ଦିଲ୍ଲୀରେ ୧୧ ଦିନରେ ଦୁଇ ଗୁଣ ହେଉଛି ଆକ୍ରାନ୍ତଙ୍କ ସଂଖ୍ୟା

ନୂଆଦିଲ୍ଲୀ: ଦେଶରେ କୋରୋନା ପ୍ରଭାବ ବିସ୍ତାର କରିଚାଲିଛି । ସମଗ୍ର ଦେଶରେ ଏବେ କୋରୋନା ଆକ୍ରାନ୍ତଙ୍କ ସଂଖ୍ୟା ୫୦ ହଜାରର ନିକଟତର ହେଲାଣି । ସେହିପରି ମୃତ୍ୟ ସଂଖ୍ୟା ୧୬ଶହ ଉପରେ ।  ମହାରାଷ୍ଟ୍ର ଓ ଗୁଜୁରାଟ ପରେ ଦେଶର ରାଜଧାନୀ ଦିଲ୍ଲୀ କୋରୋନା ଯୋଗୁ ବେଶ ପ୍ରଭାବିତ ହୋଇଛି । ରିପୋର୍ଟ କହୁଛି, ଦିଲ୍ଲୀରେ ୧୧ ଦିନରେ ଦୁଇ ଗୁଣ ହେଉଛି ଆକ୍ରାନ୍ତଙ୍କ ସଂଖ୍ୟା । ଯାହା ଦିଲ୍ଲୀ ସରକାରଙ୍କ ପାଇଁ ଚିନ୍ତା ବଢ଼ାଇ ଦେଇଛି । 

ଆକ୍ରାନ୍ତଙ୍କ ବିଷୟରେ ସୂଚନା ଦେବାକୁ ଯାଇ ସ୍ୱାସ୍ଥ୍ୟ ମନ୍ତ୍ରୀ ସତୈନ୍ଦ୍ର ଜୈନ କହିଛନ୍ତି, ଏବେ ଦିଲ୍ଲୀରେ ୫୧୦୪ ମାମଲା ସାମ୍ନାକୁ ଆସିଛି । ଗତ ୨୪ ଘଣ୍ଟା ମଧ୍ୟରେ କେବଳ ୨୦୬ ମାମଲା ସାମ୍ନାକୁ ଆସିଥିବା ସେ କହିଛନ୍ତି । ତେବେ ଆକ୍ରାନ୍ତଙ୍କ ମଧ୍ୟରୁ ୧୪୬୮ ଜଣ ସୁସ୍ଥ ହେଲେଣି । ଏବେ ୧୭ ଜଣ ରୋଗୀ ଭେଣ୍ଟିଲେଟରରେ ଅଛନ୍ତି । 

The total number of positive cases in Delhi stands at 5104, of which 206 cases were reported yesterday. Total 1468 patients have recovered, while 17 are on ventilator. The doubling rate of #COVID19 in Delhi is 11 days now: Delhi Health Minister Satyendra Jain pic.twitter.com/AhDBFl4x8o

— ANI (@ANI) May 6, 2020

ବେ ନଜର ପକାଇବା, ବିଶ୍ୱବ୍ୟାପି କୋରୋନାର ସ୍ଥିତି ଉପରେ । ସମଗ୍ର ବିଶ୍ୱରେ ଏପର୍ଯ୍ୟନ୍ତ ୩୭ ଲକ୍ଷ ୨୭ ହଜାର ୯୩୬ ଜଣ କୋରୋନାରେ ଆକ୍ରାନ୍ତ ହେଲେଣି । ତେବେ ଏମାନଙ୍କ ମଧ୍ୟରୁ ୨ଲକ୍ଷ ୫୮ ହଜାର ୩୪୪ ଜଣଙ୍କ ମୃତ୍ୟୁ ହୋଇଛି । ୧୨ଲକ୍ଷ ୪୨ ହଜାର ୪୩୨ ଜଣ ସୁସ୍ଥ ମଧ୍ୟ ହୋଇଛନ୍ତି । ବିଶ୍ୱରେ ସବୁଠୁ ଅଧିକ ପ୍ରଭାବିତ ହୋଇଛି ଆମେରିକା । ସେପଟେ କୋରୋନାର ଉତ୍ପତି ସ୍ଥଳ ଚୀନ ଏହାକୁ ନିୟନ୍ତ୍ରଣକୁ ନେବାରେ ସଫଳ ହୋଇଛି ।