୧୪ଟି ରାଜ୍ୟରେ ରହିଛନ୍ତି ତବଲିଗି ଜମାତ ମୌଲାନା

ନୂଆଦିଲ୍ଲୀ: ଦେଶରେ କୋରୋନା ବ୍ୟାପକ ଭାବେ ପ୍ରସାରିତ ହେଉଥିବା ବେଳେ ଏହାକୁ ନେଇ ବର୍ତ୍ତମାନ ସବୁ ସ୍ତରରେ ସଚେତନତା ବାର୍ତ୍ତା ପ୍ରଦାନ କରାଯାଉଛି। ତେବେ ଦୈନିକ ସ୍ୱାସ୍ଥ୍ୟ ବିଭାଗ ପକ୍ଷରୁ କୋରୋନା ସମ୍ପର୍କିତ ତଥ୍ୟ ପ୍ରଦାନ କରାଯାଉଛି। କିନ୍ତୁ ଆଜି ପ୍ରଦାନ କରାଯାଇଥିବା ତଥ୍ୟ ବେଶ ଚାଞ୍ଚଲ୍ୟ ସୃଷ୍ଟି କରିଛି।  

ଆଜି ସାମ୍ବାଦିକ ସମ୍ମିଳନୀରେ ଶୁକ୍ରବାର ସ୍ୱାସ୍ଥ୍ୟ  ମନ୍ତ୍ରଣାଳୟର ଯୁଗ୍ମ ସଚିବ ଲଭ ଅଗ୍ରଓ୍ୱାଲ କହିଛନ୍ତି କି, ବିଗତ ୨୪ ଘଣ୍ଟା ମଧ୍ୟରେ କୋରୋନାରେ ୧୨ ଜଣଙ୍କ ମୃତ୍ୟୁ ହୋଇଛି। ଏ ସମସ୍ତେ ନିଜାମୁଦ୍ଦିନରେ ହୋଇଥିବା ତବଲିଗି ଜମାତ କାର୍ଯ୍ୟକ୍ରମରେ ସାମିଲ ରହିଥିଲେ। ସେ ଆହୁରି ମଧ୍ୟ କହିଥିଲେ କି, ଦିଲ୍ଲୀ ରେ ତବଲିଗି ଜମାତ କାର୍ଯ୍ୟକ୍ରମରେ ସାମିଲ ହେବା ପରେ ପ୍ରାୟ ୩୬୦ ଜଣ ବିଦେଶୀ ନାଗରିକଙ୍କୁ କଳାତାଲିକା ଭୁକ୍ତ କରିଛି ଗୃହ ବିଭାଗ। ଏହା ସହିତ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ କରିଛି ବୋଲି ସେ କହିଥିଲେ।  

ସେ ଆହୁରି ମଧ୍ୟ କହିଥିଲେ କି, ଦିଲ୍ଲୀର ନିଜାମୁଦ୍ଦିନରେ ହୋଇଥିବା ତବଲିଗି ଜମାତରେ ସାମିଲ ଥିବା ମୌଲାନା ମାନେ ୧୪ଟି ରାଜ୍ୟକୁ ଯାଇଛନ୍ତି। ଏହା ସହିତ ସେମାନେ ଶତାଧିକ ସଂଖ୍ୟାରେ ସଂକ୍ରମିତ ହେବାର ସମ୍ଭାବନା ରହିଛି ବୋଲି ସେ କହିଥିଲେ। ସେପଟେ ଆଇସିଏମଆର ଅଧିକାରୀ କହିଛନ୍ତି କି କୋରୋନା ଭାଇରସ ସଂକ୍ରମଣଙ୍କ ବୃଦ୍ଧି ପାଇପାରେ ବୋଲି କହିଛନ୍ତି। ବିଗତ ୨୪ ଘଣ୍ଟା ମଧ୍ୟରେ ୨ ହଜାର ଲୋଲକଙ୍କ ନମୂନା ଯାଞ୍ଚ କରାଯାଇଛି। ବର୍ତ୍ତମାନ ସୁଦ୍ଧା ଦେଶରେ ୧୮୨ଟି ଲ୍ୟାବ କାର୍ଯ୍ୟ କରୁଛି। ଏଥିରେ ପ୍ରାୟ ୧୩୦ ଜଣ କର୍ମଚାରୀ କାର୍ଯ୍ୟ କରୁଥିବା ନେଇ ସେ ସୂଚନା ଦେଇଛନ୍ତି।