close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

ଶୀତକାଳୀନ ଅଧିବେଶନ ପୂର୍ବରୁ ସମସ୍ତ ସ୍ଥାୟୀ କମିଟିର ଅଧ୍ୟକ୍ଷଙ୍କ ସହ ବାଚସ୍ପତିଙ୍କ ଆଲୋଚନା

ବିଧାନସଭାର ଶୀତକାଳୀନ ଅଧିବେଶନ ପୂର୍ବରୁ ସମସ୍ତ ସ୍ଥାୟୀ କମିଟିର ଅଧ୍ୟକ୍ଷଙ୍କ ସହ ଆଲୋଚନା କରିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର

ଶୀତକାଳୀନ ଅଧିବେଶନ ପୂର୍ବରୁ ସମସ୍ତ ସ୍ଥାୟୀ କମିଟିର ଅଧ୍ୟକ୍ଷଙ୍କ ସହ ବାଚସ୍ପତିଙ୍କ ଆଲୋଚନା
file photo

ଯଯାତି ମହାନ୍ତି, ଭୁବନେଶ୍ୱର: ବିଧାନସଭାର ଶୀତକାଳୀନ ଅଧିବେଶନ ପୂର୍ବରୁ ସମସ୍ତ ସ୍ଥାୟୀ କମିଟିର ଅଧ୍ୟକ୍ଷଙ୍କ ସହ ଆଲୋଚନା କରିଛନ୍ତି ବାଚସ୍ପତି ସୂର୍ଯ୍ୟ ନାରାୟଣ ପାତ୍ର । ବିଭିନ୍ନ ବିଭାଗରେ ସଂସ୍କାର ପାଇଁ ଗଠିତ ସ୍ଥାୟୀ କମିଟିରେ ସରକାରୀ ଅଧିକାରୀଙ୍କ ବଦଳରେ ବିଶେଷଜ୍ଞଙ୍କୁ ନିଆଯିବାକୁ ନିଷ୍ପତି ହୋଇଛି । ବିଶେଷଜ୍ଞଙ୍କ ମତାମତକୁ ଗୁରୁତ୍ୱ ଦିଆଯାଇ ସ୍ଥାୟୀ କମିଟି ବିଧାନସଭାକୁ ସୁପାରିଶ କରିବେ । ତେବେ କେଉଁ ବିଭାଗରେ କାହାକୁ ବିଶେଷଜ୍ଞ ଭାବେ ନିଆଯିବ ତାର ତାଲିକା ପ୍ରସ୍ତୁତ ପରେ ଏ ବାବଦରେ ବାଚସ୍ପତି ଚୂଡ଼ାନ୍ତ ନିଷ୍ପତି ନେବେ । ସେହିପରି ଓଡ଼ିଶା ବିଧାନସଭାରେ ଇ-ବିଧାନସଭା କାର୍ଯ୍ୟକାରୀ ହୋଇଛି । ଏଣିକି ସମସ୍ତ ପ୍ରଶ୍ନ ଓ ଉତ୍ତର ଅନଲାଇନ୍ ଜରିଆରେ ଇ-ବିଧାନସଭା ପୋର୍ଟାଲରେ ଉପଲବ୍ଧ ହେବ । ସେହିପରି ବିଭିନ୍ନ ସ୍ଥାୟୀ କମିଟିର ସୁପାରିଶ, ରିପୋର୍ଟ ମଧ୍ୟ ଇ-ବିଧାନସଭା ପୋର୍ଟାଲରେ ଉପଲବ୍ଧ ହେବ । ସ୍ଥାୟୀ କମିଟିର ସୁପାରିଶକୁ ବିଭାଗୀୟ ଅଧିକାରୀମାନେ ଗୁରୁତ୍ୱ ଦେଉନଥିବାରୁ ବୈଠକରେ ଏ ନେଇ ଉଦବେଗ ପ୍ରକାଶ ପାଇଛି । ତେବେ ସ୍ଥାୟୀ କମିଟିର ରିପୋର୍ଟକୁ ଗୁରୁତର ସହ ନେବାକୁ ସବୁ ବିଭାଗକୁ ନିର୍ଦ୍ଦେଶ ଦିଆଯିବ ବୋଲି ବାଚସ୍ପତି କହିଛନ୍ତି ।