ଏହି ଦୁଇ କ୍ରିକେଟର ଦାନ ଦେଲେ ଲକ୍ଷାଧିକ ଟଙ୍କା...

ନୂଆଦିଲ୍ଲୀ: ଦେଶ ବର୍ତ୍ତମାନ କୋରୋନା ବିପକ୍ଷରେ ଲଢେଇ ଜାରି ରଖିଛି। ଏହି ସମୟରେ ଦେଶ ଏକଜୁଟ ହୋଇ କୋରୋନା ବିପକ୍ଷରେ ଲଢୁଛି। ଏହି ସମୟରେ ଏହି ସଂକଟ ସମୟରେ ପ୍ରତିପତ୍ତିଶାଳୀ, ସେଲିବ୍ରିଟି ତଥା ଶିଳ୍ପପତି ସହାୟତାର ହାତ ବଢାଇ ଆସିଛନ୍ତି। ତେବେ କ୍ରିକେଟ ମହାରଥୀ ସୁନୀଲ ଗାଭାସ୍କର ମଧ୍ୟ ପିଏମ କେୟାର୍ସକୁ ନିଜର ସାମର୍ଥ୍ୟ ଅନୁଯାୟୀ ସହାୟତା ଯୋଗାଇ ଆସିଛନ୍ତି। 

ସୁନୀଲ ଗାଭାସ୍କର ୫୯ ଲକ୍ଷ ଟଙ୍କା ଦାନ ଦେଇଛନ୍ତି। ଏହା ବ୍ୟତୀତ ଚେତେଶ୍ୱର ପୂଜାରା ମଧ୍ୟ ପ୍ରଧାନମନ୍ତ୍ରୀ କେୟାର୍ସ ଫଣ୍ଡକୁ ସହାୟତା ପ୍ରଦାନ କରିଛନ୍ତି। ଚେତେଶ୍ୱର ପୂଜାରା ପ୍ରଧାନମନ୍ତ୍ରୀ ରିଲିଫି ପାଣ୍ଠି ଓ ପିଏ କେୟାର୍ସକୁ ମଧ୍ୟ ଦାନ ଦେଇଛନ୍ତି। ତେବେ ସବୁଠାରୁ ବଡ଼ କଥା ହେଉଛି ଯେ ଗାଭାସ୍କର ଦେଇଥିବା ଦାନ ସମ୍ପର୍କରେ ନିଜେ କୌଣସି ସୂଚନା ଦେଇନାହାନ୍ତି। ଗାଭାସ୍କରଙ୍କ ଏହି ମହତପଣିଆ ସମ୍ପର୍କରେ  ମୁମ୍ବାଇର ପୂର୍ବତନ ଅଧିନାକୟ ଅମୋଲ ମଜୁମଦାର ଟ୍ୱିଟ ଯୋଗେ ସୂଚନା ଦେଇଛନ୍ତି। 

ମଜୁମଦାର କହିଛନ୍ତି କି, ଏବେ ଶୁଣିଲି ଯେ ଏସଏମଜି(ସୁନୀଲ ମନୋହର ଗାଭାସ୍କର) କୋଭିଡ଼ ରିଲିଫ ପାଣ୍ଠିକୁ ୫୯ ଲକ୍ଷ ଟଙ୍କା ଦାନ ଦେଇଛନ୍ତି। ଏହା ମଧ୍ୟରୁ ୩୫ ଲକ୍ଷ ଟଙ୍କା ପ୍ରଧାନମନ୍ତ୍ରୀ କେୟାର୍ସ ଫଣ୍ଡ ଓ ଅବଶିଷ୍ଟ ୨୪ ଲକ୍ଷ ଟଙ୍କା ମହାରାଷ୍ଟ୍ର ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ଦାନ ଦେଇଥିବା ଜଣାପଡ଼ିଛି। 

ସେହିପରି ଚେତେଶ୍ୱର ପୂଜାରା ଦେଇଥିବା ଦାନ ସମ୍ପର୍କରେ ମଧ୍ୟ ନିଜେ ଖୁଲାସା କରି ନାହାନ୍ତି। ବିଶ୍ୱସ୍ତ ସୂତ୍ରରୁ ଜଣାପଡ଼ିଛି ଯେ, ଚେତେଶ୍ୱର ପୂଜାରା କୋରୋନା ଯୋଦ୍ଧା ମାନଙ୍କର ବର୍ତ୍ତମାନ ନିଶ୍ୱାର୍ଥପର ସେବା କରି ଆସୁଛନ୍ତି। ସେ କହିଛନ୍ତି କି ମୋର ପରିବାର ଓ ମୁଁ ପ୍ରଧାନମନ୍ତ୍ରୀ କେୟାର୍ସ ଫଣ୍ଡ ଓ ଗୁଜୁରାଟ ମୁଖ୍ୟମନ୍ତ୍ରୀ ରିଲିଫ ପାଣ୍ଠିକୁ ସ୍ୱଳ୍ପ ପରିମାଣରେ ସହାୟତା ରାଶି ଦାନ ଦେଇଛୁ। ମୁଁ ନିବେଦନ କରୁଛି କି ସମସ୍ତେ ସରକାରଙ୍କୁ ଯଥା ସମ୍ଭବ ସହାୟତା କରନ୍ତୁ। ସମସ୍ତଙ୍କ ସହାୟତା ବର୍ତ୍ତମାନ ମହତ୍ତ୍ୱ ରଖିଥାଏ ବୋଲି ପୂଜାରା କହିଛନ୍ତି।