close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଦୁନିଆର ଚମତ୍କାର ସ୍ଥାନ, ଯେଉଁଠି ହୁଏ ନାହିଁ ରାତି

ଦୁନିଆରେ ଅଛି ଏପରି କିଛି ସ୍ଥାନ ଯେଉଁଠି ସୂର୍ଯ୍ୟ ଅସ୍ତ ହୁଏ ନାହିଁ

ଦୁନିଆର ଚମତ୍କାର ସ୍ଥାନ, ଯେଉଁଠି ହୁଏ ନାହିଁ ରାତି
ସୌଜନ୍ୟ: ସୋସିଆଲ ମିଡିଆ

ଶୁଭଦ୍ରା ବେହେରା, ଭୁବନେଶ୍ୱର: ମଣିଷ ଜୀବନରେ ଏମିତି କିଛି  ଭଲ ଦିନ ଆସେ ଯାହାକୁ ସେ କେବେ ଶେଷ କରିବାକୁ ଚାହେଁ ନାହିଁ । ଚାହେଁ ଏ ଦିନଟି ସେମିତି ହିଁ ରହିଥାଉ ରାତି ନ ହେଉ । କିନ୍ତୁ ଏହା ସମ୍ଭବ ନୁହେଁ । ହେଲେ  ଦୁନିଆରେ କିଛି ଭାଗ୍ୟବାନ ଲୋକ ଅଛନ୍ତି ଯେଉଁ ମାନଙ୍କର ଏହି ଇଚ୍ଛା ପୂରଣ ହୋଇଛି । ଆମେ କହୁଛୁ ଦୁନିଆର ଏମିତି କିଛି ଚମତ୍କାର ଦେଶ ବିଷୟରେ ଯେଉଁଠାରେ ସୂର୍ଯ୍ୟ କେବେ ଅସ୍ତ ହୁଏ ନାହିଁ । ଭାବନ୍ତୁ ସେଠାରେ ଦିନ କେବେ ଶେଷ ହୁଏନା ଆଉ ଆପଣଙ୍କୁ ଜଣା ହିଁ ପଡ଼ିବନି କେତେବେଳେ ଶୋଇବେ ଆଉ କେତେବେଳେ ଉଠିବେ...ଦୁନିଆରେ ଏମିତି କିଛି ସ୍ଥାନ ଅଛି ଯେଉଁଠାରେ ସୂର୍ଯ୍ୟ କେବେ ଅସ୍ତ ହୁଏନାହିଁ  । ବିନା କୌଣସି ବିରତିରେ ଏଠାରେ ଆପଣ ପୁରା ୨୪ ଘଣ୍ଟା ସୂର୍ଯ୍ୟ କିରଣକୁ ଅନୁଭବ କରିପାରିବେ l ତାହେଲେ ଆସନ୍ତୁ ଜାଣିବା ସେହି ସ୍ଥାନ ଗିଡ଼ୁକ ବିଷୟରେ ।

ନରୱେ: ନରୱେ ଦୁନିଆର ସବୁଠୁ ଭଲ ସନ୍ତୁଳିତ ଓ ସାଂସ୍କୃତିକ ରୂପରେ ସମୃଦ୍ଧ ଦେଶ ଅଟେ । ନରୱେକୁ  ଲାଣ୍ଡ ଅଫ୍ ମିଡନାଇଟ୍ ସନ୍  କୁହାଯାଏ । ବର୍ଷର ୭୬ ଦିନ ଏଠାରେ ରାତି ହୁଏନାହିଁ । ଅର୍ଥାତ ୭୬ ଦିନ ସୂର୍ଯ୍ୟ କେବେ ଅସ୍ତ ହୁଏ ନାହିଁ । ମଇ ମାସରୁ ଜୁଲାଇ ଶେଷ ପର୍ଯ୍ୟନ୍ତ ଏଠାରେ କେବଳ ଦିନ ହୁଏ । ଉଜ୍ୱଳ ସୂର୍ଯ୍ୟ କିରଣ ପୂରା ଦେଶକୁ ଦିନର ୨୦ ଘଣ୍ଟା ଯାଏଁ ଘେରି ରହିଥାଏ । ସ୍ୱାଲବାର୍ଡ, ନରୱେ ୟୁରୋପର ଉତ୍ତର ଇଲାକାରେ ଅବସ୍ଥିତ ।  ଅପ୍ରେଲ ୧୦ରୁ ଅଗଷ୍ଟ ୨୩ ପର୍ଯ୍ୟନ୍ତ ଏଠାରେ ରାତି ହୁଏ ନାହିଁ ଅର୍ଥାତ ସୂ୍ଯ୍ୟ ଉଦୀୟମାନ ଅବସ୍ଥାରେ ରହିଥାଏ ।
ଆଇସଲ୍ୟାଣ୍ଡ  ଏହା ଏକ ବହୁତ ସୁନ୍ଦର ଦେଶ । ଏହାର ମନୋରମ ପରିବେଶ ଲୋକଙ୍କୁ ବେଶ ଆକର୍ଷିତ କରେ । ଗ୍ରେଟ୍ ବ୍ରିଟେନ ପରେ ଏହା  ୟୁରୋପର ସବୁଠୁ ବଡ଼ ଆଇସଲାଣ୍ଡ । ଏଠାରେ ଜୁଲାଇରୁ ମଇ ୧୦ ପର୍ଯ୍ୟନ୍ତ ସୂର୍ଯ୍ୟ ଅସ୍ତ ହୁଏ ନାହିଁ । ସୂର୍ଯ୍ୟ ସବୁବେଳେ ଦିଗବଳୟ ଉପରେ ରୁହେ ।
କାନାଡ଼ା ଏହା ବିଶ୍ୱର ୨ୟ ବୃହତ୍ତ ଦେଶ ।  କାନାଡାର କିଛି ଅଂଶ ବର୍ଷ ତମାମ ବରଫାବୃତ ହୋଇରହିଥାଏ । ଇନୁବିକ ଓ ଉତ୍ତର ପଶ୍ଚିମ କ୍ଷେତ୍ରରେ ୫୦ ଦିନ ପର୍ଯ୍ୟନ୍ତ ସୂର୍ଯ୍ୟ ଅସ୍ତ ହୁଏ ନାହିଁ ଅର୍ଥାତ ରାତି ହୁଏ ନାହିଁ । 

ଆଲାସ୍କା: ମଇ ଶେଷରୁ ଜୁଲାଇ ଶେଷ ପର୍ଯ୍ୟନ୍ତ ଏଠାରେ ମଧ୍ୟ ସୂର୍ଯ୍ୟ ଅସ୍ତ ହୁଏ ନାହିଁ । 

ସ୍ୱିଡେନ: ଅନ୍ୟ ଦେଶ ତୁଳନାରେ ଏଠାରେ ବହୁତ ଗରମ ଅନୁଭୂତ ହୋଇଥାଏ ।  ମଇର ଆରମ୍ଭ ଏବଂ ଅଗଷ୍ଟର ଶେଷ ଯାଏଁ  ୪ଟା ୩୦ର  ସକାଳ ଆରମ୍ଭ ହୋଇ ଅଧ ରାତିରେ ସୂର୍ଯ୍ୟ ଅସ୍ତ ହୋଇଥାଏ  ।

ଫିନଲାଣ୍ଡ: ଏଠାରେ ଅନେକ ସଂଖ୍ୟାରେ  ହ୍ରଦ ଏବଂ ଆଇସଲାଣ୍ଡ ରହିଛି । ଏଠାରେ ୭୩ ଦିନ ସୂର୍ଯ୍ୟ ଅସ୍ତ ହୁଏନାହିଁ ।

ସତରେ ପ୍ରକୃତି  ସୌନ୍ଦର୍ଯ୍ୟର ଗନ୍ତାଘର । ଏହି ସୌନ୍ଦର୍ଯ୍ୟକୁ ନା ନିୟନ୍ତ୍ରିତ କରିହୁଏ ନା ନଷ୍ଟ କରିହୁଏ । ଏହି ଦେଶରେ ରହୁଥିବା ଲୋକମାନେ ନିରନ୍ତର ସୂର୍ଯ୍ୟ କିରଣକୁ ଉପଭୋଗ କରିଥାନ୍ତି । ଖାସ୍ ଏଥିପାଇଁ ଏହି ସବୁ ଦେଶରେ ପର୍ଯ୍ୟଟକଙ୍କ ବେଶ ଭିଡ଼ ପରିଲକ୍ଷିତ ହୋଇଥାଏ ।