ପୁଅର ବିବାହ ପାଇଁ ସାନ ଭାଇକୁ ନିମନ୍ତ୍ରଣ ଦେଲେ ଲାଲୁ ଯାଦବ

ପାଟନା: ବିହାର ବିଧାନସଭାରେ ବିରୋଧି ଦଳ ନେତା ତେଜସ୍ୱୀ ଯାଦବଙ୍କ ବିବାହଙ୍କ ବିବାହ ଉପରୁ ଧିରେ ଧିରେ ପର୍ଦ୍ଦା ହଟିବାରେ ଲାଗିଛି। ଏହା ପୂର୍ବରୁ ତେଜସ୍ୱୀ ଯାଦବ ଗୁରୁବାର ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି ବୋଲି ଆଲୋଚନା ହୋଇଥିଲା, କିନ୍ତୁ ବର୍ତ୍ତମାନ ଏହା ମଧ୍ୟ ସ୍ପଷ୍ଟ ହୋଇଛି ଆଜି ତାଙ୍କ ବିବାହ ଅନୁଷ୍ଠିତ ହେବ। ଏନେଇ ତେଜସ୍ୱୀଙ୍କ ପିତା ଲାଲୁ ପ୍ରସାଦ ଯାଦବଙ୍କ ସାନଭାଇ ସୁଖଦେବ ରାୟ ଏହା ପ୍ରକାଶ କରିଛନ୍ତି। ଦିଲ୍ଲୀର ସାଇନିକ୍ ଫାର୍ମ ହାଉସରେ ଅବସ୍ଥିତ ମିସା ଭାରତୀଙ୍କ ବାସଭବନରେ ତେଜସ୍ୱୀ ଯାଦବଙ୍କ ବିବାହ ଅନୁଷ୍ଠିତ ହେବ।

ଯଦିଓ ବିବାହ ଉତ୍ସବ ଗୁପ୍ତରେ କରାଯାଉଛି ହେଲେ ବର୍ତ୍ତମାନ ସେମାନଙ୍କ ସମାରୋହର ବିବରଣୀ ମଧ୍ୟ ସାମ୍ନାକୁ ଆସିଛି | ଲାଲୁ ପ୍ରସାଦ ଯାଦବଙ୍କ ସାନଭାଇ ସୁଖଦେବ ରାୟ କହିଛନ୍ତି ଯେ ରାତି ୧୨ଟା ସମୟରେ ଲାଲୁ ଯାଦବ ତାଙ୍କୁ ବିବାହ ପାଇଁ ନିମନ୍ତ୍ରଣ କରିଛନ୍ତି। ବଡ଼ ଭାଇ ତାଙ୍କୁ ଏବଂ ତାଙ୍କ ପରିବାରକୁ ବିବାହ ଉତ୍ସବରେ ଯୋଗଦେବାକୁ କହିଛନ୍ତି।

Also Read: Tejashwi Engagement: ହରିୟାଣାର ଝିଅ ହେବେ ଲାଲୁଙ୍କ ବୋହୂ; ଜାଣନ୍ତୁ କିଏ ଏହି ଯୁବତୀ?

ସୁଖଦେବ ରାୟ କହିଛନ୍ତି ଯେ ତାଙ୍କ ପୁତୁରାର ବିବାହ କରିବା ତାଙ୍କ ପାଇଁ ଖୁସିର ବିଷୟ। ଅସୁସ୍ଥତା ହେତୁ ସେ ନିଜେ ଏବଂ ତାଙ୍କ ପତ୍ନୀ ଏହି ବିବାହ ଉତ୍ସବରେ ଯୋଗ ଦେଇ ପାରିବେ ନାହିଁ, କିନ୍ତୁ ତାଙ୍କ ପୁଅ, ଝିଅ ଏବଂ ବୋହୂ ଏହି ବିବାହ ଉତ୍ସବରେ ଯୋଗଦେବାକୁ ଦିଲ୍ଲୀ ଯାଇଛନ୍ତି।

ତେଜସ୍ୱୀ ଯାଦବଙ୍କ ବିବାହ ପାଇଁ ତାଙ୍କ ଚାଚା ସୁଖଦେବ ରାୟଙ୍କୁ ମଧ୍ୟ ନିମନ୍ତ୍ରଣ କରାଯାଇଛି। ସୁଖଦେବ ରାୟଙ୍କ ପୁଅ ମନୋଜ ରାୟ କହିଛନ୍ତି ଯେ ସେ ନିମନ୍ତ୍ରଣ ନେବା ପରେ ହିଁ ବିବାହ ଉତ୍ସବରେ ଯୋଗଦେବାକୁ ଯାଉଛନ୍ତି। ତେଜସ୍ୱୀ ଏବଂ ତାଙ୍କ ପତ୍ନୀଙ୍କୁ ବିବାହ ଉପହାର ଦେବା ପ୍ରଶ୍ନରେ ମନୋଜ ରାୟ କହିଛନ୍ତି ଯେ ସେ ତାଙ୍କ ବିବାହରେ ନିଶ୍ଚିତ ଭାବରେ ତାଙ୍କ ଭାଇଙ୍କୁ ଉପହାର ଦେବେ। ମୁଁ ଦିଲ୍ଲୀ ଯାଇ କ’ଣ ଦେବି ତାହା ସ୍ଥିର କରିବି।