ପୁଣି ବଦଳିଲା ସୁନା ରୁପା ଦର, ଜାଣନ୍ତୁ ଆଜିର ରେଟ

ନୂଆଦିଲ୍ଲୀ: ଅନ୍ତର୍ଜାତୀୟ ବଜାରରେ କୋରୋନା ପାଇଁ ଅସ୍ଥିରତା ଲାଗି ରହିଛି। ଫଳରେ ଏହାର ପ୍ରଭାବରେ ଭାରତୀୟ ବଜାରରେ ମଧ୍ୟ ପ୍ରଭାବ ପଡ଼ିଥିବା ଦେଖିବାକୁ ମିଳିଛି। ତେବେ ବିଗତ କିଛି ଦିନ ମଧ୍ୟରେ ସୁନା ଓ ଚାନ୍ଦି ଦର କ୍ରମାଗତ ଭାବେ ବଢି ଆସୁଥିବା ବେଳେ ଆଜି ଅନ୍ତର୍ଜାତୀୟ ବଜାରରେ ଏଥିରେ ହ୍ରାସ ଘଟିଛି। ଏହି ଦର ହ୍ରାସ ଘଟିବା ପରେ ୯୯୯ ମାର୍କା ସୁନା ଭରି ପ୍ରତି ୪୫୫୯୩ ଟଙ୍କା ରହିଛି। 

ଭାରତୀୟ ବୁଲିଅନ ବଜାର ଅନୁଯାୟୀ ୨୧ ତାରିଖରେ ସୁନା ଓ ଚାନ୍ଦି ଦରରେ ହ୍ରାସ ଘଟିଛି। ସୁନା ଭରି ପ୍ରତି ୨ ଶହ ଟଙ୍କା ହ୍ରାସ ହୋଇଥିବା ବେଳେ ଚାନ୍ଦି ଦର ପ୍ରତି ୫୮୦ ଟଙ୍କା ହ୍ରାସ ହୋଇଛି। ଦିଲ୍ଲୀ ବଜାରରେ ୯୯୫ ମାନକ ସୁନା ୪୫୪୧୦ ଟଙ୍କାରେ ବିକ୍ରି ହେଉଛି। ସେହିଭଳି ୯୧୬ ମାନକ ସୁନା ଦରରେ ୧୮୩ ଟଙ୍କା ହ୍ରାସ ଘଟିଛି। ଦର ହ୍ରାସ ପରେ ୯୧୬ ମାନକ ସୁନା ଭରି ପ୍ରତି ୪୧୭୬୩ ଟଙ୍କାରେ ବିକ୍ରି ହେଉଥିବା ଜଣାପଡ଼ିଛି। 

ସେହିଭଳି ଚାନ୍ଦି ଦରରେ ମଧ୍ୟ ବେଶ ବଡ଼ ହ୍ରାସ ହୋଇଛି। ଚାନ୍ଦି କିଲୋ ପିଛା ୫୮୦ ଟଙ୍କା ହ୍ରାସ ଘଟିଛି। ଏହି ଦର ହ୍ରାସ ପରେ ଚାନ୍ଦି ୪୧୭୦୦ ଟଙ୍କାରେ ବିକ୍ରି ହେଉଥିବା ସୂଚନା ରହିଛି। ସୂଚନା ଯୋଗ୍ୟ ଭାରତରେ ଅଧିକାଂଶ ମାତ୍ରରେ ସରାଫ ବଜାର ମାଧ୍ୟମରେ ହିଁ ସୁନା ବ୍ୟବସାୟ ହୋଇଥାଏ। ମାତ୍ର ଦେଶରେ ଲକଡାଉନ ସ୍ଥିତି ଜାରି ରହିଥିବାରୁ ବର୍ତ୍ତମାନ କେନ୍ଦ୍ରୀୟ ବ୍ୟାଙ୍କ, ଫଣ୍ଡ ମ୍ୟାନେଜର୍ସ, ସ୍ୱତନ୍ତ୍ର ନିବେଶକ ପ୍ରମୁଖ ଏହି ସୁନା କିଣୁଛନ୍ତି।

Add Zee News as a Preferred Source