• ଆଜି ରାଜ୍ୟରେ ହେବନି କୋରୋନା ଟିକାକରଣ
  • ରାଜ୍ୟର ୮୫% କୋଭିଡ ଯୋଦ୍ଧା ନେଲେ କୋରୋନା ଟିକା
  • ଚିଲିକା, ଗହୀରମଥା ଓ ଭିତରକନିକାରେ ଆଜିଠାରୁ ଡଲଫିନ ଗଣନା
  • ଭୁବନେଶ୍ୱରସ୍ଥିତ ୫ଟି ସ୍କୁଲ ବୁଲିଲେ 5T ସଚିବ ଭି.କେ.ପାଣ୍ଡିଆନ
  • ସୁନ୍ଦରଗଡ଼ ବାହିୟାମ ଗାଁରେ ମାଆର ତଣ୍ଟି କାଟିଲା ପୁଅ
  • ବିଶ୍ବରେ କୋରୋନା ମୃତ୍ୟୁ ସଂଖ୍ୟା ୨୦.୨୯ ଲକ୍ଷକୁ ବୃଦ୍ଧି
  • ଜାମ୍ମୁ ଓ କାଶ୍ମୀରର କାଟ୍ରାରେ ୪.୧ ତୀବ୍ରତାର ଭୂମିକମ୍ପ ଅନୁଭୂତ
  • ଆସନ୍ତାକାଲି ଖୋଲିବ ଘଟଗାଁ ତାରିଣୀ ମନ୍ଦିର
  • ସମ୍ବଲପୁରରେ ନକଲି ସର୍ଫ କାରଖାନା ଠାବ
  • ମନବଦଳାଇଲା ହ୍ୱାଟସଆପ୍, ମେ' ୧୫ ପର୍ଯ୍ୟନ୍ତ ପ୍ରାଇଭେସି ପଲିସିରେ ଲାଗିଲା ରୋକ୍

ପରବର୍ତ୍ତୀ ରାୟ ଆସିବା ଯାଏ ସାବରୀମାଳା ମନ୍ଦିର ଯାଇପାରିବେ ମହିଳା

ସାବଳୀମାଳା ମନ୍ଦିରକୁ ମହିଳାଙ୍କ ପ୍ରବେଶ ନେଇ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ୫ ନୁହେଁ, ୭ ଜଣିଆ ସାମ୍ବିଧାନିକ ଖଣ୍ଡପୀଠ ଏହି ମାମଲାର ଶୁଣାଣି କରିବେ । ତେବେ ପରବର୍ତ୍ତୀ ଶୁଣାଣି ଯାଏ ପୂର୍ବାବସ୍ଥା ଜାରି ରହିବ । ଅର୍ଥାତ ମହିଳାଙ୍କ ପ୍ରବେଶ ନେଇ ପୂର୍ବରୁ ଦେଇଥିବା ରାୟ କାଏମ ରହିବ । ଏଭଳି ନିଷ୍ପତ୍ତି ନେଇଛନ୍ତି ଦେଶର ସର୍ବୋଚ୍ଚ ନ୍ୟାୟାଳୟ । 

 ପରବର୍ତ୍ତୀ ରାୟ ଆସିବା ଯାଏ ସାବରୀମାଳା ମନ୍ଦିର ଯାଇପାରିବେ ମହିଳା
ଫାଇଲ ଫଟୋ

ନୂଆଦିଲ୍ଲୀ: ସାବଳୀମାଳା ମନ୍ଦିରକୁ ମହିଳାଙ୍କ ପ୍ରବେଶ ନେଇ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ୫ ନୁହେଁ, ୭ ଜଣିଆ ସାମ୍ବିଧାନିକ ଖଣ୍ଡପୀଠ ଏହି ମାମଲାର ଶୁଣାଣି କରିବେ । ତେବେ ପରବର୍ତ୍ତୀ ଶୁଣାଣି ଯାଏ ପୂର୍ବାବସ୍ଥା ଜାରି ରହିବ । ଅର୍ଥାତ ମହିଳାଙ୍କ ପ୍ରବେଶ ନେଇ ପୂର୍ବରୁ ଦେଇଥିବା ରାୟ କାଏମ ରହିବ । ଏଭଳି ନିଷ୍ପତ୍ତି ନେଇଛନ୍ତି ଦେଶର ସର୍ବୋଚ୍ଚ ନ୍ୟାୟାଳୟ । 

ଆଜି ପ୍ରଧାନ ବିଚାରବତି ରଞ୍ଜନ ଗୋଗୋଇଙ୍କ ଅଧ୍ୟକ୍ଷତାରେ ୫ ଜଣିଆ ଖଣ୍ଡପୀଠ ଏହି ମାମଲାର ରାୟ ପ୍ରକାଶ କରିଛନ୍ତି । ପ୍ରଧାନ ବିଚାରପତି କହିଥିଲେ, ମହିଳାଙ୍କୁ ମଧ୍ୟ ସମସ୍ତ ଧର୍ମ କାର୍ଯ୍ୟ କରିବାର ଅଧିକାର ରହିଛି । ଏହା କେବଳ ମନ୍ଦିର କାହିଁକି, ମସଜିଦ ଏବଂ ଗ୍ୟାରୀରେ ପାର୍ସୀ ମହିଳାଙ୍କ ପ୍ରବେଶ ଉପରେ ମଧ୍ୟ ପ୍ରଭାବ ପକାଇବ । ତେବେ ଏହି ମାମଲା ୭ ଜଣିଆ ଖଣ୍ଡପୀଠଙ୍କ ପାଖକୁ ସ୍ଥାନାନ୍ତର କରାଯିବ ବୋଲି କୋର୍ଟ ସ୍ପଷ୍ଟ କରିଛନ୍ତି । ୩:୨ ମତରେ ଏହି ନିଷ୍ପତ୍ତି ନିଆଯାଇଛି । 

କେରଳରେ ଥିବା ଭଗବାନ ଆୟପ୍ପାଙ୍କ ସାବରୀମାଳା ମନ୍ଦିରକୁ ୧୦ ରୁ ୫୦ ବର୍ଷର ମହିଳାଙ୍କ ପ୍ରବେଶ ଉପରେ କଟକଣା ଲାଗିଥିଲା । ହେଲେ ଗତବର୍ଷ ସେପ୍ଟେମ୍ବର ୨୮ରେ ଏହି କଟକଣାକୁ ହଟାଇ ଦେଇଥିଲେ ସୁପ୍ରିମକୋର୍ଟର ତତ୍କାଳୀନ ପ୍ରଧାନ ବିଚାରପତି ଦୀପକ ମିଶ୍ର । ଏହା ବିପକ୍ଷରେ ବହୁ ରିଭ୍ୟୁ ପିଟିସନ ଦାଖଲ ହୋଇଥିଲା । ଗତ ଫେବୃଆରୀ ମାସରେ ଏହାର ଶୁଣାଣି କରି ରାୟ ସଂରକ୍ଷିତ ରଖିଥିଲେ ଦେଶର ସର୍ବୋଚ୍ଚ ନ୍ୟାୟାଳୟ । 

ସାବରୀମାଳା ମନ୍ଦିର ବିବାଦ କ'ଣ ?

କେରଳର ପ୍ରସିଦ୍ଧ ସାବରୀମାଳା ମନ୍ଦିରରେ ମହିଳାଙ୍କ ପ୍ରବେଶ ଉପରେ ବିବାଦ ବହୁ ସମୟ ଧରି ଚାଲୁଛି । ଗତ ବର୍ଷ ଏହା ଉପରେ କୋର୍ଟ ରାୟ ପ୍ରଦାନ କରି ମହିଳାଙ୍କୁ ମନ୍ଦିର ଭିତରକୁ ପ୍ରବେଶ ଉପରେ ଥିବା ପ୍ରତିବନ୍ଧକ ହଟାଇ ଦେଇଥିଲେ । କୋର୍ଟର ଏହି ରାୟ ପରେ ଜୋରଦାର ପ୍ରଦର୍ଶନ ମଧ୍ୟ ହୋଇଥିଲା । ସାବରୀମାଳା ଉପରେ ପୁନର୍ବିଚାର ଯାଚିକାରେ ସର୍ବମୋଟ ୬୪ଟି ମାମଲା ଥିଲା ।