କୋରୋନା ସଂକଟ: ଟ୍ରେନ ଟିକଟକୁ ନେଇ ତେଜୁଛି ରାଜନୀତି

ନୂଆଦିଲ୍ଲୀ: କୋରୋନା ପାଇଁ ରାଜ୍ୟ ସରକାର ପ୍ରବାସୀମାନଙ୍କୁ ନିଜ ରାଜ୍ୟକୁ ଫେରାଇ ନେବା କାର୍ଯ୍ୟ ଆରମ୍ଭ କରିଛନ୍ତି। ଏହି କ୍ରମରେ ଓଡ଼ିଶା, ଝାଡ଼ଖଣ୍ଡ, ପଞ୍ଜାବ ପ୍ରଭୃତି ରାଜ୍ୟ ସରକାର ଅନ୍ୟ ରାଜ୍ୟରେ ଥିବା ପ୍ରବାସୀମାନଙ୍କୁ ଫେରାଇ ଆଣିବା ପ୍ରକ୍ରିୟା ଆରମ୍ଭ କରିଛନ୍ତି। ଏହି ଶ୍ରମିକମାନଙ୍କୁ ଟ୍ରେନ ଯୋଗେ ଅନ୍ୟ ରାଜ୍ୟରୁ ଆଣିବା ପାଇଁ ପ୍ରୟାସ ଆରମ୍ଭ କରିଛନ୍ତି। କିନ୍ତୁ ଏହି ଶ୍ରମିକମାନଙ୍କୁ ନେବା ଆଣିବାକୁ ନେଇ ରାଜନୀତି ତେଜିବାରେ ଲାଗିଛି। 

ବିଜେପି ଓ ରେଳ ମନ୍ତ୍ରଣାଳୟକୁ ଦାୟୀ କରିଛି କଂଗ୍ରେସ। କଂଗ୍ରେସ କହିଛି ରେଳ ମନ୍ତ୍ରଣାଳୟ ପ୍ରବାସୀ ଶ୍ରମିକଙ୍କ ଠାରୁ ସେମାନଙ୍କ ନିକଟରୁ ଟିକଟ ପାଇଁ ଅର୍ଥ ନିଆଯାଉଛି। କଂଗ୍ରେସ ଆହୁରି ମଧ୍ୟ ଅଭିଯୋଗ କରିଛନ୍ତି ରେଳ ମନ୍ତ୍ରଣାଳୟ ଶ୍ରମିକ ଯାତ୍ରୀଙ୍କ ଠାରୁ ଟଙ୍କା ନେଇ ପିଏମ କେୟାର୍ସଙ୍କୁ ଚାନ୍ଦା ଦେଉଛି। ସେପଟେ ଏହାର କଡ଼ା ଜବାବ ଦେଇଛି ରେଳ ମନ୍ତ୍ରଣାଳୟ ଓ ବିଜେପି। 

ପ୍ରିୟଙ୍କା ଗାନ୍ଧୀ ଭଦ୍ରା କହିଛନ୍ତି ଯେ, ଯେତେବେଳେ ରେଳ ମନ୍ତ୍ରୀ ୧୫୧ କୋଟି ଟଙ୍କା ପିଏମ କେୟାର୍ସ ଫଣ୍ଡକୁ ଦାନ କରିପାରୁଛନ୍ତି, ତେବେ ପ୍ରବାସୀ ଯାତ୍ରୀମାନଙ୍କୁ କାହିଁକି ମାଗଣାରେ ଛାଡ଼ୁନାହାନ୍ତି। ଭାରତୀୟ କଂଗ୍ରେସ ନିଷ୍ପତ୍ତି ନେଇଚି ଘରକୁ ଫେରୁଥିବା ପ୍ରବାସୀ ଶ୍ରମିକଙ୍କ ଖର୍ଚ୍ଚ ବହନ କରିବ ବୋଲି ସେ କହିଛନ୍ତି। 

ରେଳ ମନ୍ତ୍ରଣାଳୟ କହିଛି କି, କଂଗ୍ରେସର ଅନ୍ୟକୁ ବଦନାମ କରିବା ପୁରୁଣା ରୋଗ। ଏଥର ମା, ପୁଅ ଝିଅ ମିଶିକରି ବଦନାମ କରିଛନ୍ତି। ରାହୁଲ ଗାନ୍ଧୀ, ପ୍ରିୟଙ୍କା ଭଦ୍ରା ଓ ସୋନିଆ ଗାନ୍ଧୀ ଏଭଳି ମିଥ୍ୟା ପ୍ରଚାର କରୁଛନ୍ତି। ଯାଉଥିବା ଶ୍ରମିକଙ୍କ ନିକଟରୁ କୌଣସି ଅର୍ଥ ନିଆଯାଇନାହିଁ। ବୋଲି ରେଳ ମନ୍ତ୍ରଣାଳୟ କହିଛି।