ଟ୍ୱିଟରରେ ବନ୍ଦ ହେବ ରିଟ୍ୱିଟ !

ଆପଣଙ୍କ ଟ୍ୱିଟର ଆକାଉଣ୍ଟ ଅଛି କି ? ଆପଣ କିଛି ଟ୍ୱିଟ କରିବା ପରେ ଆପଣଙ୍କ ପାଖକୁ ଆସୁଥିବା ବହୁ ନକରାତ୍ମକ ରିଟ୍ୱିଟକୁ ନେଇ ଆପଣ ଚିନ୍ତିତ କି ?

ଟ୍ୱିଟରରେ ବନ୍ଦ ହେବ ରିଟ୍ୱିଟ !
ପ୍ରତୀକାତ୍ମକ ଫଟୋ

ନୂଆଦିଲ୍ଲୀ: ଆପଣଙ୍କ ଟ୍ୱିଟର ଆକାଉଣ୍ଟ ଅଛି କି ? ଆପଣ କିଛି ଟ୍ୱିଟ କରିବା ପରେ ଆପଣଙ୍କ ପାଖକୁ ଆସୁଥିବା ବହୁ ନକରାତ୍ମକ ରିଟ୍ୱିଟକୁ ନେଇ ଆପଣ ଚିନ୍ତିତ କି ? ଆପଣଙ୍କ ସହମତି ବିନା ୟୁଜର୍ସ ଆପଣଙ୍କୁ ମେନସନ କରିଥାନ୍ତି । ଯାହାକୁ ନେଇ ଆପଣ ଖପ୍ପା ହୋଇଯାଆନ୍ତି । ତେବେ ୟୁଜର୍ସଙ୍କ ଏସବୁ ସମସ୍ୟା ଦେଖି ଟ୍ୱିଟର କିଛି ପରିବର୍ତ୍ତନ କରିବା ଉପରେ ବିଚାର କରୁଛି । 

ସୋସିଆଲ ମିଡିଆର ସବୁଠୁ ପ୍ରଭାବଶାଳୀ ମାଧ୍ୟମ ଭାବରେ ଜଣାଶୁଣା ଟ୍ୱିଟର । ବହୁ ପ୍ରଭାବଶାଳୀ ବ୍ୟକ୍ତି ଟ୍ୱିଟର ବ୍ୟବହାର ଉପରେ ଗୁରୁତ୍ୱ ଦେଇଥାନ୍ତି । ହେଲେ ବେଳେ ବେଳେ ୟୁଜର୍ସଙ୍କ ନକରାତ୍ମକ ରିଟ୍ୱିଟ ଆପଣଙ୍କୁ ଚିନ୍ତାରେ ପକାଇଥାଏ । ଏମିତି ବି ହୁଏ, ବହୁ ନକରାତ୍ମକ ରିଟ୍ୱିଟ ଦେଖି ଆମକୁ ନିଜ ପୋଷ୍ଟକୁ ହିଁ ହଟେଇବାକୁ ପଡେ । ତେବେ ଏହା ଉପରେ ସମାଧାନର ରାସ୍ତା ଖୋଜୁଛି ଟ୍ୱିଟର । 

ଟ୍ୱିଟ ଏବଂ ରିଟ୍ୱିଟ ନିୟମରେ ଆସିପାରେ ପରିବର୍ତ୍ତନ । ଆପଣ ଚାହିଁଲେ ଆପଣଙ୍କୁ ରିଟ୍ୱିଟ କରିପାରିବେ ଅନ୍ୟ ୟୁଜର୍ସ । ଯଦି ଆପଣ ଚାହୁଁନାହାଁନ୍ତି, ତେବେ ରିଟ୍ୱିଟ ଆଉ ଆସିବ ନାହିଁ । ଅର୍ଥାତ ଖୁବଶୀଘ୍ର ଟ୍ୱିଟରରେ ଏହି ବିକଳ୍ପ ଉପଲବ୍ଧ ହୋଇପାରେ । ଗତ ନଭେମ୍ବର ୫ରେ ଟ୍ୱିଟରର ଉପାଧ୍ୟକ୍ଷ ଡେଣ୍ଟଲି ଡେବିସ ଏକ ଟ୍ୱିଟ କରି ଏହି ସୂଚନା ଦେଇଛନ୍ତି । ଆସନ୍ତା ବର୍ଷ ଆରମ୍ଭରୁ ଏହି ପରିବର୍ତ୍ତନ କରାଯିବା ନେଇ ଜଣାପଡିଛି । 

ରିଟ୍ୱିଟ ବନ୍ଦ କରିବାର ବିକଳ୍ପ ମିଳିବା ପରେ ୟୁଜର୍ସଙ୍କ ପାଖରେ ନିୟନ୍ତ୍ରଣ ରହିବ । ଯଦି କୌଣସି ଟ୍ୱିଟରେ ବହୁ ନକରାତ୍ମକ ରିଟ୍ୱିଟ ଆସେ, ତେବେ ରିଟ୍ୱିଟ ବିକଳ୍ପକୁ ବନ୍ଦ କରିହେବ । ଆହୁରି ମଧ୍ୟ ଯେପରି ଆପଣଙ୍କ ସହମତି ବିନା କୌଣସି ୟୁଜର୍ସ ଆପଣଙ୍କୁ ମେନସନ୍ କରିପାରିବେ ନାହିଁ, ସେନେଇ ତର୍ଜମା କରାଯାଉଛି ।