ନିଶା କାରବାରର ନିଆରା ଟେକନିକ କବଳରେ ଯୁବ ପିଢ଼ି

ରଘୁନାଥ ସାହୁ, ଅନୁଗୋଳ: କୋରୋନା ମହାମାରୀ ପାଇଁ ସାରା ଦେଶ ଲକଡାଉନରେ. କିନ୍ତୁ ଦେଶର ଏହି ସଂକଟ ସମୟରେ ମଦ ବ୍ୟବସାୟ ବ୍ୟବସାୟ କିନ୍ତୁ ଜୋର ଧରିଛି. ଅନଲାଇନରେ ହେଉଛି ବ୍ୟବସାୟ । ଏହି ଘଟଣା କିନ୍ତୁ ମଦ୍ୟପାନ କରୁଥିବା ବ୍ୟକ୍ତିଙ୍କ ପାଇଁ ଚିନ୍ତାର କାରଣ ପାଲଟିଛି । ତେବେ ଅନୁଗୋଳର ଯୁବ ଗୋଷ୍ଠୀଙ୍କୁ ମଦ ମିଳୁ ନଥିବାରୁ ଏବେ କଫ ସିରପ ନିଶା ଆପଣେଇ ନେଇଛନ୍ତି । 

ଲକଡାଉନ ପ୍ରଭାବରେ ଅନୁଗୋଳ ଜିଲ୍ଲାରେ ଗତ ପ୍ରାୟ ଦେଢ ମାସରୁ ଊର୍ଦ୍ଧ୍ଵ ସମୟ ଧରି ମଦ ଦୋକାନ ସବୁ ବନ୍ଦ ରହି ଥିଲା । କାଁ ଭାଁ ଚୋରାରେ ମିଳୁଥିବା ମଦ ମଧ୍ୟ ମିଳୁଥିଲା । ତା ପୁଣି ଉଚ୍ଚା ଦରରେ । ଏବେ କିନ୍ତୁ ମିଳୁଛି ମଦ ଅନଲାଇନ ମାଧ୍ୟମରେ । ଯାହାକି ମଦ ଅଭ୍ୟସ୍ତମାନଙ୍କ ପାଇଁ ଚିନ୍ତା ବଢାଇ ଦେଇଛି । ଏଥିପାଇଁ ସେମାନେ ଆପଣେଇ ନେଇଛନ୍ତି ଅଲଗା ଉପାୟ । ବଜାରରେ ଅତି ସହଜରେ ଏବଂ ଶସ୍ତାରେ ମିଳିଯାଉଥିବା କଫ ସିରପକୁ ଏବେ ସେମାନେ ନିଶା ପାଇଁ ବ୍ୟବହାର କରୁଛନ୍ତି । ଆଉ ଏହି ନିଶା କରୁଥିବା ଯୁବକ ମାନଙ୍କ କହିବା କଥା ଏହା ମଦ ଭଳି ନିଶା ହେଉଛି । କିନ୍ତୁ ଏହାର ଗନ୍ଧ ନାହିଁ । ଯାହା ଫଳରେ ସାମ୍ନା ଲୋକ ମଦ ପିଇଥିବା ସମ୍ପର୍କରେ ଜାଣି ମଧ୍ୟ ପାରିବ ନାହିଁ । ସବୁ ଔଷଧ ଦୋକାନୀମାନେ ସହଜରେ ଏହି ଔଷଧ ଦେଉ ନଥିବା ଯୋଗୁଁ ଲୁଚା ଚୋରାରେ କିଣି ପିଇବାକୁ ପଡୁଛି । ଆଉ ଏହାକୁ ପିଇବା ପରେ ଫୂର୍ତ୍ତି ଲାଗୁଛି ଆଉ କାମ କରିବାକୁ ମଜା ଆସୁଛି ବୋଲି କହୁଛନ୍ତି ନିଶାଗ୍ରସ୍ତ ଯୁବକମାନେ।

ସେପଟେ ନିଶା କାରବାରର ଏହି ନିଆରା ଟେକନିକକୁ ଆପଣେଇଛନ୍ତି ଯୁବଗୋଷ୍ଠୀ । ସ୍ୱାସ୍ଥ୍ୟଗତ ସମସ୍ୟା ପରିବର୍ତ୍ତେ ନିଶା ପାଇଁ ବହୁଳମାତ୍ରାରେ ବ୍ୟବହାର ହେଉଛି ଏହି ସିରପ। ଔଷଧ ନାରେ ବିକ୍ରି ହେଉଛି ଜହର। କମ ଟଙ୍କାରେ ନିଶା ଭାବରେ ବିକ୍ରି ହେଉଛି କଫ ସିରପ । ଅସାଧୁ ଲାଭଖୋର ବ୍ୟବସାୟୀ ଚଳାଉଛନ୍ତି ନିଶା କାରବାରର ରାକେଟ । ଅତି ସହଜରେ ବଜାରରେ ଏହା ଉପଲବ୍ଧ ହୋଇ ଯାଉଥିବାରୁ ଏହାକୁ ନିଶା ଭାବରେ ବ୍ୟବହାର କରି ନେଲେଣି ଯୁବ ଗୋଷ୍ଠୀ । 

Add Zee News as a Preferred Source

ଶୁଖିଲା କାଶ ହେଲେ ଏହାକୁ ଡାକ୍ତର ଔଷଧ ଭାବେ ଗ୍ରହଣ କରିବାକୁ ପରାମର୍ଶ ଦେଇ ଥାଆନ୍ତି । ହେଲେ ଏଥିରେ ମଧ୍ୟ ନିଶା ଥିବାରୁ ଏହାକୁ ଔଷଧ ବଦଳରେ ନିଶା ଆକାରରେ ଗ୍ରହଣ କରି ନେଉଛନ୍ତି ଯୁବ ଗୋଷ୍ଠୀ । ଯାହା ସ୍ୱାସ୍ଥ୍ୟ ପାଇଁ ଅହିତକର । ମଦ ପିଉଥିବା ବ୍ୟକ୍ତିଙ୍କଠାରୁ ନିଶା ଅଭ୍ୟାସ ଛଡା ଯାଇ ପାରିବ କିନ୍ତୁ ଏହି କଫ ସିରପ ନିଶା କରୁଥିବା ଲୋକଙ୍କ ଠାରୁ ଅହି ଅଭ୍ୟାସ ଛଡାଇବା କଷ୍ଟକର ବୋଲି ଡାକ୍ତର କହିଛନ୍ତି । ଏହା ବ୍ୟତୀତ ଏହାକୁ ଗ୍ରହଣ କରୁଥିବା ବ୍ୟକ୍ତିର କିଡନୀ , ହାର୍ଟ ଓ ଶ୍ଵାସ ଭଳି ରୋଗ ହେବାର ଅଧିକ ସମ୍ଭାବନା ରହିଛି । ଏଣୁ ଏହାକୁ ନ ନେବା ପାଇଁ ଡାକ୍ତର ଦିଗାମ୍ବର ସାହୁ (ଭେଷଜ ବିଶେଷଜ୍ଞ) ପରାମର୍ଶ  ଦେଇଛନ୍ତି ।