ଆମର ସଭ୍ୟତା ଓ ସଂସ୍କୃତି ଏପରି ନୁହେଁ...

ନୂଆଦିଲ୍ଲୀ: ବିଭିନ୍ନ ସ୍ଥାନରେ ଡାକ୍ତର ଏବଂ ସ୍ୱାସ୍ଥ୍ୟକର୍ମୀଙ୍କ ଉପରେ ହେଉଥିବା ଆକ୍ରମଣକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ କରିଛନ୍ତି କଂଗ୍ରେସ ଅନ୍ତରୀଣ ଅଧ୍ୟକ୍ଷା ସୋନିଆ ଗାନ୍ଧୀ । ଦେଶବାସୀଙ୍କ ପାଇଁ ଜାରି କରିଥିବା ଏକ ଭିଡିଓ ବାର୍ତ୍ତାରେ ସେ ଏହା ଉପରେ ଟିପ୍ପଣୀ ଦେଇଛନ୍ତି । ଭାରତର ସଭ୍ୟତା ଏବଂ ସଂସ୍କୃତି ଏପରି ନୁହେଁ ବୋଲି କହିଛନ୍ତି କଂଗ୍ରେସ ଅନ୍ତରୀଣ ଅଧ୍ୟକ୍ଷା । ଏହାସହ କୋରୋନା ମୁକାବିଲା ଦିଗରେ ସମସ୍ତ ଦେଶବାସୀ ଶାନ୍ତି, ଧୋର୍ଯ୍ୟ ଏବଂ ସଞ୍ଜମ ରଖିଥିବାରୁ ଧନ୍ୟବାଦ ମଧ୍ୟ ଦେଇଛନ୍ତି । 

ଆଜି ଦିନ ୧୦ଟା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶବାସୀଙ୍କୁ ସମ୍ବୋଧନ କରିବେ । ତେବେ ତାର କିଛି ସମୟ ପୂର୍ବରୁ ଦେଶବାସୀଙ୍କ ପାଇଁ ଏକ ଭିଡିଓ ବାର୍ତ୍ତା ଜାରି କରିଛନ୍ତି କଂଗ୍ରେସ ଅନ୍ତରୀଣ ଅଧ୍ୟକ୍ଷା । କୋରୋନାକୁ ମାତ୍ ଦେବା ପାଇଁ ସମ୍ପୁର୍ଣ୍ଣ ଭାବେ ଲକଡାଉନ୍ ପାଳନ କରିବା ପାଇଁ ଅପିଲ କରିଛନ୍ତି ଶ୍ରୀମତୀ ଗାନ୍ଧୀ । ସେହିପରି ଘରୁ ବାହାରିଲେ ମାସ୍କ ଓ ସାନିଟାଇଜର ବ୍ୟବହାର ସହ ସାମାଜିକ ଦୂରତ୍ୱ ବଜାୟ ରଖିବା ଉପରେ ସେ ଗୁରୁତ୍ୱାରୋପ କରିଛନ୍ତି । ବର୍ତ୍ତମାନ ସମୟରେ ଦେଶବାସୀ ଘରେ ରହିବା ହିଁ ପ୍ରକୃତ ଦେଶଭକ୍ତି ବୋଲି କହିଛନ୍ତି ସୋନିଆ । 

ସେହିପରି ସ୍ୱାସ୍ଥ୍ୟକର୍ମୀଙ୍କୁ ଧନ୍ୟବାଦ ଜଣାଇବା ପାଇଁ ମୋ ପାଖରେ ଶବ୍ଦ ନାହିଁ ବୋଲି କହିଛନ୍ତି କଂଗ୍ରେସ ଅନ୍ତରୀଣ ଅଧ୍ୟକ୍ଷା । ବ୍ୟକ୍ତିଗତ ସୁରକ୍ଷା ଉପକରଣ ଅଭାବ ସତ୍ତ୍ୱେ ଦେଶର ଡାକ୍ତର, ସ୍ୱାସ୍ଥ୍ୟକର୍ମୀ, ସାମାଜିକ ସଙ୍ଗଠନ, ସଫେଇ କର୍ମଚାରୀ ନିଜ ନିଜ ଦାୟିତ୍ୱ ସମ୍ପାଦନ କରୁଛନ୍ତି । ପୋଲିସ କର୍ମଚାରୀ ଲକଡାଉନକୁ ସଫଳ କରିବା ପାଇଁ ଅହରହ କାମ କରୁଛନ୍ତି । ଲୋକଙ୍କ ପାଖରେ ଅତ୍ୟାବଶ୍ୟକ ସାମଗ୍ରୀ ପହଞ୍ଚାଇବାକୁ ଅନେକ ସରକାରୀ କର୍ମଚାରୀ ଲାଗି ପଡ଼ିଛନ୍ତି । ସେହିପରି ଦେଶବାସୀ ମଧ୍ୟ ଅନ୍ୟର ସେବାରେ ନିୟୋଜିତ ଅଛନ୍ତି । କିଏ ମାସ୍କ ବାଣ୍ଟୁଛି ତ ଆଉ କିଏ ଗରିବଙ୍କୁ ଖାଦ୍ୟ ଯୋଗାଉଛି । ଏହାର ଅର୍ଥ ସମସ୍ତ ହିନ୍ଦୁସ୍ଥାନୀ ଏକଜୁଟ ହୋଇ କୋରୋନା ସହ ଲଢ଼େଇ କରୁଛନ୍ତି । ତେଣୁ ଆପଣ ସମସ୍ତେ ଧନ୍ୟବାଦର ପାତ୍ର ବୋଲି ସୋନିଆ ଗାନ୍ଧୀ କହିଛନ୍ତି । 

Add Zee News as a Preferred Source

ତେବେ ଏଭଳି ସଙ୍କଟ ସମୟରେ କଂଗ୍ରେସ କାର୍ଯ୍ୟକର୍ତ୍ତା ମଧ୍ୟ ଅହରହ କାମ କରୁଥିବା କହିଛନ୍ତି ଦଳର ଅନ୍ତରୀଣ ଅଧ୍ୟକ୍ଷା । ସେ ଆହୁରି ମଧ୍ୟ କହିଛନ୍ତି, ''ଆମେ ସରକାରରେ ଥାଉ କିମ୍ବା ବିରୋଧୀ ଦଳରେ, ଏଭଳି ସମୟରେ ଆମେ ସବୁବେଳେ ଆପଣଙ୍କ ସାଥ ଦେବୁ । କଂଗ୍ରେସ ସିପାହୀ ଆପଣଙ୍କୁ ସହଯୋଗ କରିବା ପାଇଁ ସବୁବେଳେ ପ୍ରସ୍ତୁତ ଅଛନ୍ତି । ଆପଣ ଚାହିଁଲେ ଆମ ଜାତୀୟସ୍ତରୀୟ କଣ୍ଟ୍ରୋଲ ରୁମ କିମ୍ବା ରାଜ୍ୟସ୍ତରୀୟ ଦଳୀୟ କାର୍ଯ୍ୟାଳୟ ସହ ଯୋଗାଯୋଗ କରିପାରିବେ । ''

कांग्रेस अध्यक्षा श्रीमती सोनिया गांधी का देश के नाम संदेश:-
कोरोना संकट में डॉक्टर्स, सफाईकर्मियों, पुलिस सहित सरकारी अधिकारियों के डटे रहने से बड़ी "देशभक्ति" कोई नहीं है। हम एकता, अनुशासन और आत्मबल के भाव से कोरोना को परास्त करेंगे। धैर्य एवं संयम के लिए देशवासियों का धन्यवाद। pic.twitter.com/Sl4zkKURTv

— Congress (@INCIndia) April 14, 2020