ଗେଟ ମ୍ୟାନଙ୍କ ବୁଦ୍ଧି ଯୋଗୁଁ ଦୁର୍ଘଟଣାରୁ ବର୍ତ୍ତିଲା ଟ୍ରେନ

ଗେଟ ମ୍ୟାନଙ୍କ ବୁଦ୍ଧି ଯୋଗୁଁ ଦୁର୍ଘଟଣାରୁ ବର୍ତ୍ତିଲା ଟ୍ରେନ

ମଇଁଷି ପଲ ପାଇଁ ଆଜି ଭୁବନେଶ୍ୱରରେ ଘଟିଥାନ୍ତା ରେଳ ଦୁର୍ଘଟଣା

ଗେଟ ମ୍ୟାନଙ୍କ ବୁଦ୍ଧି ଯୋଗୁଁ ଦୁର୍ଘଟଣାରୁ ବର୍ତ୍ତିଲା ଟ୍ରେନ

ସରୋଜ ବେହେରା, ଭୁବନେଶ୍ୱର: ମଇଁଷି ପଲ ପାଇଁ ଆଜି ଭୁବନେଶ୍ୱରରେ ଘଟିଥାନ୍ତା ରେଳ ଦୁର୍ଘଟଣା । ହେଲେ ଗେଟ ମ୍ୟାନଙ୍କ ଉପସ୍ଥିତ ବୁଦ୍ଧି ଯୋଗୁଁ ଭୁବନେଶ୍ୱର-ଆନନ୍ଦବିହାର ଟ୍ରେନ ଏକ ନିଶ୍ଚିତ ଦୁର୍ଘଟଣାରୁ ବର୍ତିଯାଇଛି । ପାଖାପାଖି ଏକ ଘଣ୍ଟା ଘରି ଟ୍ରାକରେ ଅଟକି ରହିଥିଲା ଟ୍ରେନ । ସମୟ ପ୍ରାୟ ୧୨ଟା ୫୦ ସମୟରେ ଭୁବନେଶ୍ୱରରୁ ଆନନ୍ଦବିହାର ଏକ୍ସପ୍ରେସ ଯାଉଥିବା ବେଳେ ରେଳ ସାମ୍ନାକୁ ପଳାଇ ଆସିଥିଲେ ମଇଁଷି ପଲ । ଭିଏସଭିଏସ ନଗର ରେଳ ଧାରଣାରେ ଏଭିଳି ପରିସ୍ଥିତି ଦେଖି ଚିନ୍ତାରେ ପଡିଯାଇଥିଲେ ଗେଟ ମ୍ୟାନ । ଉପସ୍ଥିତ ବୁଦ୍ଧି ଖଟାଇ ସେ ରେଳ ଟ୍ରାକରେ ଲଗାଇ ଦେଇଥିଲେ ଲାଲ ପତକା । ଦୂରରୁ ଲାଲ ରଙ୍ଗ ଦେଖି ଟ୍ରେନ ଚାଳକ ରେଳକୁ ଅଟକାଇଥିଲେ । ଗେଟ ମ୍ୟାନ ନାଲି ପତାକା ପୋତି ବିପଦ ସଙ୍କେତ ଦେବାରୁ ଟ୍ରେନ ଅଟକି ଯାଇଥିଲା। କେତେକ ଯାତ୍ରୀ ଭୟଭୀତ ହୋଇପଡିବା ସହ ଓହ୍ଲାଇ ପଡିଥିଲେ । ୧ ଘଣ୍ଟା ପରେ ସିଗ୍ନାଲ ଗ୍ରୀନ ମିଳିବାରୁ ଟ୍ରେନ ଛାଡିଥିଲା । 

Trending news