close

खास खबरें सिर्फ आपके लिए...हम खासतौर से आपके लिए कुछ चुनिंदा खबरें लाए हैं. इन्हें सीधे अपने मेलबाक्स में प्राप्त करें.

କାଶ୍ମୀରକୁ ନେଇ ଚିନ୍ତିତ ଜାତିସଂଘ, ନାଗରିକଙ୍କ ଅଧିକାର ଫେରାଇବାକୁ ଦାବି

କାଶ୍ମୀର ପରିସ୍ଥିତିକୁ ନେଇ ଚିନ୍ତା ବ୍ୟକ୍ତ କଲା ଜାତିସଂଘ । ଏହାସହ ସରକାରଙ୍କ ପ୍ରଶଂସା ମଧ୍ୟ କରିଛି । ମଙ୍ଗଳବାର ଜାତିସଂଘ କହିଛି ଯେ ଘାଟିରେ ଲୋକମାନେ ଅଧିକାରୀରୁ ବଞ୍ଚିତ ହେଉଛନ୍ତି । ଆମେ ଭରତୀୟ ଅଧିକାରୀଙ୍କ ପାଖରେ ଦାବି କରିଛୁ କାଶ୍ମୀରରେ ନାଗରିକଙ୍କ ସମସ୍ତ ଅଧିକାର ଫେରାଇ ଦିଆଯାଉ । କାଶ୍ମୀର ପରିସ୍ଥିତିରେ ସୁଧାର ଆଣିବା ପାଇଁ ବାରତ ବହୁ ପଦକ୍ଷେପ ମଧ୍ୟ ନେଇଛି ବୋଲି ଜାତିସଂଘ କହିଛି ।

କାଶ୍ମୀରକୁ ନେଇ ଚିନ୍ତିତ ଜାତିସଂଘ, ନାଗରିକଙ୍କ ଅଧିକାର ଫେରାଇବାକୁ ଦାବି
ସୌଜନ୍ୟ: ସୋସିଆଲ ମିଡିଆ

ନୂଆଦିଲ୍ଲୀ: କାଶ୍ମୀର ପରିସ୍ଥିତିକୁ ନେଇ ଚିନ୍ତା ବ୍ୟକ୍ତ କଲା ଜାତିସଂଘ । ଏହାସହ ସରକାରଙ୍କ ପ୍ରଶଂସା ମଧ୍ୟ କରିଛି । ମଙ୍ଗଳବାର ଜାତିସଂଘ କହିଛି ଯେ ଘାଟିରେ ଲୋକମାନେ ଅଧିକାରୀରୁ ବଞ୍ଚିତ ହେଉଛନ୍ତି । ଆମେ ଭରତୀୟ ଅଧିକାରୀଙ୍କ ପାଖରେ ଦାବି କରିଛୁ କାଶ୍ମୀରରେ ନାଗରିକଙ୍କ ସମସ୍ତ ଅଧିକାର ଫେରାଇ ଦିଆଯାଉ । କାଶ୍ମୀର ପରିସ୍ଥିତିରେ ସୁଧାର ଆଣିବା ପାଇଁ ବାରତ ବହୁ ପଦକ୍ଷେପ ମଧ୍ୟ ନେଇଛି ବୋଲି ଜାତିସଂଘ କହିଛି ।

ଅନ୍ୟପକ୍ଷେ ଭାରତ ଗସ୍ତରେ ଆସିଛନ୍ତି ୟୁରୋପୀୟନ ସାଂସଦ ଦଳର ପ୍ରତିନିଧି ମଣ୍ଡଳ  । ଏହି ପ୍ରତିନିଧି ମଣ୍ଡଳରେ ୨୮ ଜଣ ସଦସ୍ୟ ଅଛନ୍ତି । ସେମାନେ ମଙ୍ଗଳବାର କାଶ୍ମୀର ପରିଦର୍ଶନ କରିବାକୁ ଯାଇଛନ୍ତି  । ଧାରା ୩୭୦ର ଉଚ୍ଛେଦ ପରେ ଦୁନିଆ ସାରା ଜମ୍ମୁ କାଶ୍ମୀରକୁ ନେଇ ଚର୍ଚ୍ଚା ଲାଗି ରହିଛି । ପାକିସ୍ତାନ ତରଫରୁ ବାରମ୍ବାର ଏହି ମାମଲାକୁ ଉପସ୍ଥାପନ କରାଯାଉଛି ।  ଏପରି ଚର୍ଚ୍ଚା ଭିତରେ ୟୁରୋପୀୟନ ପ୍ରତିନିଧି ମଣ୍ଡଳର ଏହି ଗସ୍ତ ବେଶ ଗୁରୁତ୍ୱପୂର୍ଣ୍ଣ । ବର୍ତ୍ତମାନ ଯାଏ କୌଣସି ବିଦେଶୀ ପ୍ରତିନିଧି ମଣ୍ଡଳକୁ ଜମ୍ମୁ କାଶ୍ମୀର ଯିବା ପାଇଁ ଅନୁମତି ମିଳିନାହିଁ ।  

ୟୁରୋପୀୟନ ସାଂସଦଙ୍କ ପ୍ରତିନିଧି ମଣ୍ଡଳକୁ କାଶ୍ମୀର ଯିବାର ଅନୁମତି ମିଳିବା ପରେ ବିରୋଧୀ ମୋଦି ସରକାରଙ୍କୁ ଟାର୍ଗେଟ କରିଛନ୍ତି  ।  ସାଂସଦ ତଥା ପୂର୍ବତନ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ମୋଦି ସରକାରଙ୍କୁ ଏହି ବିଷୟକୁ ନେଇ ଘେରିଛନ୍ତି । ସେହିପରି କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ମଧ୍ୟ ଏହି ବିଷୟକୁ ନେଇ ମୋଦି ସରକାରଙ୍କୁ କଡା ସମାଲୋଚନା କରିଛନ୍ତି ।  ଏହାସହ ବିଏସପି ସୁପ୍ରମୋ ମାୟାବତୀ ମଧ୍ୟ ମୋଦି ସରକାରଙ୍କୁ ଟାର୍ଗେଟ କରିଛନ୍ତି ।  
ସେପଟେ ଆଜି ଜନ୍ତର ମନ୍ତରରେ କାଶ୍ମୀର ବିଷୟକୁ ନେଇ ବିଭିନ୍ନ ଏନଜିଓ ତରଫରୁ ବିରୋଧ ପ୍ରଦର୍ଶନ କରାଯାଇଛି । ଏହି ପ୍ରଦର୍ଶନରେ ବାମଦଳ ସହ ଅନ୍ୟ ବିରୋଧୀ ପାର୍ଟିର କାର୍ଯ୍ୟକର୍ତ୍ତା ମଧ୍ୟ ସାମିଲ ହୋଇଛନ୍ତି ।  କଂଗ୍ରେସର ବରିଷ୍ଠ ନେତା ଗୁଲାମ ନବି ଆଜାଦ ମଧ୍ୟ ଏହି ବିରୋଧ ପ୍ରଦର୍ଶନରେ ସାମିଲ ହୋଇଛନ୍ତି । ବିରୋଧୀଙ୍କ ଦାବି, କାଶ୍ମୀରରେ ସରକାରଙ୍କ ପ୍ରତିବନ୍ଧକ ଯୋଗୁଁ ଲୋକଙ୍କୁ ବିଭିନ୍ନ ଅସୁବିଧାର ସାମ୍ନା କରିବାକୁ ପଡୁଛି ।  କାଶ୍ମୀରର ସ୍ଥାନୀୟ ନେତାଙ୍କୁ ହେପାଜତରେ ରଖାଯାଇଛି ।