ଆମେରିକା ସାମାନ୍ୟ ଆଶ୍ୱସ୍ତ

ୱାଂସିଟନ: କୋରୋନା ଯୋଗୁ ଯଦି କୌଣସି ଦେଶ ସର୍ବାଧିକ ପ୍ରଭାବିତ ହୋଇଛି, ତାହା ହେଉଛି ଆମେରିକା । ଲଗାତାର କିଛି ଦିନ ହେଲା ଆମେରିକାରେ ମୃତ୍ୟୁ ସଂଖ୍ୟା ୨ ହଜାର ପାର୍ ହୋଇଯାଉଥିଲା । ସେହିପରି ଆକ୍ରାନ୍ତଙ୍କ ସଂଖ୍ୟା ମଧ୍ୟ ହୁ ହୁ ହୋଇ ବଢ଼ୁଥିଲା । ତେବେ ଗତ ୨୪ ଘଣ୍ଟା ଭିତରେ ଯେଉଁ ରିପୋର୍ଟ ଆସିଛି, ତାହା ଆମେରିକାକୁ ସାମାନ୍ୟ ଆଶ୍ୱସ୍ତ କରିଛି । କହିବାର ଅର୍ଥ, ଗତ ୨୪ ଘଣ୍ଟା ମଧ୍ୟରେ ଆମେରିକାରେ ମୃତ୍ୟୁ ସଂଖ୍ୟା ସାମାନ୍ୟ କମିଛି । ତଥାପି ଆମେରିକା ଏବେ ଗମ୍ଭୀର ସ୍ଥିତିରେ ରହିଛି । 

ଗତ ୨୪ ଘଣ୍ଟା ମଧ୍ୟରେ ଆମେରିକାରେ ୧୪୩୩ ଜଣଙ୍କ ହୋଇଛି । ଯଦି ଆମେ ପୂର୍ବ କିଛି ଦିନର ରିପୋର୍ଟକୁ ଦେଖିବା, ତେବେ ଏହା ତା ତୁଳନାରେ କମ୍ । ତେଣୁ ଏହା ଆମେରିକା ପାଇଁ ଆଶ୍ୱସ୍ତି ଖବର ନିଶ୍ଚୟ । 

United States records 1,433 #Coronavirus deaths in past 24 hours: AFP news agency quoting Johns Hopkins

— ANI (@ANI) April 21, 2020

ତେବେ ବିଶ୍ୱର ଶକ୍ତିଶାଳୀ ଦେଶ କୁହାଯାଉଥିବା ଆମେରିକାରେ ଏପର୍ଯ୍ୟନ୍ତ ୪୨ହଜାରରୁ ଉର୍ଦ୍ଧ୍ୱ ଲୋକଙ୍କ ମୃତ୍ୟୁ ହେଲାଣି । ସେହିପରି ଆକ୍ରାନ୍ତଙ୍କ ସଂଖ୍ୟା ୮ ଲକ୍ଷ ଛୁଇଁବା ଉପରେ । ଅର୍ଥାତ ୭୮୪ ହଜାର ପାର୍ କଲାଣି । ନ୍ୟୁୟର୍କରେ ମୃତ୍ୟୁ ସଂଖ୍ୟା ସର୍ବାଧିକ ୨୦ ହଜାର ରହିଛି ।