• ଅଭୟକାନ୍ତ ପାଠକଙ୍କ ଘରେ ପୁଣି ଭିଜିଲାନ୍ସର ଚଢ଼ାଉ
  • ସରକାରୀ ବାସଭବନରେ ସ୍ୱତନ୍ତ୍ର ଟିମ୍ ପକ୍ଷରୁ ରେଡ଼
  • ବାରଣାସୀରେ ଦେବ ଦୀପାବଳି ପାଳିଲେ ପ୍ରଧାନମନ୍ତ୍ରୀ
  • ରାଜ୍ୟରେ ଆଉ ୩୭୮ କରୋନା ଆକ୍ରାନ୍ତ ଚିହ୍ନଟ
  • ରାଜ୍ୟରେ ଆଜି କରୋନା ନେଲା ୫ ଜୀବନ
  • ପରୀ ମୃତ୍ୟୁ ମାମଲାର ଏସଆଇଟି ତଦନ୍ତ ଆରମ୍ଭ
  • ଆଜି ବିଶ୍ୱ ଏଡ୍‌ସ ଦିବସ: ଗଞ୍ଜାମରେ ସର୍ବାଧିକ ୧୬,୫୧୫ ରୋଗୀ
  • କୋଭିଡ କଟକଣା ମଧ୍ୟରେ ଆଜିଠାରୁ କୋଣାର୍କ ମହୋତ୍ସବ
  • ଦେଶରେ ଦିନକରେ ୩୧,୧୧୮ ନୂଆ କୋରୋନା ଆକ୍ରାନ୍ତ ଚିହ୍ନଟ, ୪୮୨ ମୃତ
  • ଆଜିଠୁ ଖୋଲିବ ରାଜ୍ୟର ସମସ୍ତ ମେଡିକାଲ କଲେଜ

କେମିତି ରହିଛି କାଶ୍ମୀର ସ୍ଥିତି, ପରଖିଲେ ୟୁରୋପୀୟ ସାଂସଦ

ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ପ୍ରଥମ ଥର ପାଇଁ ବିଦେଶୀ ପ୍ରତିନିଧି ମଣ୍ଡଳୀ କାଶ୍ମୀର ଗସ୍ତ କରିଛନ୍ତି । ସରକାରଙ୍କ ନିଷ୍ପତ୍ତି ସ୍ଥାନୀୟ ଅଞ୍ଚଳରେ କଣ ପ୍ରଭାବ ପକାଇଛି ଏବଂ ଏନେଇ ଲୋକଙ୍କ ମତାମତ କଣ ରହିଛି, ତାହା ଜାଣିବା ପାଇଁ ପ୍ରୟାସ କରିଛନ୍ତି ଏହି ପ୍ରତିନିଧି ଦଳ । ସେହିପରି କାଶ୍ମୀରରେ ପାକିସ୍ତାନୀ ଆତଙ୍କବାଦୀଙ୍କ ଷଡ଼ଯନ୍ତ୍ର ବିଷୟରେ ବିଦେଶୀ ପ୍ରତିନିଧି ମଣ୍ଡଳୀକୁ ଅବଗତ କରିଛନ୍ତି ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ । 

କେମିତି ରହିଛି କାଶ୍ମୀର ସ୍ଥିତି, ପରଖିଲେ ୟୁରୋପୀୟ ସାଂସଦ
ଫଟୋ ସୌଜନ୍ୟ: ଏଏନଆଇ

ପ୍ରକାଶ ରଞ୍ଜନ ପରିଡା, ନୂଆଦିଲ୍ଲୀ: ଜମ୍ମୁ କାଶ୍ମୀରରୁ ଧାରା ୩୭୦ ଉଚ୍ଛେଦ ପରେ ପ୍ରଥମ ଥର ପାଇଁ ବିଦେଶୀ ପ୍ରତିନିଧି ମଣ୍ଡଳୀ କାଶ୍ମୀର ଗସ୍ତ କରିଛନ୍ତି । ସରକାରଙ୍କ ନିଷ୍ପତ୍ତି ସ୍ଥାନୀୟ ଅଞ୍ଚଳରେ କଣ ପ୍ରଭାବ ପକାଇଛି ଏବଂ ଏନେଇ ଲୋକଙ୍କ ମତାମତ କଣ ରହିଛି, ତାହା ଜାଣିବା ପାଇଁ ପ୍ରୟାସ କରିଛନ୍ତି ଏହି ପ୍ରତିନିଧି ଦଳ । ସେହିପରି କାଶ୍ମୀରରେ ପାକିସ୍ତାନୀ ଆତଙ୍କବାଦୀଙ୍କ ଷଡ଼ଯନ୍ତ୍ର ବିଷୟରେ ବିଦେଶୀ ପ୍ରତିନିଧି ମଣ୍ଡଳୀକୁ ଅବଗତ କରିଛନ୍ତି ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ । 

ପ୍ରତିନିଧି ଦଳ କାଶ୍ମୀରରେ ସ୍ଥିତି ପରଖୁଥିବା ବେଳେ ବିରୋଧୀଙ୍କ ପକ୍ଷରୁ ସରକାରଙ୍କୁ ଟାର୍ଗେଟ କରାଯାଇଛି । କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ, ପ୍ରିୟଙ୍କା ଗାନ୍ଧୀ, ମାୟାବତୀ, ଅସଉଦ୍ଦୀନ ଓୱେସୀ, କପିଲ ସିବଲ ପ୍ରମୁଖ ୟୁରୋପିଆନ ପ୍ରତିନିଧିଙ୍କ ଗସ୍ତ ଉପରେ ପ୍ରଶ୍ନ ଉଠାଇଛନ୍ତି । ଭାରତୀୟ ସାଂସଦଙ୍କୁ କାଶ୍ମୀର ଯିବାକୁ ମିଳୁନି । ହେଲେ ବିଦେଶୀଙ୍କୁ କିପରି ଅନୁମତି ଦିଆଗଲା ବୋଲି ପ୍ରଶ୍ନ କରିଛନ୍ତି ଏମାନେ । 

ଜମ୍ମୁ କାଶ୍ମୀର ସ୍ଥିତି ଏବେ ବି ସ୍ୱାଭାବିକ ହୋଇନି । ହେଲେ ସରକାର ବିଦେଶୀଙ୍କୁ କାଶ୍ମୀରରେ ସବୁକିଛି ଠିକ ଚାଲିଛି ବୋଲି ଦେଖାଇବାକୁ ଚାହୁଁଛନ୍ତି ବୋଲି କହିଛନ୍ତି ପୂର୍ବତନ ମୁଖ୍ୟମନ୍ତ୍ରୀ ମେହେବୁବା ମୁଫତି । ରାଜ୍ୟର ବିକାଶ ଓ କାଶ୍ମୀରକୁ ଆତଙ୍କବାଦୀ କବଳରୁ ମୁକ୍ତ କରିବା ପାଇଁ ଧାରା ୩୭୦ର ଉଚ୍ଛେଦ ନିଷ୍ପତ୍ତି ନିଆଯାଇଥିଲା । ସରକାରଙ୍କ ଏହି ଦାବିକୁ ବିରୋଧୀ ଅସ୍ୱୀକାର କରିଛନ୍ତି ।  

କାଶ୍ମୀରରେ ଆତଙ୍କବାଦର ବିନାଶ ପାଇଁ ଏପରି ପଦକ୍ଷେପ ନିଆଯିବା ସହ ଆଗକୁ ଆତଙ୍କବାଦ ସହ ମୁକାବିଲା କରିବାକୁ ହେଲେ ଆନ୍ତର୍ଜାତିକ ସହଯୋଗ ଜରୁରୀ ବୋଲି ସୋମବାର ପ୍ରଧାନମନ୍ତ୍ରୀ ପ୍ରତିନିଧି ମଣ୍ଡଳୀକୁ କହିଥିଲେ ।  ସାରା ବିଶ୍ୱରେ ଏବେ ଆତଙ୍କବାଦ ମୁଖ୍ୟ ସମସ୍ୟା ସୃଷ୍ଟି କରିଛି । ତେଣୁ ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଜରୁରୀ ବୋଲି ମୋଦି କହିଥିଲେ ।  ଜମ୍ମୁ କାଶ୍ମୀରକୁ ନେଇ ବିଶ୍ୱ ଦରବାରରେ ଭାରତ ବିରୋଧରେ ଅପପ୍ରଚାର କରୁଛି ପାକିସ୍ତାନ । ହେଲେ ଏଥର ପାକିସ୍ତାନର ଅସଲ ଉଦ୍ଦେଶ୍ୟ  ୟୁରୋପୀୟ ପ୍ରତନିଧିଙ୍କୁ ମଧ୍ୟ ଅଛପା ରହିବନାହିଁ । 

କାଶ୍ମୀରରେ ଆତଙ୍କବାଦୀ ଗୋଟିଏ ପରେ ଗୋଟିଏ ଆକ୍ରମଣ ଜାରି ରଖିଥିବାବେଳେ ଅନ୍ତରାଷ୍ଟ୍ରୀୟ ଚାପରୁ ବର୍ତ୍ତିବାକୁ ପାକିସ୍ତାନ ନୂଆ ଷଡ଼ଯନ୍ତ୍ର ରଚିଛି ।  ସୂଚନା ଅନୁସାରେ ଆତଙ୍କବାଦୀ ସଂଗଠନ ଲସ୍କର ଏ ତୋଏବାର ନାମ ପରିବର୍ତ୍ତନ କରି  ଟାର୍ଗେଟ ଲିଷ୍ଟ ଜାରି କରିଛି । ଲସ୍କର ଏ ତୋଏବା ଆତଙ୍କବାଦୀ ସଂଗଠନର ନାମ ପରିବର୍ତ୍ତନ କରି ଅଲ ଇଣ୍ଡିଆ ଲସ୍କର ଏ ତୋଏବା ରଖାଯାଇଛି । ପ୍ରଥମଥର ପାଇଁ  ଆତଙ୍କବାଦୀଙ୍କ ଟାର୍ଗେଟରେ କ୍ରିକେଟର ବିରାଟ୍ କୋହଲି ରହିଛନ୍ତି ।  ଆସନ୍ତା ସପ୍ତାହରେ ଦିଲ୍ଲୀରେ କୋହଲିଙ୍କ ମ୍ୟାଚ୍ ରହିଛି । ଆତଙ୍କବାଦୀଙ୍କ ଟାର୍ଗେଟରେ ଅନେକ ବିଶିଷ୍ଟ ନେତା ରହିଥିବା ଜଣାପଡ଼ିଛି । ହିଟ୍ ଲିଷ୍ଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ରାଷ୍ଟ୍ରପତି ରାମନାଥ କୋବିନ୍ଦ, ଗୃହମନ୍ତ୍ରୀ ଅମିତ ଶାହ,ଜମ୍ମୁ କାଶ୍ମୀରର ପୂର୍ବତନ ରାଜ୍ୟପାଳ ତଥା ବର୍ତ୍ତମାନର ଗୋଆ ରାଜ୍ୟପାଳ ସତ୍ୟପାଲ ମଲ୍ଲିକଙ୍କ ନାମ ରହିଛି ।