିଧାୟକଙ୍କ କ'ଣ ରହିଛି ମତାମତ, ସେନେଇ ଉଦ୍ଧବ  ଆଲୋଚନା କରିଥିବା ଜଣାପଡିଛି ।  

ଏପଟେ ରାଜ୍ୟପାଳଙ୍କ ଠାରୁ ଆମନ୍ତ୍ରଣ ପାଇବା ପରେ ଆଜି ବିଜେପିର କୋର କମିଟି ବୈଠକ  ବସିଛି । ଦଳ ସରକାର ଗଢିବ ନା ନାହିଁ, ସେନେଇ ବିଚାର ବିମର୍ଶ ଚାଲିଛି । ବର୍ତ୍ତମାନର ସ୍ଥିତି  କହୁଛି, ବିଜେପି ଏକାକୀ ସରକାର ଗଠନ କରିବା ପାଇଁ ଅକ୍ଷମ । ଶିବସେନା ଜିଦରୁ ଓହରିବ ନାହିଁ  କି ଏନସିପି ଭାରତୀୟ ଜନତା ପାର୍ଟିକୁ ସମର୍ଥନ ଦେବନି, ଏକଥା ରାଜ୍ୟ ନେତୃତ୍ୱ ଭଲ ଭାବରେ  ବୁଝିଛନ୍ତି । 

ଏହି ଘଟଣା କ୍ରମ ମଧ୍ୟରେ ଶିବସେନା ଓ ଏନସିପି ମଧ୍ୟରେ କୋଳାକୋଳି ହେବାର ସମ୍ଭାବନା  ଦେଖାଦେଇଛି । ଏପରିକି ବିଚାରଗତ ଦୃଷ୍ଟିରୁ ସମ୍ପୁର୍ଣ୍ଣ ଭାବରେ ଭିନ୍ନ ଥିବା କଂଗ୍ରେସ ମଧ୍ୟ ଆଜି  ଶିବସେନାକୁ ବାସୁଛି । ଏନେଇ ଦଳର ମୁଖପତ୍ର 'ସାମନା'ରେ ମଧ୍ୟ କଂଗ୍ରେସର ଭୁରିଭୁରି ପ୍ରଶଂସା  କରାଯାଇଛି । ଏପରିକି ମହାରାଷ୍ଟ୍ର ପାଇଁ କଂଗ୍ରେସ କେବେବି ଶତ୍ରୁ ନୁହେଁ ବୋଲି କହିବାକୁ  ପଛାଇନାହିଁ ଶିବସେନା । 

ଅନ୍ୟପଟେ ବିଜେପି-ଶିବସେନା ପୁଣିଥରେ ମିଶିବା ନେଇ ଯାହା ଆଶା କରାଯାଉଥିଲା, ସେଥିରେ  ପୁନଚ୍ଛେଦ ପଡିଛି । କେବଳ ଉଦ୍ଧବ ଠାକରେ ଏବଂ ଦେବେନ୍ଦ୍ର ଫଡନାଭିସ ମୁହାଁମୁହିଁ ନୁହେଁ,  ଆହୁରି ମଧ୍ୟ ପରସ୍ପର ବିରୋଧରେ ବିଶୋଦଗାର କରିଛନ୍ତି ।