ଡ୍ୟାମ ପାଣିରେ ବୁଡ଼ିଗଲେ ମାଇଁ-ଭାଣିଜୀ

ପ୍ରେମାନନ୍ଦ ପୂଜାରୀ, ଗଜପତି: ଗାଧେଇବାକୁ ଯାଇ ଡ୍ୟାମ ପାଣିରେ ବୁଡ଼ିଗଲେ ମାଇଁ ଭାଣିଜୀ । ଘଟଣାଟି ଘଟିଛି ଗଜପତି ଜିଲ୍ଲା ଅଡ଼ବା ଥାନା ଅନ୍ତର୍ଗତ ହରଭଙ୍ଗୀ ଡ୍ୟାମରେ । ମୃତକ ଦ୍ୱୟ ଦେଲେ ସ୍ଥାନୀୟ ପାଣିଗଣ୍ଡା ପଞ୍ଚାୟତ ବୁଡ଼ାଢ଼ିଅ ଗାଁର ଇବାନି ମଣ୍ଡଳ ଓ ଇସ୍ମାଞ୍ଜଳୀ ଶବର ।

ମିଳିଥିବା ସୂଚନା ମୁତାବକ, ଉଭୟ ମାଇଁ ଭାଣିଜୀ ଗତକାଲି ସନ୍ଧ୍ୟାରେ ଡ୍ୟାମକୁ ଗାଧେଇବା ପାଇଁ ଯାଇଥିଲେ । ହେଲେ ଘରକୁ ଫେରି ନ ଥିଲେ । ଘରଲୋକେ ବହୁ ଖୋଜା ପରେ ମଧ୍ୟ ସେମାନଙ୍କୁ ପାଇନଥିଲେ । ତେବେ ଆଜି ସେହି ଡ୍ୟାମରେ ଦୁଇଟି ଶବ ଭାସୁଥିବା ଦେଖି ସ୍ଥାନୀୟ ଲୋକେ  ପୋଲିସକୁ ଜଣାଇଥିଲେ । 

ଖବରପାଇ ଘଟଣା ସ୍ଥଳରେ ମୋହନା ଅଗ୍ନିଶମ ଟିମ ଓ ଅଡ଼ବା ପୋଲିସ ଟିମ ପହଞ୍ଚିଥିଲେ ।  ଭାସୁଥିବା ଦୁଇ ଶବକୁ ଉଦ୍ଧାର କରିବା ସହ ବ୍ୟବଚ୍ଛେଦ ପାଇଁ ପଠାଯାଇଛି । ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି ।