'ବିକ୍ରମ'କୁ ଖୋଜି ବାହାର କଲା ନାସା

ମିଳିଲା ବିକ୍ରମର ପତ୍ତା । ଚନ୍ଦ୍ରଯାନ-୨ର ବିକ୍ରମ ଲ୍ୟାଣ୍ଡରକୁ ଖୋଜି ବାହାର କଲା ନାସା । ନିଜ ଟ୍ୱିଟରେ ଏନେଇ ନାସା ସୂଚନା ଦେଇଛି । ଗତ ସେପ୍ଟେମ୍ବର ୭ରେ ଚନ୍ଦ୍ରପୃଷ୍ଠରେ ଓହ୍ଲାଇଥାନ୍ତା ଭାରତର ମହାକାଶ ଯାନ ଚନ୍ଦ୍ରାୟନ-୨ । ମାତ୍ର ସଫଳତାର ଶେଷ ସ୍ପର୍ଶ ପୂର୍ବରୁ ଇସ୍ରୋ ସହ ଯୋଗାଯୋଗ ବିଛିନ୍ନ ହୋଇଯାଇଥିଲା । 

'ବିକ୍ରମ'କୁ ଖୋଜି ବାହାର କଲା ନାସା
ଫଟୋ ସୌଜନ୍ୟ: @NASA

ନୂଆଦିଲ୍ଲୀ: ମିଳିଲା ବିକ୍ରମର ପତ୍ତା । ଚନ୍ଦ୍ରଯାନ-୨ର ବିକ୍ରମ ଲ୍ୟାଣ୍ଡରକୁ ଖୋଜି ବାହାର କଲା ନାସା । ନିଜ ଟ୍ୱିଟରେ ଏନେଇ ନାସା ସୂଚନା ଦେଇଛି । ଗତ ସେପ୍ଟେମ୍ବର ୭ରେ ଚନ୍ଦ୍ରପୃଷ୍ଠରେ ଓହ୍ଲାଇଥାନ୍ତା ଭାରତର ମହାକାଶ ଯାନ ଚନ୍ଦ୍ରାୟନ-୨ । ମାତ୍ର ସଫଳତାର ଶେଷ ସ୍ପର୍ଶ ପୂର୍ବରୁ ଇସ୍ରୋ ସହ ଯୋଗାଯୋଗ ବିଛିନ୍ନ ହୋଇଯାଇଥିଲା । 

ଏବେ ନାସାର ଲୁନାର ରିକନାଇସେନ୍ସ ଅର୍ବିଟର (ଏଲଆଇଓ) ବିକ୍ରମକୁ ଠାବ କରିଛି । ଏହାରି ମାଧ୍ୟମରେ କିଛି ଫଟୋ ଉତ୍ତୋଳନ କରାଯାଇଛି । ବହୁ ସ୍ଥାନରେ ବିକ୍ରମର ଧ୍ୱଂସାବଶେଷ ବିଛାଇ ହୋଇ ପଡିଥିବା ଏଥିରୁ ଜଣାପଡିଛି । ମହାକାଶ ଯାନର ଇମ୍ପାକ୍ଟ ଫିଲ୍ଡ ଏବଂ ଏହାର ପାଖାପାଖି ସ୍ଥାନର ଫଟୋ ଉଠାଇଛି ନାସା । 

ଗତ ଜୁଲାଇରେ ଚନ୍ଦ୍ରପୃଷ୍ଠକୁ ଚନ୍ଦ୍ରଯାନ-୨ ପଠାଇଥିଲା ଭାରତ । ଯଦି ଏହା ସଫ୍ଟଲ୍ୟାଣ୍ଡିଂ କରିଥାନ୍ତା, ତେବେ ଆମେରିକା, ରୁଷ୍ ଏବଂ ଚାଇନା ପରେ ଭାରତ ଚତୁର୍ଥ ଦେଶ ଭାବେ ଏହି ଗୌରବ ହାସଲ କରିଥାନ୍ତା । ମାତ୍ର ଚନ୍ଦ୍ରପୂଷ୍ଠକୁ ଛୁଇବାକୁ ଆଉ ୨।୧ କିଲୋମିଟର ବାକି ଥିବା ବେଳେ ଇସ୍ରୋ ସହ ଯୋଗାଯୋଗ ବିଛିନ୍ନ ହୋଇଯାଇଥିଲା । 

3

ଆହୁରି ପଢନ୍ତୁ; ହାଇଦ୍ରାବାଦ ପରେ ପୁରୀରେ ଲଜ୍ଜା, ଲିପ୍ଟ ଦେବା ବାହାନାରେ ପୋଲିସ ପରିଚୟ ଦେଇ ଗଣଦୁଷ୍କର୍ମ