ଘରେ ଭୁଲରେ ବି ବ୍ୟବହାର କରନ୍ତୁ ନାହିଁ ଏହି ସବୁ ଜିନିଷ...

ସ୍ୱାଗତ ରଞ୍ଜନ ପ୍ରଧାନ, ଭୁବନେଶ୍ୱର - ଅନେକ ସମୟରେ ଆପଣ ଆପଣଙ୍କ ଘରେ ଏଭଳି କିଛି ଜିନିଷର ବ୍ୟବହାର କରିଥାନ୍ତି, ଯାହାକି ପରବର୍ତ୍ତୀ ସମୟରେ ଆପଣଙ୍କ ପାଇଁ ହାନିକାରକ ହୋଇପାରେ । ଦେଖିବା ପାଇଁ ସେଭଳି ଜିନିଷ ସୁନ୍ଦର ଲାଗୁଥିଲେ ମଧ୍ୟ ବାସ୍ତବରେ ସେଗୁଡିକ କେତେ ହାନିକାରକ ସେ ବିଷୟରେ ଆମର କୌଣସି ଧାରଣା ହିଁ ନଥାଏ ।

ତେବେ ଆସନ୍ତୁ ନଜର ପକାଇବା ଆପଣ ଆପଣଙ୍କ ଘରେ ବ୍ୟବହାର କରୁଥିବା କେଉଁ ଜିନିଷ, ଯାହା ଆପଣଙ୍କୁ ଭବିଷ୍ୟତରେ ବିପଦରେ ପକାଇପାରେ . ସେ ବିଷୟରେ ଏକ ଆଲୋଚନା କରିବା ସହ ସେଗୁଡିକ ଯୋଗୁଁ ହେବାକୁ ଥିବା ବିପଦ ସମ୍ପର୍କରେ ମଧ୍ୟ ଆମେ ଆପଣଙ୍କୁ ଜଣାଇବୁ ।

ପ୍ଲାଷ୍ଟିକ ବୋତଲ :-

ପ୍ଲାଷ୍ଟିକ ବୋତଲ ପ୍ରାୟ ସବୁ ଲୋକଙ୍କ ଘରେ ବହୁଳ ପରିମାଣରେ ବ୍ୟବହାର ହୋଇଥାଏ . ତେବେ ଆପଣ ଜାଣିଛନ୍ତି କି ? ଆପଣ ବ୍ୟବହାର କରୁଥିବା ପ୍ଲାଷ୍ଟିକ ବୋତଲକୁ କେତେ ପ୍ରକାର କେମିକାଲ ଦ୍ୱାରା ପ୍ରସ୍ତୁତ କରାଯାଉଛି ? ଏହାକୁ ପ୍ରସ୍ତୁତ କରିବା ପାଇଁ ବ୍ୟବହାର ହେଉଥିବା ଏକ କେମିକାଲ ହେଉଛି BPA . ଏହା କେତେ ଯେ ଭୟଙ୍କର ଆପଣ ବିଶ୍ୱାସ କରିପାରିବେ ନାହିଁ । ଏଭଳି ସିଙ୍ଗଲ ୟୁଜ ପ୍ଲାଷ୍ଟିକ ଦ୍ୱାରା କ୍ୟାନସର ଭଳି ଭୟାବହ ରୋଗ ମଧ୍ୟ ବ୍ୟାପୁଛି ।

କାର୍ପେଟ :-

ଘରକୁ ସୁନ୍ଦର ରଖିବା ପାଇଁ ଆପଣ ନିଶ୍ଚୟ କାର୍ପେଟର ବ୍ୟବହାର କରୁଥିବେ । ତେବେ କାର୍ପେଟ ବ୍ୟବହାର କରୁଥିଲେ ସାବଧାନ ହୋଇଯାଆନ୍ତୁ . ଆମେରିକାର ଏକ ସଂସ୍ଥା ଦ୍ୱାରା କରାଯାଇଥିବା ଗବେଷଣାରୁ ଜଣାପଡିଛି ଯେ କାର୍ପେଟ ଯୋଗୁଁ ଆପଣଙ୍କୁ ବିଭିନ୍ନ ରୋଗ ହୋଇପାରେ . କାରଣ ହେଉଛି ଏଥିରୁ ସୃଷ୍ଟି ହେଉଥିବା ଏକ ସ୍ୱତନ୍ତ୍ର ପ୍ରକାରର ବ୍ୟାକ୍ଟେରିଆ ଦ୍ୱାରା ବିଭିନ୍ନ ଚର୍ମ ରୋଗ ହେଉଥିବା ଜଣାପଡିଛି । ଆପଣ ମଧ୍ୟ ଯଦି ଆପଣଙ୍କ ଘରେ କାର୍ପେଟର ବ୍ୟବହାର କରୁଛନ୍ତି ତେବେ ଧ୍ୟାନ ରଖନ୍ତୁ, ନିୟମିତ ଭାବେ କାର୍ପେଟକୁ ପରିଷ୍କାର କରିବା ପାଇଁ ଜମା ବି ଭୁଲନ୍ତୁ ନାହିଁ ।

କୋଲିନ :-

ସେହିଭଳି କାଚ ସଫା କରିବା ପାଇଁ ବ୍ୟବହାର ହେଉଥିବା କୋଲିନ ମଧ୍ୟ ଖୁବ ଭୟଙ୍କର ବୋଲି ଅନେକ ଗବେଷଣାରୁ ଜଣାପଡିଛି । ଏହାକୁ ବ୍ୟବହାର କରୁଥିବା ସମୟରେ ସତର୍କତା ଅବଲମ୍ୱନ କରନ୍ତୁ . ନଚେତ ଏହା ମଧ୍ୟରେ ଥିବା କେମିକାଲ ଆପଣଙ୍କ ଶରୀର ସସ୍ପର୍ଶରେ ଆସିପାରେ . ଯାହାକି ବେଶ କ୍ଷତିକାରକ . 

ପରଫ୍ୟୁମ :-

ଦୈନନ୍ଦିନ ଜୀବନରେ ଆପଣ ନିଶ୍ଚୟ ପରଫ୍ୟୁମର ବ୍ୟବହାର କରୁଥିବେ . ହେଲେ କେବେ ଭାବିଛନ୍ତି କି ଏହା ଆପଣଙ୍କ ଶରୀର ପାଇଁ କେତେ କ୍ଷତିକାରକ ହୋଇପାରେ ? ପରଫ୍ୟୁମ ବ୍ୟବହାର ଦ୍ୱାରା ମୁଣ୍ଡ ପ୍ରବଳ ବିନ୍ଧିଥାଏ . ଏହା ସହ ଆମ କିଡନୀ ଉପରେ ମଧ୍ୟ ଏହାର ପ୍ରଭାବ ପଡିପାରେ । ବିଭିନ୍ନ ଚର୍ମ ରୋଗ ହେବା ସହ ସ୍ନାୟୁଗତ ସମସ୍ୟା ମଧ୍ୟ ଉପୁଜିଥାଏ . 

କସମେଟିକ୍ସ ବା ପ୍ରାସାଧନ ସାମଗ୍ରୀ :-

ଆଜିର ମଣିଷ ବଜାରରେ ମିଳୁଥିବା ବିଭିନ୍ନ ନାମୀ ଦାମୀ କମ୍ପାନୀର କସମେଟିକ୍ସ ସାମଗ୍ରୀର ବ୍ୟବହାର କରୁଛନ୍ତି . ହେଲେ ଆପଣ ମାନେ ଜାଣିଛନ୍ତି, ଏହାର ବ୍ୟବହାର କରିବା ଦ୍ୱାରା ଏହାର ସମସ୍ତ କୁପ୍ରଭାବ ଶରୀର ଉପରେ ହିଁ ପଡୁଛି ? ଏହାକୁ ବ୍ୟବହାର କରିବା ଦ୍ୱାରା ବିଭିନ୍ନ ଚର୍ମ ରୋଗ ହେବା ସହ ଭୟଙ୍କର ଚର୍ମ କର୍କଟ ମଧ୍ୟ ହେବାର ଅନେକ ସମ୍ଭାବନା ରହିଥାଏ ।

ତେବେ ଆପଣ ମାନେ ତ ଜାଣିଲେ ଏହି ସବୁ ଛୋଟ ଛୋଟ ଜିନିଷର ବ୍ୟବହାର କରିବା ଦ୍ୱାରା ଆପଣଙ୍କୁ କେତେ ବଡ ବଡ ଭୟଙ୍କର ରୋଗର ସାମ୍ନା କରିବାକୁ ପଡିଥାଏ . ବେଳ ଥାଉ ଥାଉ ଆପଣ ସାବଧାନ ହୋଇଯାଆନ୍ତୁ . କେବଳ ଆପଣ ନୁହେଁ, ପରିବାରର ଅନ୍ୟ ସଦସ୍ୟଙ୍କୁ ମଧ୍ୟ ଏହା ଉପରେ ଅବଗତ କରାନ୍ତୁ . ଏହି ସବୁ ବିଷାକ୍ତ ଜିନିଷ ଠାରୁ ଦୂରେଇ ରଖନ୍ତୁ ।