ପଶ୍ଚିମବଙ୍ଗରେ ଖୋଲା ରହିବ ମିଠା ଦୋକାନ

ଦିନକୁ ୮ ଘଣ୍ଟା ଖୋଲିବ ମିଠା ଦୋକାନ...

କୋଲକାତା: ଦେଶରେ କୋରୋନା ସଂକଟ ଜାରି ରହିଥିବା ବେଳେ ସମଗ୍ର ଦେଶ ବର୍ତ୍ତମାନ ଲକଡାଉନ ସ୍ଥିତିରେ। ଏଭଳି ପରିସ୍ଥିତିରେ ପଶ୍ଚିମବଙ୍ଗରେ ଦୈନିକ ମିଠା ଦୋକାନ ଖୋଲିବାକୁ ଅନୁମତି ପ୍ରଦାନ କରିଛନ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀ। ଦୈନିକ ୮ ଘଣ୍ଟା ଏହି ମିଠା ଦୋକାନ ଖୋଲା ରଖିବାକୁ ଅନୁମତି ପ୍ରଦାନ କରିଛନ୍ତି ଦିଦି।  

ଦିଦି କହିଛନ୍ତି ଯେ, ଏହି ମିଠା ଦୋକାନ ସମଗ୍ର ରାଜ୍ୟରେ ଦୈନିକ ୮ ଘଣ୍ଟା ଖୋଲିବାକୁ ଅନୁମତି ପ୍ରଦାନ କରାଯାଉଛି। ଧାର୍ଯ୍ୟ ସମୟ ମଧ୍ୟରେ ମିଠା ଦୋକାନୀ ଦୋକାନ ଖୋଲିପାରିବେ। ଏଥିପାଇଁ ସକାଳ ୮ ଟାରୁ ସନ୍ଧ୍ୟା ୪ଟା ପର୍ଯ୍ୟନ୍ତ ସେମାନେ ଦୋକାନ ଖୋଲି ବ୍ୟବସାୟ କରିପାରିବେ ବୋଲି ଦିଦି କହିଛନ୍ତି।  

ତେବେ ପୂର୍ବରୁ ରାଜ୍ୟ ସରକାର ଏହି ମିଠା ଦୋକାନୀମାନଙ୍କୁ ଦିନ ୧୨ଟାରୁ ସନ୍ଧ୍ୟା ୪ ପର୍ଯ୍ୟନ୍ତ, ମାତ୍ର ୪ ଘଣ୍ଟା ଖୋଲିବାକୁ ଅନୁମତି ପ୍ରଦାନ କରିଥିଲେ। ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅନୁଯାୟୀ ବର୍ତ୍ତମାନ ସୁଦ୍ଧା ୨୩୧ଟି ମାମଲା ରାଜ୍ୟରେ ରହିଛି। ସେଥିମଧ୍ୟରୁ ୧୭୯ ଜଣ ଚିକିତ୍ସାଧିନ ରହିଥିବା ବେଳେ ୪୨ ଜଣ ସୁସ୍ଥ ହୋଇ ଘରକୁ ଫେରିଛନ୍ତି। ୧୦ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି।  

Add Zee News as a Preferred Source