• ବାହାଘର ପୂର୍ବରୁ ବର ଉପରକୁ ଗୁଳିମାଡ଼। ଖଲିକୋଟ ଅଞ୍ଚଳର ଘଟଣା॥
  • ବିଜେପି ସାଂସଦ ତଥା ଅଭିନେତା ସନି ଦେଓଲଙ୍କୁ କୋରୋନା।ସୂଚନା ଦେଲେ ହିମାଚଳ ପ୍ରଦେଶ ସ୍ୱାସ୍ଥ୍ୟ ସଚିବ ॥
  • ବଲାଙ୍ଗିର ପାଟଣାଗଡ଼ ତମିଆଁ ପୋଲ ଭୁଶୁଡ଼ିବା ଘଟଣା, କଟକ ଭିଜିଲାନ୍ସ ଟେକ୍ନିକାଲ୍ ଟିମ୍‌ର ତଦନ୍ତ ଆରମ୍ଭ
  • IndvsAUS: ତୃତୀୟ ଦିନିକିଆରେ ଭାରତର ବିଜୟ ଜାରି, ଟସ ଜିତି ବ୍ୟାଟିଂ ନିଷ୍ପତ୍ତି
  • ଦେଶରେ ବିଗତ ୨୪ ଘଣ୍ଟା ମଧ୍ୟରେ ୩୬,୬୦୪ ନୂଆ ଆକ୍ରାନ୍ତି ଚିହ୍ନଟ। ୫୦୧ ଜଣଙ୍କ ମୃତ୍ୟୁ ॥
  • ଦେଶରେ ମୋଟ ଆକ୍ରାନ୍ତଙ୍କ ସଂଖ୍ୟା ୯୪,୯୯,୪୧୪ ଛୁଇଁଲା॥

ଆଜିଠୁ ବିସିସିଆଇର ଅଧ୍ୟକ୍ଷ ହେଲେ ସୌରଭ ଗାଙ୍ଗୁଲି

ଆଜିଠୁ ଆରମ୍ଭ ହୋଇଛି ଦାଦାଙ୍କ ଯୁଗ । ବିସିସିଆଇର ୩୯ତମ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିଛନ୍ତି ଭାରତୀୟ କ୍ରିକେଟ ଦଳର ଏହି ପୂର୍ବତନ ଅଧିନାୟକ ।

ଆଜିଠୁ ବିସିସିଆଇର ଅଧ୍ୟକ୍ଷ ହେଲେ ସୌରଭ ଗାଙ୍ଗୁଲି
ବିସିସିଆଇ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରୁଛନ୍ତି 'ଦାଦା'

ନୂଆଦିଲ୍ଲୀ: ଭାରତୀୟ କ୍ରିକେଟ କଣ୍ଟ୍ରୋଲ ବୋର୍ଡ(ବିସିସିଆଇ)ର ବସ୍ ହେଲେ ସୌରଭ ଗାଙ୍ଗୁଲି । ବିସିସିଆଇର ୩୯ତମ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିଛନ୍ତି ଭାରତୀୟ କ୍ରିକେଟ ଦଳର ଏହି ପୂର୍ବତନ ଅଧିନାୟକ । ଆଜିଠୁ ଆରମ୍ଭ ହୋଇଛି ଦାଦାଙ୍କ ଯୁଗ । ଆଉ ଏହା ପରେ ସୌରଭ ଗାଙ୍ଗୁଲିଙ୍କ ଫ୍ୟାନ୍ସଙ୍କ ଭିତରେ ଖୁସିର ଲହରୀ ଖେଳିଯାଇଛି ।

ଆଜି ସୌରଭ ଦାୟିତ୍ୱ ନେବା ପରେ ବିସିସିଆଇରେ ନୂଆ ଯୁଗର ଆରମ୍ଭ ହୋଇଛି । ଏହାସହ ସୁପ୍ରିମକୋର୍ଟଙ୍କ ଦ୍ୱାରା ନିଯୁକ୍ତ ପ୍ରଶାସନିକ କମିଟି (ସିଓଏ)ର ୩୩ମାସ ଧରି ଚାଲିଥିବା ଶାସନରେ ପୁନଚ୍ଛେଦ ପଡିଛି । ସର୍ବସମ୍ମତି କ୍ରମେ ଗୃହୀତ ହୋଇଛି ଗାଙ୍ଗୁଲିଙ୍କ ନାମାଙ୍କନ । 

ଗୁରୁତ୍ୱପୂର୍ଣ୍ଣ କଥା ହେଉଛି, ଦାଦାଙ୍କ ଯୁଗ ମାତ୍ର ୯ ମାସ ପର୍ଯ୍ୟନ୍ତ ଚାଲିବ । ଭାରତୀୟ କ୍ରିକେଟଙ୍କୁ ଯେଉଁ ଢଙ୍ଗରେ ସୌରଭ ଦେଖିବାକୁ ଚାହାନ୍ତି, ତାହା ମାତ୍ର ୯ ମାସର ସମୟ ସୀମା ମଧ୍ୟରେ ତାଙ୍କୁ କରିବାକୁ ପଡିବ । କାହିଁକିନା ନୂଆ ସମ୍ବିଧାନ ବ୍ୟବସ୍ଥା ଅନୁଯାୟୀ ୬ବର୍ଷର କାର୍ଯ୍ୟକାଳ ପରେ କୁଲିଙ୍ଗ୍ ଅଫ୍ ପିରିୟଡ ବାଧ୍ୟତାମୂଳକ ଭାବେ ଲାଗୁ ହେବ । 

ତେବେ ଗାଙ୍ଗୁଲି ବିସିସିଆଇରେ ବେଙ୍ଗଲ୍ କ୍ରିକେଟ୍ ଆସୋସିଏସନ୍ (ସିଏବି)ର ସମ୍ପାଦକ ଏବଂ ପରେ ଅଧ୍ୟକ୍ଷ ଭାବେ ଦାୟୁତ୍ୱ ତୁଲାଇ ସାରିଛନ୍ତି । ତେଣୁ ଏଥିରୁ ପାଇଥିବା ଅଭିଜ୍ଞତାକୁ କାମରେ ଲଗାଇ ପାରିବେ ସେ । ଏହାସହ ଭାରତୀୟ କ୍ରିକେଟକୁ ଏକ ଉଚ୍ଚ ସ୍ତରକୁ ନେବେ ବୋଲି ସମସ୍ତେ ଆଶା ରଖିଛନ୍ତି । ମୁମ୍ବାଇରେ ଦାଦା ଭାବରେ ପରିଚିତ ସୌରଭ ଗାଙ୍ଗୁଲି ଆଜି ଦାୟୁତ୍ୱ ଗ୍ରହଣ କରିବା ପରେ କ୍ରୀଡାପ୍ରେମୀଙ୍କ ଭିତରେ ରହିଛି ଭରପୁର ଉତ୍ସାହ । 

ଗାଙ୍ଗୁଲିଙ୍କ ପ୍ରତି କ୍ରୀଡାପ୍ରେମୀଙ୍କ ଭଲପାଇବା କେତେ, ତାହା ଆଜି ସୋସିଆଲ ମିଡିଆ କହୁଛି । ଯେଉଁଠି ଦେଖିଲେ ଦାଦା ହିଁ ଦାଦା । ଟ୍ୱିଟରରେ ଟ୍ରେଣ୍ଡ କରୁଛି କଂଗ୍ରାଜୁଲେସନ ଦାଦା । ଆହୁରି ମଧ୍ୟ ଫେସବୁକ,ହ୍ୱାଟ୍ସଆଫରେ ବି ଦାଦାଙ୍କୁ ନେଇ ଚର୍ଚ୍ଚା ସରଗରମ । ଆଗକୁ ଦାଦା କଣସବୁ ପଦକ୍ଷେପ ନେବେ, ତା ଉପରେ ସମସ୍ତଙ୍କ ନଜର ରହିଛି ।