ବକ୍ସ ଅଫିସରେ ଭଲ ପ୍ରଦର୍ଶନ କରୁଛି ହାଉସଫୁଲ 4, ପ୍ରଥମ ଦିନର ଆୟ ୨୦ କୋଟି

ନୂଆଦିଲ୍ଲୀ: ଏହି ଦୀପାବଳି ଅବସରରେ ବକ୍ସ ଅଫିସରେ ୩ଟି ଫିଲ୍ମ ରିଲିଜ ହୋଇଛି । ଏହି ଫିଲ୍ମଗୁଡିକ ମଧ୍ୟରେ ଜୋରଦାର ଟକ୍କର ଦେଖିବାକୁ ମିଳିଛି । ଅକ୍ଷୟ କୁମାରଙ୍କ ଫିଲ୍ମ ହାଉସଫୁଲ 4, ତାପସୀ ପନ୍ନନ ଓ ଭୂମି ପେଡନେକରଙ୍କ 'ସାଣ୍ଡ କୀ ଆଖ' ଓ ରାଜକୁମାର ରାଓଙ୍କ ଫିଲ୍ମ ମେଡ ଇନ ଚାଇନା ଏହି ଶୁକ୍ରବାର ଅର୍ଥାତ ଅକ୍ଟୋବର ୨୫ରେ ସିନେମା ହଲରେ ରିଲିଜ ହୋଇଯାଇଛି । ପ୍ରାୟ ୧୦ ବର୍ଷ ପରେ ଆମକୁ ଏହି ୩ଟି ଫିଲ୍ମ ମଧ୍ୟରେ ଦୀପାବଳି କ୍ଲାଶ ଦେଖିବାକୁ ମିଳୁଛି । ଗୋଟିଏ ପଟେ ତାପସୀ ଓ ରାଜକୁମାର ରାଓଙ୍କ ଫିଲ୍ମର ପ୍ରଶଂସା ହେଉଥିବା ବେଳେ ଅକ୍ଷୟ କୁମାରଙ୍କ ଫିଲ୍ମର ଚର୍ଚ୍ଚା ଲାଗି ରହିଛି । 

ହାଉସଫୁଲ 4କୁ ସମସ୍ତ ଦର୍ଶକ ଉତ୍ସୁକତା ସହ ଚାହିଁ ବସିଥିଲେ । ହାଉସଫୁଲର ସମସ୍ତ ପାର୍ଟ ଦର୍ଶକଙ୍କୁ ମନୋରଞ୍ଜନ କରିବା ସହ ଖୁବ ହସାଇଥିଲେ । ବର୍ତ୍ତମାନ ହାଉସଫୁଲ 4 ମଧ୍ୟ ଦର୍ଶକଙ୍କୁ ବେଶ ମନୋରଞ୍ଜନ କରିବା ସହ ଖୁବ ହସାଉଛି । ଏହି ଫିଲ୍ମକୁ ନେଇ ଜନତା ଓ କ୍ରିଟିକ୍ସଙ୍କ ମିଶ୍ରିତ ପ୍ରତିକ୍ରିୟା ରହିଛି । ବର୍ତ୍ତମାନ ଅକ୍ଷୟ କୁମାରଙ୍କ ମଲ୍ଟି ଷ୍ଟାରର ଫିଲ୍ମ ବକ୍ସ ଅଫିସରେ ପ୍ରଥମ ଦିନରେ କଲେକଶନ ମଧ୍ୟ କରି ସାରିଛି । 

ହାଉସଫୁଲ 4 ପ୍ରଥମ ଦିନରେ ପ୍ରାୟ ୨୦ କୋଟି ଟଙ୍କାର ବ୍ୟବସାୟ କରିଛି । ଏହି ଫିଲ୍ମକୁ  ଶୁକ୍ରବାର ଦିନ ଧନତେରସ ହେବାର ଲାଭ ମଧ୍ୟ ମିଳିଛି । ଆପଣଙ୍କୁ କହି ରଖୁଛୁ ଯେ, ଏହି ଫିଲ୍ମରେ ଅକ୍ଷୟଙ୍କ ବ୍ୟତୀତ ରିତେଶ ଦେଶମୁଖ, ବବି ଦେୟଲ, କୃତି ସେନନ, କୃତି ଖରବନ୍ଦା, ପୂଜା ହେଗଡ଼େ, ଚଙ୍କି ପାଣ୍ଡେ ଓ ଜନି ଲିଭର ଅଭିନୟ କରିଛନ୍ତି । ପୁନଃଜନ୍ମ ଉପରେ ଆଧାରିତ ଏକ କାହାଣୀକୁ ନେଇ ଏହି ଫିଲ୍ମ ।