ଟ୍ରମ୍ପ ପିଇବେ ମୋଦିଙ୍କ ପସନ୍ଦର ଚା'

ମୋଦିଙ୍କ ପସନ୍ଦର ଚା' ପିଇବେ ଆମେରିକା ରାଷ୍ଟ୍ରପତି...ଟ୍ରମ୍ପଙ୍କ ପାଇଁ ପ୍ରସ୍ତୁତ ହୋଇଛି ସ୍ୱତନ୍ତ୍ର ବ୍ୟଞ୍ଜନ...ଆଜି ସାବରମତୀ ଆଶ୍ରମରେ ମଧ୍ୟାହ୍ନ ଭୋଜନ କରିବେ ଟ୍ରମ୍ପ...

ନୂଆଦିଲ୍ଲୀ: ଦୁଇ ଦିନିଆ ଭାରତ ଗସ୍ତରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ପରିବାର ସହ ଭାରତ ଗସ୍ତ କରିବାରେ ଟ୍ରମ୍ପ ଆମେରିକାର ପ୍ରଥମ ରାଷ୍ଟ୍ରପତି । ତେବେ ଭାରତ ଗସ୍ତ ବେଳେ ଟ୍ରମ୍ପ କ'ଣ ଖାଇବେ, କୁଆଡ଼େ ଯିବେ, କ'ଣ ସବୁ ଆଲୋଚନା କରିବେ, ସେସବୁ ବିଷୟରେ ଜାଣିବା ପାଇଁ ସମସ୍ତଙ୍କ ମଧ୍ୟରେ ଉତ୍କଣ୍ଠା ପ୍ରକାଶ ପାଇଛି । ଟ୍ରମ୍ପଙ୍କ ଗସ୍ତକୁ ନେଇ ଖାଦ୍ୟପେୟର ମଧ୍ୟ ସ୍ୱତନ୍ତ୍ର ବ୍ୟବସ୍ଥା ହୋଇଛି । 

ସୂଚନା ମୁତାବକ, ଟ୍ରମ୍ପକୁ ଭାରତୀୟ ବ୍ୟଞ୍ଜନ ପରଶା ଯିବ । ଆଜି ସାବରମତୀ ଆଶ୍ରମରେ ମଧ୍ୟାହ୍ନ ଭୋଜନ କରିବେ ଆମେରିକା ରାଷ୍ଟ୍ରପତି । ଟ୍ରମ୍ପଙ୍କ ଭୋଜନ ପ୍ରସ୍ତୁତିର ଦାୟିତ୍ୱ ଶେଫ ସୁରେଶ ଖାନ୍ନାଙ୍କୁ ଦିଆଯାଇଛି । ସୁରେଶ ଫର୍ଚ୍ୟୁନ ଲ୍ୟାଣ୍ଡମାର୍କ ହୋଟେଲର ଶେଫ ବୋଲି ଜଣାପଡ଼ିଛି ।  ସୁରେଶଙ୍କ କହିବା ମୁତାବକ, ରାଷ୍ଟ୍ରପତିଙ୍କ ଭୋଜନ ପାଇଁ ସ୍ୱତନ୍ତ୍ର ବ୍ୟବସ୍ଥା ହୋଇଛି । ଏଥିରେ ଗୁଜୁରାଟି ବ୍ୟଞ୍ଜନ ମଧ୍ୟ ରହିଛି । 

ମୋଦିଙ୍କ ପସନ୍ଦର ଚା' ପିଇବେ ଟ୍ରମ୍ପ

ସୁରେଶ ଖାନ୍ନାଙ୍କ ସୂଚନା ଅନୁସାରେ, ଟ୍ରମ୍ପଙ୍କୁ ମସଲା ଚା' ଆପାୟିତ କରାଯିବ । ଅଦା ଓ ମସଲାରେ ତିଆରି ଏହି ଚା ମୋଦିଙ୍କ ପସନ୍ଦ । କହିରଖୁଛୁ, ଗତ ୧୭ ବର୍ଷ ହେଲା ଗୁଜୁରାଟକୁ ଯାଉଥିବା ଅତିଥିଙ୍କ ପାଇଁ ବ୍ୟଞ୍ଜନ ପ୍ରସ୍ତୁତ କରିଆସୁଛନ୍ତି ସୁରେଶ ।